JW subtitle extractor

今日嘅经文系嚟自雅各书
马丁·路德
系发起宗教改革运动嘅其中一个领袖
佢觉得雅各书唔系好有价值
裏面嘅内容对人冇乜实际嘅帮助
其实佢对以斯帖记、希伯来书
犹大书、启示录都有同样嘅感觉
究竟系咩原因呢？
同今日嘅经文雅各书2:17有关
「冇行动嘅信心系死㗎」
其实马丁·路得佢误解咗雅各嘅说话
佢认为雅各喺经文嗰度话
只要有行动就可以得救
但系佢认为只要信先可以得救
因为佢唔明白
所以佢唔钟意雅各嘅说话
甚至话雅各书唔系由雅各写嘅
而系由一个
唔熟悉基督教嘅犹太人写㗎
佢噉样谂完全系因为
误解咗雅各嘅意思
雅各嘅意思系信心好重要
我哋都需要有㗎
不过睇唔到㗎㖞
点至知道一个人有冇信心呢？
雅各话「通过行动
就证明到一个人到底有冇信心」
所以人要对基督嘅赎价
有信心至可以得救
我哋学到啲咩呢？
研读嗰阵如果唔系好明一啲经文
或者出版物嘅内容
唔好觉得系作者有问题
其实可能系我哋未明白啫
所以要祷告求耶和华帮我哋理解
研读嘅资料
今日一啲有宗教嘅人
同马丁·路德一样觉得信心
重要过行动
有时做逐户嗰阵遇到佢哋
佢哋话「你觉得去敲下人哋度门
就可以得救㗎喇」
事实当然唔系噉啦
我哋可以得救系全靠
耶稣基督嘅血除去我哋嘅罪
我哋去传道系因为爱耶和华
亦都爱其他人
因为有好多人误解上帝
所以我哋想话俾多啲人
听耶和华系点嘅
就好似法庭嘅见证人噉
一定要讲出真相
我好钟意杨杰明弟兄
喺年会入面讲嘅一点
佢话对于嗰啲去揾耶稣医病嘅人
耶稣唔想见到
佢哋俾病痛折磨多一分一秒
所以佢喺安息日就医好佢哋
冇叫佢哋第二日至嚟
又或者去某个地方先至医好佢哋
冇呀 就算佢知道
法利赛派会揾佢麻烦
佢都即刻医好晒呢啲人
而事实上耶稣佢喺安息日噉样做
系要冒好大风险㗎
根据摩西法典
违反安息日系会俾人处死
所以点解啲法利赛派
咁想揾到耶稣嘅把柄
杨杰明弟兄喺年会演讲话俾我哋听
我哋唔会因为人喺大患难
仲有机会认识耶和华就唔去传道
我哋会努力噉样做
因为今日嘅人喺度受紧苦
而家就需要得到帮助
而家就需要认识耶和华
而家就可以过开心嘅生活
同埋喺将来有永远嘅生命
噉耶稣点睇呢？
佢系咪觉得我哋点做都冇所谓
定系佢都同意啲宗教人士讲
信就得呢？
等耶稣嚟答呢个问题呀
我哋一齐睇吓几节经文
系嚟自马丁·路德
唔系好钟意嘅一卷书启示录
一齐打开启示录第2章
等耶稣亲自话俾我哋知佢点睇呢件事
启示录第2章
第2同第5节嘅头一句
系耶稣同以弗所会众讲㗎
佢话「我知道你做嘅一切
你嘅辛劳［即系做嘅嘢啦］同埋忍耐」
跟住第5节话
「所以你要谂返自己系由边度坠落嘅
要悔改 要做你起初做嘅嗰啲事」
跟住睇吓第19节
系耶稣同推雅推拉会众讲㗎
喺呢度可以睇出
耶稣系咪真系知道我哋为佢做咗几多
第19节话「我好清楚你做嘅事
你嘅爱心、信心、服务、忍耐」
跟住留意嘞
「亦都知道你近嚟做嘅比起初仲多」
答案系咩呢？
耶稣好留意我哋为佢做嘅嘢㗎
譬如我哋星期六出传道做耐啲啲
去买嘢嗰阵揾机会留低单张
或者网站名片俾店员
又或者我哋虽然好攰
不过放工之后都去探个续访
因为呢个时间佢哋系屋企
呢啲少少嘅付出
耶稣都会留意到
同埋好欣赏㗎
耶和华嘅子民喺今日真系
好尽力参与传道呀
但系撒但就好负面噉睇我哋
好钟意指控我哋嘅弟兄
可能佢会话
「而家交报告唔使再写咁多嘢
计我话 佢哋一定唔会再咁热心啦
系咁意做吓传道就可以剔个格仔
话自己做咗㗎啦」
弟兄姊妹咁热心
真系证明到撒但喺度讲大话
虽然而家唔使再填传道时间
但系我哋都会按住自己嘅情况
去定一啲合理嘅目标
噉点样先至为之合理呢?
对一个健康 19岁嘅人
同一个90岁 身体唔好嘅人
咩为之合理都可以好唔同
事实上有啲90岁嘅人
都可以为耶和华做好多㗎
有啲人会计划吓每个月做啲咩
喺月头嗰阵
会睇吓每个星期六日有啲乜嘢活动
「哎呀 嗰个礼拜我家姐结婚
唔得闲㖞
噉其他嗰三个礼拜又点呢?」
我哋表达对耶和华嘅爱
仲有另一个方法
就系跳出舒适圈呀
不过对一啲人嚟讲
佢哋觉得好难去参与逐家逐户传道
点解佢哋会有呢种感觉呢?
特别系疫情嘅时候
好多人觉得好难同陌生人倾偈
因为习惯晒用短讯或者电邮同人沟通
所以而家净系想摆摊或者写信
都好嘅
不过佢哋都明白摆摊或者写信
唔能够接触晒所有人㗎
但系我哋系唔偏心㗎㖞
所以佢哋求耶和华帮佢哋跳出舒适圈
参与逐户传道
耶稣一定好欣赏佢哋嘅勇气
愿意踏出一步调整自己呀
伯特利嘅通勤人员
佢哋都好爱耶和华同弟兄姊妹
系好好嘅榜样
如果佢哋系先驱
其实喺第三个星期就已经
做好先驱时间㗎喇
不过第四个礼拜佢哋都冇请假
因为佢哋知道我哋好需要佢哋
佢哋额外付出努力
唔系为咗时间 真系好值得称赞
耶稣将信心同工作连系埋一齐
喺佢牺牲之前嗰晚同门徒讲
佢话「我做嘅工作
信从我嘅人将来都会做
而且会做得更大」
噉喺今日耶稣叫我哋做乜嘢工作呢？
就系传道工作

戴维·斯普莱恩：信心没有行动是死的（雅2:17）
- 

戴维·斯普莱恩：信心没有行动是死的（雅2:17）

今日嘅经文系嚟自雅各书
马丁·路德
系发起宗教改革运动嘅其中一个领袖
佢觉得雅各书唔系好有价值
裏面嘅内容对人冇乜实际嘅帮助
其实佢对以斯帖记、希伯来书
犹大书、启示录都有同样嘅感觉
究竟系咩原因呢？
同今日嘅经文雅各书2:17有关
「冇行动嘅信心系死㗎」
其实马丁·路得佢误解咗雅各嘅说话
佢认为雅各喺经文嗰度话
只要有行动就可以得救
但系佢认为只要信先可以得救
因为佢唔明白
所以佢唔钟意雅各嘅说话
甚至话雅各书唔系由雅各写嘅
而系由一个
唔熟悉基督教嘅犹太人写㗎
佢噉样谂完全系因为
误解咗雅各嘅意思
雅各嘅意思系信心好重要
我哋都需要有㗎
不过睇唔到㗎㖞
点至知道一个人有冇信心呢？
雅各话「通过行动
就证明到一个人到底有冇信心」
所以人要对基督嘅赎价
有信心至可以得救
我哋学到啲咩呢？
研读嗰阵如果唔系好明一啲经文
或者出版物嘅内容
唔好觉得系作者有问题
其实可能系我哋未明白啫
所以要祷告求耶和华帮我哋理解
研读嘅资料
今日一啲有宗教嘅人
同马丁·路德一样觉得信心
重要过行动
有时做逐户嗰阵遇到佢哋
佢哋话「你觉得去敲下人哋度门
就可以得救㗎喇」
事实当然唔系噉啦
我哋可以得救系全靠
耶稣基督嘅血除去我哋嘅罪
我哋去传道系因为爱耶和华
亦都爱其他人
因为有好多人误解上帝
所以我哋想话俾多啲人
听耶和华系点嘅
就好似法庭嘅见证人噉
一定要讲出真相
我好钟意杨杰明弟兄
喺年会入面讲嘅一点
佢话对于嗰啲去揾耶稣医病嘅人
耶稣唔想见到
佢哋俾病痛折磨多一分一秒
所以佢喺安息日就医好佢哋
冇叫佢哋第二日至嚟
又或者去某个地方先至医好佢哋
冇呀  就算佢知道
法利赛派会揾佢麻烦
佢都即刻医好晒呢啲人
而事实上耶稣佢喺安息日噉样做
系要冒好大风险㗎
根据摩西法典
违反安息日系会俾人处死
所以点解啲法利赛派
咁想揾到耶稣嘅把柄
杨杰明弟兄喺年会演讲话俾我哋听
我哋唔会因为人喺大患难
仲有机会认识耶和华就唔去传道
我哋会努力噉样做
因为今日嘅人喺度受紧苦
而家就需要得到帮助
而家就需要认识耶和华
而家就可以过开心嘅生活
同埋喺将来有永远嘅生命
噉耶稣点睇呢？
佢系咪觉得我哋点做都冇所谓
定系佢都同意啲宗教人士讲
信就得呢？
等耶稣嚟答呢个问题呀
我哋一齐睇吓几节经文
系嚟自马丁·路德
唔系好钟意嘅一卷书启示录
一齐打开启示录第2章
等耶稣亲自话俾我哋知佢点睇呢件事
启示录第2章
第2同第5节嘅头一句
系耶稣同以弗所会众讲㗎
佢话「我知道你做嘅一切
你嘅辛劳［即系做嘅嘢啦］同埋忍耐」
跟住第5节话
「所以你要谂返自己系由边度坠落嘅
要悔改  要做你起初做嘅嗰啲事」
跟住睇吓第19节
系耶稣同推雅推拉会众讲㗎
喺呢度可以睇出
耶稣系咪真系知道我哋为佢做咗几多
第19节话「我好清楚你做嘅事
你嘅爱心、信心、服务、忍耐」
跟住留意嘞
「亦都知道你近嚟做嘅比起初仲多」
答案系咩呢？
耶稣好留意我哋为佢做嘅嘢㗎
譬如我哋星期六出传道做耐啲啲
去买嘢嗰阵揾机会留低单张
或者网站名片俾店员
又或者我哋虽然好攰
不过放工之后都去探个续访
因为呢个时间佢哋系屋企
呢啲少少嘅付出
耶稣都会留意到
同埋好欣赏㗎
耶和华嘅子民喺今日真系
好尽力参与传道呀
但系撒但就好负面噉睇我哋
好钟意指控我哋嘅弟兄
可能佢会话
「而家交报告唔使再写咁多嘢
计我话  佢哋一定唔会再咁热心啦
系咁意做吓传道就可以剔个格仔
话自己做咗㗎啦」
弟兄姊妹咁热心
真系证明到撒但喺度讲大话
虽然而家唔使再填传道时间
但系我哋都会按住自己嘅情况
去定一啲合理嘅目标
噉点样先至为之合理呢?
对一个健康  19岁嘅人
同一个90岁  身体唔好嘅人
咩为之合理都可以好唔同
事实上有啲90岁嘅人
都可以为耶和华做好多㗎
有啲人会计划吓每个月做啲咩
喺月头嗰阵
会睇吓每个星期六日有啲乜嘢活动
「哎呀  嗰个礼拜我家姐结婚
唔得闲㖞
噉其他嗰三个礼拜又点呢?」
我哋表达对耶和华嘅爱
仲有另一个方法
就系跳出舒适圈呀
不过对一啲人嚟讲
佢哋觉得好难去参与逐家逐户传道
点解佢哋会有呢种感觉呢?
特别系疫情嘅时候
好多人觉得好难同陌生人倾偈
因为习惯晒用短讯或者电邮同人沟通
所以而家净系想摆摊或者写信
都好嘅
不过佢哋都明白摆摊或者写信
唔能够接触晒所有人㗎
但系我哋系唔偏心㗎㖞
所以佢哋求耶和华帮佢哋跳出舒适圈
参与逐户传道
耶稣一定好欣赏佢哋嘅勇气
愿意踏出一步调整自己呀
伯特利嘅通勤人员
佢哋都好爱耶和华同弟兄姊妹
系好好嘅榜样
如果佢哋系先驱
其实喺第三个星期就已经
做好先驱时间㗎喇
不过第四个礼拜佢哋都冇请假
因为佢哋知道我哋好需要佢哋
佢哋额外付出努力
唔系为咗时间  真系好值得称赞
耶稣将信心同工作连系埋一齐
喺佢牺牲之前嗰晚同门徒讲
佢话「我做嘅工作
信从我嘅人将来都会做
而且会做得更大」
噉喺今日耶稣叫我哋做乜嘢工作呢？
就系传道工作


-