JW subtitle extractor

点解要促进和睦呢？
喺马太福音5:9
耶稣就讲咗一个好好嘅理由
耶稣话促进和睦嘅人有福
即系开心嘅
听落就好似好简单
但系要做出嚟就唔系咁容易喇
我哋会讲吓其中一个困难嘅地方
系乜嘢呢？
就喺雅各书第3章
请大家一齐打开雅各书3:5
“照样舌头喺身体入面虽然好细
但系可以大吹大擂
睇吓
小小嘅火苗就能够令一大片森林烧起”
跟住第8节都讲得好啱
“但系舌头冇人能够驯服
而且唔受管束、害人不浅
充满致命嘅毒素”
点解促进和睦咁难呢？
经文就提到条脷系好难驯服嘅
脷系身体嘅一个器官
帮助我哋进食呼吸同讲嘢
喺经文入面
雅各提到嘅就系讲嘢嘅功能
译做“脷”嘅拉丁语词
词根系“Lingua”
有啲英语嘅单词
都系嚟自同一个拉丁语词根
例如语言同语言学
我哋平时都会用条脷有关嘅词
去形容讲嘢㗎
你都可能听过有人咁样讲
例如“条脷打晒棘”
“开口夹着脷”
“口甜舌滑”等等
雅各话条脷好似火一样
可以造成好大嘅祸害
啲咁多火种就可以烧晒成个森林
所以当我哋俾人激嬲嗰阵
一定要好努力控制自己点讲嘢
咁先至可以促进和睦
我哋条脷可以品尝到四种基本嘅味道
就系甜咸酸苦
甜味主要通过脷尖去品尝到
而分布喺条脷两边嘅味蕾呢
就可以识别到酸味同咸味
而条脷最入面近住喉咙嘅地方
就食到苦味喇
圣经执笔者都会用到条脷嘅
呢啲功能做比喻
例如约伯记34:3话
“耳朵检验听到嘅説话
就好似舌头品尝食物”
另外喺歌罗西书4:6 保罗话
“任何时候都要讲仁慈体贴嘅说话
好似食物落盐调味
咁你哋就识得点样回应
每个提出问题嘅人”
所以促进和睦嘅人讲嘅说话
系令人舒畅
当然现实好多时
都好似雅各书3:10讲嘅咁样
经文话
“赞美同诅咒竟然出自同一把口”
换言之
我哋讲出嚟嘅嘢有时好甜
有时就苦咗啲喇
我哋可能传道、聚会
讲嘢仁慈体贴
但系返到屋企或者做嘢嗰阵
就讲嘢倔雷槌
我哋都知道咁做唔好
但系点解有时都会咁呢？
耶稣洞悉人心
佢指出我哋讲嘅嘢
反映咗内心嘅感觉同谂法
喺马太福音12:34 佢话
“心入面充满啲乜嘢
口就会讲出嚟嘞”
头先我哋讲过
喺条脷最入面嗰度
对苦味系特别敏感嘅
同样苦涩嘅説话都系嚟自入面
即系我哋嘅内心
可以显示我哋心底入面真正嘅谂法
所以我哋对人有咩睇法
就会喺言谈裏面显露出嚟
请你留意屏幕上面嘅图片
图片想表达
从我哋讲嘅嘢就可以知道
我哋系咪尊重其他人
呢位姊妹好冇礼貌咁话
另一位姊妹做得唔啱
讲咗出嚟嘅説话就收唔返
唔可以好似讯息咁随时修改
如果我哋唔小心讲错嘢得罪人
想促进和睦嘅话
就要学识真心讲3个字
“对唔住”
图片嘅姊妹睇咗圣经之后
显然知道自己做错咗
就揾对方道歉喇
请打开圣经到箴言12:18
呢节经文话俾我哋听
点解喺讲嘢之前谂清楚系好重要嘅
箴言12:18话
“讲嘢唔小心嘅就好似用刀拮人
明智人嘅舌头就好似良药一样”
我哋条脷可以好似一把刀咁
一句伤害人嘅说话可以令人留低疤痕
就算件事过去咗仍然令人痛苦
特别系灰心嗰阵
会好容易记起呢啲伤害
可能你都试过咁样
明明件事已经过咗好多年
但系当你唔开心嗰阵就会谂返起
调返转头
明智人嘅舌头
就好似一剂良药咁医好人
关于说话造成嘅影响
我哋睇睇一个例子吖
约伯全身生满毒疮
但系睇嚟唔及得上
佢嘅朋友讲嘅嘢带嚟嘅伤害
例如请睇吓屏幕嘅图片
比勒达讲咗一啲好尖酸刻薄嘅说话
约伯就咁样回应喇
喺约伯记19:2
一本中文译本嘅圣经咁样翻译
“你哋搞扰我嘅心
用言语压碎我要到几时呢？”
经文话约伯朋友讲嘅嘢
唔止系令佢唔开心
仲将佢压碎
约伯啲朋友就好似
一刀一刀咁拮落约伯度
佢哋讲嘅嘢占咗约伯记9章咁多
仲要一次都冇叫过约伯嘅名
真系好伤佢心啊
唔怪得约伯话俾人压碎啦
换转系我哋都一定有佢嘅感觉啊
而家约伯有两个选择
究竟佢会点样对待嗰3个朋友呢？
佢可以喺心入面同自己讲
“等我第日冇晒事嘅话
你哋3个就知味道喇”
但系约伯就选择促进和睦
请打开约伯记42:8吖
荧幕嘅图片就描述紧当时嘅情况
约伯记42:8嘅下半部分
耶和华话约伯会咁做
“我嘅仆人约伯会为你哋祷告”
耶和华就好似同约伯咁样讲
“约伯
如果你想同佢哋3个做返好朋友
放低怨恨唔再嬲佢哋
咁你就为佢哋祷告啦”
谂吓如果我哋俾人伤害得好深
最难做嘅就系为对方祷告
而耶和华就系叫约伯咁样做
跟住我哋喺约伯记42:10就睇到
“约伯为佢嘅朋友祷告之后
耶和华令约伯唔再受苦
再次兴旺起嚟”
约伯跟住耶和华嘅指示去做
真系帮佢放低怨恨
有咩好处呢？
根据圣经嘅记载
喺佢之后140年嘅人生都过得好开心
而佢咁开心系因为
约伯知道佢自己做嘅
令佢同耶和华和好
当一个人拣促进和睦
而唔系去报复其他人
系会觉得好开心㗎
而家我哋又睇下另一啲
促进和睦嘅方法吖
如果我哋睇到有个朋友
做嘅嘢伤害紧其他人
我会唔会唔理呢？
定系我哋做啲嘢帮手解决？
请你睇吓
大卫喺诗篇141:5点样讲吖
我哋主要睇下呢段经文头两句
诗篇141:5 经文话
“就算义人责打我都系出于...爱”
责打朋友？
听落唔似系想促进和睦㖞
事实上我哋可能好惊
向朋友提出劝告之后
佢会有唔好嘅反应
又或者担心破坏咗关系
冇得再做好朋友
其实就算我哋嘅朋友
唔系好容易接受到纠正
甚至平时讲嘅嘢、做嘅嘢
好容易得罪到人
但系如果我哋系真朋友
就会喺对方需要嘅时候提出劝告
有时即使你讲嘅方式态度都讲得好好
结果都可能会令佢唔舒服或者受伤
就好似药膏搽喺伤口咁
如果我哋嘅朋友接受咗我哋嘅意见
佢同其他人嘅关系改善咗
我哋就会好开心
自己有主动同佢讲
我哋想成为其他人嘅好朋友
唔单止要留意自己讲啲乜嘢
仲要留意点样讲
我哋有好多机会
善用我哋嘅舌头同其他人讲嘢
如果我哋想做一个促进和睦嘅人
咁就要记得今日学到嘅
喺讲嘢嗰阵要用盐调味

保罗‧吉利斯：“促进和睦嘅人係有福嘅”（太5:9）