JW subtitle extractor

點解要促進和睦呢？
喺馬太福音5:9
耶穌就講咗一個好好嘅理由
耶穌話促進和睦嘅人有福
即係開心嘅
聽落就好似好簡單
但係要做出嚟就唔係咁容易喇
我哋會講吓其中一個困難嘅地方
係乜嘢呢？
就喺雅各書第3章
請大家一齊打開雅各書3:5
「照樣舌頭喺身體入面雖然好細
但係可以大吹大擂
睇吓
小小嘅火苗就能夠令一大片森林燒起」
跟住第8節都講得好啱
「但係舌頭冇人能夠馴服
而且唔受管束、害人不淺
充滿致命嘅毒素」
點解促進和睦咁難呢？
經文就提到條脷係好難馴服嘅
脷係身體嘅一個器官
幫助我哋進食呼吸同講嘢
喺經文入面
雅各提到嘅就係講嘢嘅功能
譯做「脷」嘅拉丁語詞
詞根係「Lingua」
有啲英語嘅單詞
都係嚟自同一個拉丁語詞根
例如語言同語言學
我哋平時都會用條脷有關嘅詞
去形容講嘢㗎
你都可能聽過有人咁樣講
例如「條脷打晒棘」
「開口夾著脷」
「口甜舌滑」等等
雅各話條脷好似火一樣
可以造成好大嘅禍害
啲咁多火種就可以燒晒成個森林
所以當我哋俾人激嬲嗰陣
一定要好努力控制自己點講嘢
咁先至可以促進和睦
我哋條脷可以品嚐到四種基本嘅味道
就係甜鹹酸苦
甜味主要通過脷尖去品嚐到
而分佈喺條脷兩邊嘅味蕾呢
就可以識別到酸味同鹹味
而條脷最入面近住喉嚨嘅地方
就食到苦味喇
聖經執筆者都會用到條脷嘅
呢啲功能做比喻
例如約伯記34:3話
「耳朵檢驗聽到嘅説話
就好似舌頭品嚐食物」
另外喺歌羅西書4:6 保羅話
「任何時候都要講仁慈體貼嘅說話
好似食物落鹽調味
咁你哋就識得點樣回應
每個提出問題嘅人」
所以促進和睦嘅人講嘅說話
係令人舒暢
當然現實好多時
都好似雅各書3:10講嘅咁樣
經文話
「讚美同詛咒竟然出自同一把口」
換言之
我哋講出嚟嘅嘢有時好甜
有時就苦咗啲喇
我哋可能傳道、聚會
講嘢仁慈體貼
但係返到屋企或者做嘢嗰陣
就講嘢倔雷槌
我哋都知道咁做唔好
但係點解有時都會咁呢？
耶穌洞悉人心
佢指出我哋講嘅嘢
反映咗內心嘅感覺同諗法
喺馬太福音12:34 佢話
「心入面充滿啲乜嘢
口就會講出嚟嘞」
頭先我哋講過
喺條脷最入面嗰度
對苦味係特別敏感嘅
同樣苦澀嘅説話都係嚟自入面
即係我哋嘅內心
可以顯示我哋心底入面真正嘅諗法
所以我哋對人有咩睇法
就會喺言談裏面顯露出嚟
請你留意屏幕上面嘅圖片
圖片想表達
從我哋講嘅嘢就可以知道
我哋係咪尊重其他人
呢位姊妹好冇禮貌咁話
另一位姊妹做得唔啱
講咗出嚟嘅説話就收唔返
唔可以好似訊息咁隨時修改
如果我哋唔小心講錯嘢得罪人
想促進和睦嘅話
就要學識真心講3個字
「對唔住」
圖片嘅姊妹睇咗聖經之後
顯然知道自己做錯咗
就搵對方道歉喇
請打開聖經到箴言12:18
呢節經文話俾我哋聽
點解喺講嘢之前諗清楚係好重要嘅
箴言12:18話
「講嘢唔小心嘅就好似用刀拮人
明智人嘅舌頭就好似良藥一樣」
我哋條脷可以好似一把刀咁
一句傷害人嘅說話可以令人留低疤痕
就算件事過去咗仍然令人痛苦
特別係灰心嗰陣
會好容易記起呢啲傷害
可能你都試過咁樣
明明件事已經過咗好多年
但係當你唔開心嗰陣就會諗返起
調返轉頭
明智人嘅舌頭
就好似一劑良藥咁醫好人
關於說話造成嘅影響
我哋睇睇一個例子吖
約伯全身生滿毒瘡
但係睇嚟唔及得上
佢嘅朋友講嘅嘢帶嚟嘅傷害
例如請睇吓屏幕嘅圖片
比勒達講咗一啲好尖酸刻薄嘅說話
約伯就咁樣回應喇
喺約伯記19:2
一本中文譯本嘅聖經咁樣翻譯
「你哋搞擾我嘅心
用言語壓碎我要到幾時呢？」
經文話約伯朋友講嘅嘢
唔止係令佢唔開心
仲將佢壓碎
約伯啲朋友就好似
一刀一刀咁拮落約伯度
佢哋講嘅嘢佔咗約伯記9章咁多
仲要一次都冇叫過約伯嘅名
真係好傷佢心啊
唔怪得約伯話俾人壓碎啦
換轉係我哋都一定有佢嘅感覺啊
而家約伯有兩個選擇
究竟佢會點樣對待嗰3個朋友呢？
佢可以喺心入面同自己講
「等我第日冇晒事嘅話
你哋3個就知味道喇」
但係約伯就選擇促進和睦
請打開約伯記42:8吖
螢幕嘅圖片就描述緊當時嘅情況
約伯記42:8嘅下半部分
耶和華話約伯會咁做
「我嘅僕人約伯會為你哋禱告」
耶和華就好似同約伯咁樣講
「約伯
如果你想同佢哋3個做返好朋友
放低怨恨唔再嬲佢哋
咁你就為佢哋禱告啦」
諗吓如果我哋俾人傷害得好深
最難做嘅就係為對方禱告
而耶和華就係叫約伯咁樣做
跟住我哋喺約伯記42:10就睇到
「約伯為佢嘅朋友禱告之後
耶和華令約伯唔再受苦
再次興旺起嚟」
約伯跟住耶和華嘅指示去做
真係幫佢放低怨恨
有咩好處呢？
根據聖經嘅記載
喺佢之後140年嘅人生都過得好開心
而佢咁開心係因為
約伯知道佢自己做嘅
令佢同耶和華和好
當一個人揀促進和睦
而唔係去報復其他人
係會覺得好開心㗎
而家我哋又睇下另一啲
促進和睦嘅方法吖
如果我哋睇到有個朋友
做嘅嘢傷害緊其他人
我會唔會唔理呢？
定係我哋做啲嘢幫手解決？
請你睇吓
大衛喺詩篇141:5點樣講吖
我哋主要睇下呢段經文頭兩句
詩篇141:5 經文話
「就算義人責打我都係出於...愛」
責打朋友？
聽落唔似係想促進和睦喎
事實上我哋可能好驚
向朋友提出勸告之後
佢會有唔好嘅反應
又或者擔心破壞咗關係
冇得再做好朋友
其實就算我哋嘅朋友
唔係好容易接受到糾正
甚至平時講嘅嘢、做嘅嘢
好容易得罪到人
但係如果我哋係真朋友
就會喺對方需要嘅時候提出勸告
有時即使你講嘅方式態度都講得好好
結果都可能會令佢唔舒服或者受傷
就好似藥膏搽喺傷口咁
如果我哋嘅朋友接受咗我哋嘅意見
佢同其他人嘅關係改善咗
我哋就會好開心
自己有主動同佢講
我哋想成為其他人嘅好朋友
唔單止要留意自己講啲乜嘢
仲要留意點樣講
我哋有好多機會
善用我哋嘅舌頭同其他人講嘢
如果我哋想做一個促進和睦嘅人
咁就要記得今日學到嘅
喺講嘢嗰陣要用鹽調味

保羅‧吉利斯：「促進​和睦​嘅​人​係​有​福​嘅」（太5:9）

保羅‧吉利斯：「促進和睦嘅人係有福嘅」（太5:9）