JW subtitle extractor

对于嗰啲灰心嘅人嚟讲
今日嘅经文
特别可以鼓励到佢哋保持积极
经文话“上帝一定会激励你哋
令你哋唔单止有意愿
亦都有力量采取行动
因为噉做令佢非常喜悦”
喺经文嗰度我哋学到两点
第一系耶和华好想帮我哋
佢系好喜欢咁样做
第二点系佢会赐力量俾我哋
亦即系佢嘅神圣力量
呢股力量系全宇宙最强大嘅
耶和华系我哋亲密嘅朋友
佢永远都系我哋嘅朋友
我哋好想尽一切努力
去维系同佢嘅友谊
但系同时间
撒但都好想
破坏我哋同上帝嘅宝贵关系
佢会利用我哋遇到嘅考验同难题
令我哋灰心
同耶和华疏远
一齐睇吓
帖撒罗尼迦前书第3章吖
我哋会由第2节读起
帖撒罗尼迦前书3章
2至4节
“而提摩太就去你哋嗰度先
佢系我哋嘅弟兄
系上帝嘅仆人
努力宣扬基督嘅好消息
我哋派佢过去
系想巩固你哋嘅信心
安慰你哋令你哋坚定
噉就唔会有人因为呢啲患难而动摇
你哋知道我哋难免会遭受患难
我哋喺你哋嗰度嘅时候
预先讲过我哋会遭受患难
而你哋都知道事实真系噉样”
撒但迫害我哋
目的系想令我哋动摇
点动摇呢？
魔鬼撒但好想利用我哋嘅内在情感
嚟打击我哋
削弱我哋对耶和华嘅信心
等我哋冇晒力量
令我哋觉得好唔开心
有时仲会觉得好沮丧
心情好低落
撒但想我哋觉得
我哋面对紧嘅难题同考验
都系耶和华造成嘅
佢令我哋嘅内心产生好多疑问
会谂
点解耶和华
会俾呢啲事发生喺我身上？
我做错啲咩呀？
佢系咪真系好唔钟意我
所以搞到我咁惨呀？
佢仲爱唔爱我㗎？
如果啲考验一直噉持续落去
我哋会觉得好沮丧
直头想放弃
我哋嘅感觉呢？
可能就好似以利亚嘅噉
当日佢俾耶洗别王后追杀
走到去旷野
佢去到棵树下面
然后同耶和华讲
“你俾我死咗去算啦”
佢情绪真系好低落
耶和华派咗个天使嚟
俾咗啲水同埋饼佢
佢食完之后有返力气
就一路行咗足足40日
差唔多500公里路程
中途冇食嘢同饮水
最后嚟到何烈山
喺山上面
耶和华使以利亚重新振作
佢俾咗个任务以利亚
仲安慰佢令以利亚放心
佢系好珍贵㗎
结果以利亚能够继续敬奉上帝
噉我哋又点呢？
耶和华好清楚我哋经历紧嘅考验
同埋有咩感觉
佢好想我哋得到永生
佢甚至不惜作出好大嘅牺牲
安排耶稣嚟救赎我哋
知道呢一点
可以帮我哋成功应付考验
喺腓立比书第2章
保罗就提到耶稣嘅榜样
喺耶稣身上我哋可以学到
佢面对考验嗰阵系点样做㗎
请睇吓腓立比书2章
我哋由第5节开始
经文话“基督耶稣有点样嘅思想态度
你哋都要有点样嘅思想态度
佢本来以上帝嘅形态存在”
“上帝嘅形态”
但系第7节就话
“佢放弃咗一切
接受咗奴隶嘅形态
成为一个人”
佢离开咗天上嘅岗位
放弃晒一切包括佢嘅权力
嚟到地上
成为一个BB 最后长大成人
但系同喺天上嘅地位相比争好远
以前佢系米迦勒系首要嘅领袖
依家佢系一个凡人
好渺小而且冇咩权力
跟住睇吓第8节
“唔单止噉”
唔单止成为一个人
“佢成为人之后亦都行事谦卑
服从至死甚至死喺苦刑柱”
呢个考验对耶稣嚟讲
一啲都唔容易
睇吓路加福音22章
我哋就知道嘞
喺路加福音22:42
耶稣祷告
佢同天父讲
“爸爸啊
如果你愿意
求你为我拎走呢个杯
不过唔好照我嘅意思去做
而系照你嘅意思去做”
真系做得好啊！
跟住有个天使出现喺耶稣面前
为佢加添力量
即使系噉第44节话
“佢非常痛苦更加恳切噉祷告
佢嘅汗珠好似血噉滴喺地上”
耶稣真系好痛苦呀！
但系睇吓第45节吖
“祷告之后佢企起身
行去门徒嗰度”
喺46节佢同门徒讲
“点解你哋喺度瞓觉呢？
起身啦要不断祷告
噉就唔会喺引诱下屈服嘞”
耶和华赐力量俾耶稣
而耶稣就继续忍耐落去
亦都鼓励佢嘅门徒噉样做
耶稣咁忠贞
我哋睇吓耶和华点样奖赏佢吖
请睇吓腓立比书2:9
“所以上帝将佢提升到更高嘅地位
将超越所有名嘅名仁慈噉赐俾佢”
耶和华赐好大嘅权力俾耶稣
而家耶稣喺天上
永远都唔会死
佢嘅权力比以前拥有嘅更加大
佢会消灭撒但
同埋撒但统治嘅世界
仲会带嚟新世界
复活亿万嘅死者
使佢哋永远噉样活落去
耶稣能够噉样做
全因为耶和华嘅神圣力量
我哋呢？
又学到啲乜嘢？
面对考验嘅时候
耶和华想我哋点做呢？
一齐睇吓
腓立比书2:12嘅后半部分话
“你哋应该敬畏上帝
不断努力令自己最终得救”
所以得救系要靠我哋自己嘅努力
经文话我哋应该敬畏上帝
噉先可以令我哋最终得救
所以我哋好需要依赖上帝
耶和华知道我哋系唔完美、软弱嘅人
但系一有需要
佢会赐俾我哋意愿
同埋力量去信靠佢
今日我哋学到耶稣做嘅两件事
佢遵行上帝旨意
同埋第二佢好恳切噉样祷告
总结一下有四点
第一耶和华好想帮我哋
佢好想我哋成功
第二佢将全宇宙最强嘅力量
即系神圣力量赐俾我哋
第三佢令我哋有意愿完成佢嘅旨意
同埋第四佢赐我哋力量噉做
好似保罗喺腓立比书4:13话
“我靠住赐我力量嘅上帝
乜嘢事都能够应付”

艾扎克·马雷：耶和华令我们有意愿和力量采取行动（腓2:13）