JW subtitle extractor

今日嘅經文係嚟自雅各書
馬丁·路德
係發起宗教改革運動嘅其中一個領袖
佢覺得雅各書唔係好有價值
裏面嘅內容對人冇乜實際嘅幫助
其實佢對以斯帖記、希伯來書
猶大書、啟示錄都有同樣嘅感覺
究竟係咩原因呢？
同今日嘅經文雅各書2:17有關
「冇行動嘅信心係死㗎」
其實馬丁·路得佢誤解咗雅各嘅說話
佢認為雅各喺經文嗰度話
只要有行動就可以得救
但係佢認為只要信先可以得救
因為佢唔明白
所以佢唔鍾意雅各嘅說話
甚至話雅各書唔係由雅各寫嘅
而係由一個
唔熟悉基督教嘅猶太人寫㗎
佢噉樣諗完全係因為
誤解咗雅各嘅意思
雅各嘅意思係信心好重要
我哋都需要有㗎
不過睇唔到㗎喎
點至知道一個人有冇信心呢？
雅各話「通過行動
就證明到一個人到底有冇信心」
所以人要對基督嘅贖價
有信心至可以得救
我哋學到啲咩呢？
研讀嗰陣如果唔係好明一啲經文
或者出版物嘅內容
唔好覺得係作者有問題
其實可能係我哋未明白啫
所以要禱告求耶和華幫我哋理解
研讀嘅資料
今日一啲有宗教嘅人
同馬丁·路德一樣覺得信心
重要過行動
有時做逐戶嗰陣遇到佢哋
佢哋話「你覺得去敲下人哋度門
就可以得救㗎喇」
事實當然唔係噉啦
我哋可以得救係全靠
耶穌基督嘅血除去我哋嘅罪
我哋去傳道係因為愛耶和華
亦都愛其他人
因為有好多人誤解上帝
所以我哋想話俾多啲人
聽耶和華係點嘅
就好似法庭嘅見證人噉
一定要講出真相
我好鍾意楊杰明弟兄
喺年會入面講嘅一點
佢話對於嗰啲去搵耶穌醫病嘅人
耶穌唔想見到
佢哋俾病痛折磨多一分一秒
所以佢喺安息日就醫好佢哋
冇叫佢哋第二日至嚟
又或者去某個地方先至醫好佢哋
冇呀 就算佢知道
法利賽派會搵佢麻煩
佢都即刻醫好晒呢啲人
而事實上耶穌佢喺安息日噉樣做
係要冒好大風險㗎
根據摩西法典
違反安息日係會俾人處死
所以點解啲法利賽派
咁想搵到耶穌嘅把柄
楊杰明弟兄喺年會演講話俾我哋聽
我哋唔會因為人喺大患難
仲有機會認識耶和華就唔去傳道
我哋會努力噉樣做
因為今日嘅人喺度受緊苦
而家就需要得到幫助
而家就需要認識耶和華
而家就可以過開心嘅生活
同埋喺將來有永遠嘅生命
噉耶穌點睇呢？
佢係咪覺得我哋點做都冇所謂
定係佢都同意啲宗教人士講
信就得呢？
等耶穌嚟答呢個問題呀
我哋一齊睇吓幾節經文
係嚟自馬丁·路德
唔係好鍾意嘅一卷書啟示錄
一齊打開啟示錄第2章
等耶穌親自話俾我哋知佢點睇呢件事
啟示錄第2章
第2同第5節嘅頭一句
係耶穌同以弗所會眾講㗎
佢話「我知道你做嘅一切
你嘅辛勞［即係做嘅嘢啦］同埋忍耐」
跟住第5節話
「所以你要諗返自己係由邊度墜落嘅
要悔改 要做你起初做嘅嗰啲事」
跟住睇吓第19節
係耶穌同推雅推拉會眾講㗎
喺呢度可以睇出
耶穌係咪真係知道我哋為佢做咗幾多
第19節話「我好清楚你做嘅事
你嘅愛心、信心、服務、忍耐」
跟住留意嘞
「亦都知道你近嚟做嘅比起初仲多」
答案係咩呢？
耶穌好留意我哋為佢做嘅嘢㗎
譬如我哋星期六出傳道做耐啲啲
去買嘢嗰陣搵機會留低單張
或者網站名片俾店員
又或者我哋雖然好攰
不過放工之後都去探個續訪
因為呢個時間佢哋係屋企
呢啲少少嘅付出
耶穌都會留意到
同埋好欣賞㗎
耶和華嘅子民喺今日真係
好盡力參與傳道呀
但係撒但就好負面噉睇我哋
好鍾意指控我哋嘅弟兄
可能佢會話
「而家交報告唔使再寫咁多嘢
計我話 佢哋一定唔會再咁熱心啦
係咁意做吓傳道就可以剔個格仔
話自己做咗㗎啦」
弟兄姊妹咁熱心
真係證明到撒但喺度講大話
雖然而家唔使再填傳道時間
但係我哋都會按住自己嘅情況
去定一啲合理嘅目標
噉點樣先至為之合理呢?
對一個健康 19歲嘅人
同一個90歲 身體唔好嘅人
咩為之合理都可以好唔同
事實上有啲90歲嘅人
都可以為耶和華做好多㗎
有啲人會計劃吓每個月做啲咩
喺月頭嗰陣
會睇吓每個星期六日有啲乜嘢活動
「哎呀 嗰個禮拜我家姐結婚
唔得閒喎
噉其他嗰三個禮拜又點呢?」
我哋表達對耶和華嘅愛
仲有另一個方法
就係跳出舒適圈呀
不過對一啲人嚟講
佢哋覺得好難去參與逐家逐戶傳道
點解佢哋會有呢種感覺呢?
特別係疫情嘅時候
好多人覺得好難同陌生人傾偈
因為習慣晒用短訊或者電郵同人溝通
所以而家淨係想擺攤或者寫信
都好嘅
不過佢哋都明白擺攤或者寫信
唔能夠接觸晒所有人㗎
但係我哋係唔偏心㗎喎
所以佢哋求耶和華幫佢哋跳出舒適圈
參與逐戶傳道
耶穌一定好欣賞佢哋嘅勇氣
願意踏出一步調整自己呀
伯特利嘅通勤人員
佢哋都好愛耶和華同弟兄姊妹
係好好嘅榜樣
如果佢哋係先驅
其實喺第三個星期就已經
做好先驅時間㗎喇
不過第四個禮拜佢哋都冇請假
因為佢哋知道我哋好需要佢哋
佢哋額外付出努力
唔係為咗時間 真係好值得稱讚
耶穌將信心同工作連繫埋一齊
喺佢犧牲之前嗰晚同門徒講
佢話「我做嘅工作
信從我嘅人將來都會做
而且會做得更大」
噉喺今日耶穌叫我哋做乜嘢工作呢？
就係傳道工作

戴維·斯普萊恩：信心沒有行動是死的（雅2:17）
- 

戴維·斯普萊恩：信心沒有行動是死的（雅2:17）

今日嘅經文係嚟自雅各書
馬丁·路德
係發起宗教改革運動嘅其中一個領袖
佢覺得雅各書唔係好有價值
裏面嘅內容對人冇乜實際嘅幫助
其實佢對以斯帖記、希伯來書
猶大書、啟示錄都有同樣嘅感覺
究竟係咩原因呢？
同今日嘅經文雅各書2:17有關
「冇行動嘅信心係死㗎」
其實馬丁·路得佢誤解咗雅各嘅說話
佢認為雅各喺經文嗰度話
只要有行動就可以得救
但係佢認為只要信先可以得救
因為佢唔明白
所以佢唔鍾意雅各嘅說話
甚至話雅各書唔係由雅各寫嘅
而係由一個
唔熟悉基督教嘅猶太人寫㗎
佢噉樣諗完全係因為
誤解咗雅各嘅意思
雅各嘅意思係信心好重要
我哋都需要有㗎
不過睇唔到㗎喎
點至知道一個人有冇信心呢？
雅各話「通過行動
就證明到一個人到底有冇信心」
所以人要對基督嘅贖價
有信心至可以得救
我哋學到啲咩呢？
研讀嗰陣如果唔係好明一啲經文
或者出版物嘅內容
唔好覺得係作者有問題
其實可能係我哋未明白啫
所以要禱告求耶和華幫我哋理解
研讀嘅資料
今日一啲有宗教嘅人
同馬丁·路德一樣覺得信心
重要過行動
有時做逐戶嗰陣遇到佢哋
佢哋話「你覺得去敲下人哋度門
就可以得救㗎喇」
事實當然唔係噉啦
我哋可以得救係全靠
耶穌基督嘅血除去我哋嘅罪
我哋去傳道係因為愛耶和華
亦都愛其他人
因為有好多人誤解上帝
所以我哋想話俾多啲人
聽耶和華係點嘅
就好似法庭嘅見證人噉
一定要講出真相
我好鍾意楊杰明弟兄
喺年會入面講嘅一點
佢話對於嗰啲去搵耶穌醫病嘅人
耶穌唔想見到
佢哋俾病痛折磨多一分一秒
所以佢喺安息日就醫好佢哋
冇叫佢哋第二日至嚟
又或者去某個地方先至醫好佢哋
冇呀  就算佢知道
法利賽派會搵佢麻煩
佢都即刻醫好晒呢啲人
而事實上耶穌佢喺安息日噉樣做
係要冒好大風險㗎
根據摩西法典
違反安息日係會俾人處死
所以點解啲法利賽派
咁想搵到耶穌嘅把柄
楊杰明弟兄喺年會演講話俾我哋聽
我哋唔會因為人喺大患難
仲有機會認識耶和華就唔去傳道
我哋會努力噉樣做
因為今日嘅人喺度受緊苦
而家就需要得到幫助
而家就需要認識耶和華
而家就可以過開心嘅生活
同埋喺將來有永遠嘅生命
噉耶穌點睇呢？
佢係咪覺得我哋點做都冇所謂
定係佢都同意啲宗教人士講
信就得呢？
等耶穌嚟答呢個問題呀
我哋一齊睇吓幾節經文
係嚟自馬丁·路德
唔係好鍾意嘅一卷書啟示錄
一齊打開啟示錄第2章
等耶穌親自話俾我哋知佢點睇呢件事
啟示錄第2章
第2同第5節嘅頭一句
係耶穌同以弗所會眾講㗎
佢話「我知道你做嘅一切
你嘅辛勞［即係做嘅嘢啦］同埋忍耐」
跟住第5節話
「所以你要諗返自己係由邊度墜落嘅
要悔改  要做你起初做嘅嗰啲事」
跟住睇吓第19節
係耶穌同推雅推拉會眾講㗎
喺呢度可以睇出
耶穌係咪真係知道我哋為佢做咗幾多
第19節話「我好清楚你做嘅事
你嘅愛心、信心、服務、忍耐」
跟住留意嘞
「亦都知道你近嚟做嘅比起初仲多」
答案係咩呢？
耶穌好留意我哋為佢做嘅嘢㗎
譬如我哋星期六出傳道做耐啲啲
去買嘢嗰陣搵機會留低單張
或者網站名片俾店員
又或者我哋雖然好攰
不過放工之後都去探個續訪
因為呢個時間佢哋係屋企
呢啲少少嘅付出
耶穌都會留意到
同埋好欣賞㗎
耶和華嘅子民喺今日真係
好盡力參與傳道呀
但係撒但就好負面噉睇我哋
好鍾意指控我哋嘅弟兄
可能佢會話
「而家交報告唔使再寫咁多嘢
計我話  佢哋一定唔會再咁熱心啦
係咁意做吓傳道就可以剔個格仔
話自己做咗㗎啦」
弟兄姊妹咁熱心
真係證明到撒但喺度講大話
雖然而家唔使再填傳道時間
但係我哋都會按住自己嘅情況
去定一啲合理嘅目標
噉點樣先至為之合理呢?
對一個健康  19歲嘅人
同一個90歲  身體唔好嘅人
咩為之合理都可以好唔同
事實上有啲90歲嘅人
都可以為耶和華做好多㗎
有啲人會計劃吓每個月做啲咩
喺月頭嗰陣
會睇吓每個星期六日有啲乜嘢活動
「哎呀  嗰個禮拜我家姐結婚
唔得閒喎
噉其他嗰三個禮拜又點呢?」
我哋表達對耶和華嘅愛
仲有另一個方法
就係跳出舒適圈呀
不過對一啲人嚟講
佢哋覺得好難去參與逐家逐戶傳道
點解佢哋會有呢種感覺呢?
特別係疫情嘅時候
好多人覺得好難同陌生人傾偈
因為習慣晒用短訊或者電郵同人溝通
所以而家淨係想擺攤或者寫信
都好嘅
不過佢哋都明白擺攤或者寫信
唔能夠接觸晒所有人㗎
但係我哋係唔偏心㗎喎
所以佢哋求耶和華幫佢哋跳出舒適圈
參與逐戶傳道
耶穌一定好欣賞佢哋嘅勇氣
願意踏出一步調整自己呀
伯特利嘅通勤人員
佢哋都好愛耶和華同弟兄姊妹
係好好嘅榜樣
如果佢哋係先驅
其實喺第三個星期就已經
做好先驅時間㗎喇
不過第四個禮拜佢哋都冇請假
因為佢哋知道我哋好需要佢哋
佢哋額外付出努力
唔係為咗時間  真係好值得稱讚
耶穌將信心同工作連繫埋一齊
喺佢犧牲之前嗰晚同門徒講
佢話「我做嘅工作
信從我嘅人將來都會做
而且會做得更大」
噉喺今日耶穌叫我哋做乜嘢工作呢？
就係傳道工作


-