JW subtitle extractor

本來我哋嘅生活好幸福
我哋有兩個女
我老公係長老我就做先驅
喺會眾大家都覺得我哋好開心
不過有一日
好突然真係好突然
佢死咗
嗰一刻我做咗寡婦
我好唔鍾意呢個身分
聽起嚟好可憐
以前我以太太嘅身分
同老公一齊喺會眾幫助其他人
但突然間發生呢件事
我就變咗做要人幫嗰個
呢個轉變…大到…
我連點樣照顧好自己
都唔知點做啦
我覺得自己好冇價值
好迷惘唔知點噉
喺呢段時間其中一樣好幫到我嘅就係
我有一班好支持我嘅朋友
我會發訊息話俾朋友知我好唔開心
其實我都唔知我想點佢哋就話
「唔緊要我喺度慢慢講啦」
要俾朋友幫你同埋
都要將所有嘅諗法同感受話俾佢哋知
唔開心人人都有㗎
除咗朋友都要搵長老
搵佢哋傾吓唔好覺得會麻煩到佢哋
有佢哋幫你禱告真係好有用
尼希米嘅說話都幫到我好多
佢話「耶和華賜嘅喜樂就係你哋嘅力量」
我差唔多每一日都提自己
我要有耶和華賜嘅喜樂
我要好似以前一樣喜樂噉崇拜耶和華
噉我就會有力量
無論乜嘢情況都堅持到落去
老公死咗之後幾個月
我做返先驅
呢個幫咗我好多
令我有返目標
生活都更加有規律
每日我都有動力起身出傳道
傳道嗰陣同人分享好消息
講吓將來嘅希望
呢個真係幫到我
集中返喺更加重要嘅事上面
去聚會所同弟兄姊妹
一齊崇拜耶和華好重要
就算你知道
聚緊會或者唱詩嗰陣一定會喊
噉咪喊出嚟囉
冇問題有情緒係好正常㗎嘛
其實噉樣反而能夠拉近同弟兄姊妹
仲有同耶和華嘅關係
另外睇到耶和華回應咗我嘅禱告
俾我好大嘅力量
嘩
每次諗起我都覺得好感動
當我好需要一啲嘢
我冇同其他人講過
只係禱告求耶和華幫我
然後嗰樣嘢就出現
就證明佢幫緊我
記得有一晚
我喺度諗返同老公一齊經歷過嘅嘢
有啲回憶喺得我同佢至知道㗎
例如一啲好好笑嘅嘢
得我哋兩個先至明嘅笑話
仲有結婚之後一齊住嘅嗰間細細地嘅屋
呢一切都係我哋身邊嘅人唔知道㗎
但係同我有呢啲回憶嘅人已經唔喺度啦
我突然間諗到
唔係耶和華都知㗎
我攬實個枕頭
就好似攬住耶和華噉
感覺就好似一個小朋友攬住爸爸隻腳
喺呢一刻我覺得同耶和華好親近
只有耶和華先至最清楚
我同老公之間嘅回憶
因為佢都好愛我老公
佢一定會復活我老公
將呢啲記憶俾返晒佢
另外我都明白耶和華對寡婦嘅睇法
同呢個世界嘅人真係好唔同
耶和華制定咗一啲法律
要以色列人善待啲寡婦
呢啲都話緊俾我聽
耶和華好關心我
我對呢個身分嘅睇法
同以前唔同咗喇
我知道耶和華好愛同好照顧我
有耶和華喺我身邊陪住我
我一定可以繼續忍耐落去

霍莉·伍德：失去配偶後，重新找到喜樂和目標