JW subtitle extractor

對於嗰啲灰心嘅人嚟講
今日嘅經文
特別可以鼓勵到佢哋保持積極
經文話「上帝一定會激勵你哋
令你哋唔單止有意願
亦都有力量採取行動
因為噉做令佢非常喜悅」
喺經文嗰度我哋學到兩點
第一係耶和華好想幫我哋
佢係好喜歡咁樣做
第二點係佢會賜力量俾我哋
亦即係佢嘅神聖力量
呢股力量係全宇宙最強大嘅
耶和華係我哋親密嘅朋友
佢永遠都係我哋嘅朋友
我哋好想盡一切努力
去維繫同佢嘅友誼
但係同時間
撒但都好想
破壞我哋同上帝嘅寶貴關係
佢會利用我哋遇到嘅考驗同難題
令我哋灰心
同耶和華疏遠
一齊睇吓
帖撒羅尼迦前書第3章吖
我哋會由第2節讀起
帖撒羅尼迦前書3章
2至4節
「而提摩太就去你哋嗰度先
佢係我哋嘅弟兄
係上帝嘅僕人
努力宣揚基督嘅好消息
我哋派佢過去
係想鞏固你哋嘅信心
安慰你哋令你哋堅定
噉就唔會有人因為呢啲患難而動搖
你哋知道我哋難免會遭受患難
我哋喺你哋嗰度嘅時候
預先講過我哋會遭受患難
而你哋都知道事實真係噉樣」
撒但迫害我哋
目的係想令我哋動搖
點動搖呢？
魔鬼撒但好想利用我哋嘅內在情感
嚟打擊我哋
削弱我哋對耶和華嘅信心
等我哋冇晒力量
令我哋覺得好唔開心
有時仲會覺得好沮喪
心情好低落
撒但想我哋覺得
我哋面對緊嘅難題同考驗
都係耶和華造成嘅
佢令我哋嘅內心產生好多疑問
會諗
點解耶和華
會俾呢啲事發生喺我身上？
我做錯啲咩呀？
佢係咪真係好唔鍾意我
所以搞到我咁慘呀？
佢仲愛唔愛我㗎？
如果啲考驗一直噉持續落去
我哋會覺得好沮喪
直頭想放棄
我哋嘅感覺呢？
可能就好似以利亞嘅噉
當日佢俾耶洗別王后追殺
走到去曠野
佢去到棵樹下面
然後同耶和華講
「你俾我死咗去算啦」
佢情緒真係好低落
耶和華派咗個天使嚟
俾咗啲水同埋餅佢
佢食完之後有返力氣
就一路行咗足足40日
差唔多500公里路程
中途冇食嘢同飲水
最後嚟到何烈山
喺山上面
耶和華使以利亞重新振作
佢俾咗個任務以利亞
仲安慰佢令以利亞放心
佢係好珍貴㗎
結果以利亞能夠繼續敬奉上帝
噉我哋又點呢？
耶和華好清楚我哋經歷緊嘅考驗
同埋有咩感覺
佢好想我哋得到永生
佢甚至不惜作出好大嘅犧牲
安排耶穌嚟救贖我哋
知道呢一點
可以幫我哋成功應付考驗
喺腓立比書第2章
保羅就提到耶穌嘅榜樣
喺耶穌身上我哋可以學到
佢面對考驗嗰陣係點樣做㗎
請睇吓腓立比書2章
我哋由第5節開始
經文話「基督耶穌有點樣嘅思想態度
你哋都要有點樣嘅思想態度
佢本來以上帝嘅形態存在」
「上帝嘅形態」
但係第7節就話
「佢放棄咗一切
接受咗奴隸嘅形態
成為一個人」
佢離開咗天上嘅崗位
放棄晒一切包括佢嘅權力
嚟到地上
成為一個BB 最後長大成人
但係同喺天上嘅地位相比爭好遠
以前佢係米迦勒係首要嘅領袖
依家佢係一個凡人
好渺小而且冇咩權力
跟住睇吓第8節
「唔單止噉」
唔單止成為一個人
「佢成為人之後亦都行事謙卑
服從至死甚至死喺苦刑柱」
呢個考驗對耶穌嚟講
一啲都唔容易
睇吓路加福音22章
我哋就知道嘞
喺路加福音22:42
耶穌禱告
佢同天父講
「爸爸啊
如果你願意
求你為我拎走呢個杯
不過唔好照我嘅意思去做
而係照你嘅意思去做」
真係做得好啊！
跟住有個天使出現喺耶穌面前
為佢加添力量
即使係噉第44節話
「佢非常痛苦更加懇切噉禱告
佢嘅汗珠好似血噉滴喺地上」
耶穌真係好痛苦呀！
但係睇吓第45節吖
「禱告之後佢企起身
行去門徒嗰度」
喺46節佢同門徒講
「點解你哋喺度瞓覺呢？
起身啦要不斷禱告
噉就唔會喺引誘下屈服嘞」
耶和華賜力量俾耶穌
而耶穌就繼續忍耐落去
亦都鼓勵佢嘅門徒噉樣做
耶穌咁忠貞
我哋睇吓耶和華點樣獎賞佢吖
請睇吓腓立比書2:9
「所以上帝將佢提升到更高嘅地位
將超越所有名嘅名仁慈噉賜俾佢」
耶和華賜好大嘅權力俾耶穌
而家耶穌喺天上
永遠都唔會死
佢嘅權力比以前擁有嘅更加大
佢會消滅撒但
同埋撒但統治嘅世界
仲會帶嚟新世界
復活億萬嘅死者
使佢哋永遠噉樣活落去
耶穌能夠噉樣做
全因為耶和華嘅神聖力量
我哋呢？
又學到啲乜嘢？
面對考驗嘅時候
耶和華想我哋點做呢？
一齊睇吓
腓立比書2:12嘅後半部分話
「你哋應該敬畏上帝
不斷努力令自己最終得救」
所以得救係要靠我哋自己嘅努力
經文話我哋應該敬畏上帝
噉先可以令我哋最終得救
所以我哋好需要依賴上帝
耶和華知道我哋係唔完美、軟弱嘅人
但係一有需要
佢會賜俾我哋意願
同埋力量去信靠佢
今日我哋學到耶穌做嘅兩件事
佢遵行上帝旨意
同埋第二佢好懇切噉樣禱告
總結一下有四點
第一耶和華好想幫我哋
佢好想我哋成功
第二佢將全宇宙最強嘅力量
即係神聖力量賜俾我哋
第三佢令我哋有意願完成佢嘅旨意
同埋第四佢賜我哋力量噉做
好似保羅喺腓立比書4:13話
「我靠住賜我力量嘅上帝
乜嘢事都能夠應付」

艾扎克·馬雷：耶和華令我們有意願和力量採取行動（腓2:13）