JW subtitle extractor

本来我哋嘅生活好幸福
我哋有两个女
我老公系长老我就做先驱
喺会众大家都觉得我哋好开心
不过有一日
好突然真系好突然
佢死咗
嗰一刻我做咗寡妇
我好唔钟意呢个身份
听起嚟好可怜
以前我以太太嘅身份
同老公一齐喺会众帮助其他人
但突然间发生呢件事
我就变咗做要人帮嗰个
呢个转变…大到…
我连点样照顾好自己
都唔知点做啦
我觉得自己好冇价值
好迷惘唔知点噉
喺呢段时间其中一样好帮到我嘅就系
我有一班好支持我嘅朋友
我会发讯息话俾朋友知我好唔开心
其实我都唔知我想点佢哋就话
“唔紧要我喺度慢慢讲啦”
要俾朋友帮你同埋
都要将所有嘅谂法同感受话俾佢哋知
唔开心人人都有㗎
除咗朋友都要揾长老
揾佢哋倾吓唔好觉得会麻烦到佢哋
有佢哋帮你祷告真系好有用
尼希米嘅说话都帮到我好多
佢话 “耶和华赐嘅喜乐就系你哋嘅力量”
我差唔多每一日都提自己
我要有耶和华赐嘅喜乐
我要好似以前一样喜乐噉崇拜耶和华
噉我就会有力量
无论乜嘢情况都坚持到落去
老公死咗之后几个月
我做返先驱
呢个帮咗我好多
令我有返目标
生活都更加有规律
每日我都有动力起身出传道
传道嗰阵同人分享好消息
讲吓将来嘅希望
呢个真系帮到我
集中返喺更加重要嘅事上面
去聚会所同弟兄姊妹
一齐崇拜耶和华好重要
就算你知道
聚紧会或者唱诗嗰阵一定会喊
噉咪喊出嚟啰
冇问题有情绪系好正常㗎嘛
其实噉样反而能够拉近同弟兄姊妹
仲有同耶和华嘅关系
另外睇到耶和华回应咗我嘅祷告
俾我好大嘅力量
哗
每次谂起我都觉得好感动
当我好需要一啲嘢
我冇同其他人讲过
只系祷告求耶和华帮我
然后嗰样嘢就出现
就证明佢帮紧我
记得有一晚
我喺度谂返同老公一齐经历过嘅嘢
有啲回忆喺得我同佢至知道㗎
例如一啲好好笑嘅嘢
得我哋两个先至明嘅笑话
仲有结婚之后一齐住嘅嗰间细细地嘅屋
呢一切都系我哋身边嘅人唔知道㗎
但系同我有呢啲回忆嘅人已经唔喺度啦
我突然间谂到
唔系耶和华都知㗎
我揽实个枕头
就好似揽住耶和华噉
感觉就好似一个小朋友揽住爸爸只脚
喺呢一刻我觉得同耶和华好亲近
只有耶和华先至最清楚
我同老公之间嘅回忆
因为佢都好爱我老公
佢一定会复活我老公
将呢啲记忆俾返晒佢
另外我都明白耶和华对寡妇嘅睇法
同呢个世界嘅人真系好唔同
耶和华制定咗一啲法律
要以色列人善待啲寡妇
呢啲都话紧俾我听
耶和华好关心我
我对呢个身份嘅睇法
同以前唔同咗喇
我知道耶和华好爱同好照顾我
有耶和华喺我身边陪住我
我一定可以继续忍耐落去

霍莉·伍德：失去配偶后，重新找到喜乐和目标