JW subtitle extractor

Man hai mânre rromes sas amen iech șucar viața.
Sas amen dui șiave.
Mânro rrom sas phuro de congregație hai me pioniera.
Tha, ande iech ghies mânro rrom mulea bi te ajucărav man.
Hai de iech data, somas pivli.
Duchavelas man cadai duma.
Cherelas man te simțov man corcori.
Sea o timpo dem man bari că som leschi rromni hai că daisardeam te ajutisaras ande iech than i congregația.
Tha...
de iech data,
me trebulas te avav
ajutime.
Ci sas man zor te lav sama mandar.
Ci mai jianglem so va avela manța hai mânra viațasa.
Iech buchi cai ajutisardea man te nachav părdal cadaia
sas mânre amala.
Cana ci simțov man mișto daștiv te scriiv iecha pheiache.
Voi phenel manghe „Sar te ajutiv tut?”.
„Ci jianav, camav numai te phenav tuche so si man po ilo.”
Hai voi așunel man.
Mech che amalen te ajutin tut.
Phen lenghe sea so si tut ando ilo.
Na dara te phenes lenghe că ci san mișto.
Nai chanci nasul. Savoren si amen pharimata.
Jia le phurende, phen lenghe prin so naches.
Na îngăr o pharimos corcori hai mech-len te manghen-pe tusa.
Aver buchi cai ajutisardea man sas so phendea o Neemia
că „i bucuria le Iehovaschi si tumaro zuralimos”.
Ande fiesavo ghies phendem: „I bucuria le Iehovaschi.”
Jianglem că cadaia va ajutila man.
Trebulas te avav pale bucurime.
Camlem te avav mișto caște avav zurali.
Pala țâra timpo so mulea vo,
cărdem i cererea anda o pionierato.
Cadaia ajutisardea man but.
Acana jianav so trebul te cherav ande fiesavo ghies.
Si man sostar te uștiav anda o pato.
Anda codoia că dem duma anda mânri speranța daisardem
te dichav caring so si ciaces importanto.
Jianav că si importanto te jiav ca i Sala le Regatoschi,
caște anav închinarea ande iech than le phralența,
chiar cana va avela te rovav ando timpo le programosco
hai le ghileango.
Tha, poiechdata si mișto te roves.
Cana phenes so si tut po ilo simțos tut mai pașă le Iehovastar
hai la congregațiatar.
Aver buchi cai ajutil man si te dichav o răspunso le Iehovasco
ca mânre manglimata.
Phuu!
Cadaia machel mânro ilo.
Cana si tut mai but nevoia...
ajutorostar,
hai phenes le Iehovasche bi te jianel chonic,
tha primis vi răspunso, jianes că si lestar.
Sea o timpo sas-lo pașa mande.
Ande iech riat, gândisardem man ca sar somas mânre rromesa.
Ande fiesavi familia si buchia cai dichen-len vi le coaver,
tha sas vi buchia cai jiangleam-len numai amen,
sar avenas le phirasa hai prin so nachleam.
Sar exemplo, cana sas amen amaro țâno apartamento
cai chonic ci jianelas.
Pala codoia phendem: „Oh, o corcoro manuș cai jianelas sea cadal buchia ci mai silo.”
De iech data, dem mânri seama că vi o Iehova jianel
sea cadal buchia.
Simțosardem man sar iech țâno șiavo cai încărel-pe
chidines le pânrestar pesche dadesco.
Cadea de pașă simțosardem man vi me le Iehovastar.
Jianav că o Iehova încărel cadala ande pesco ilo hai anel-len pesche amintea mai mișto sar me.
Cana va avela pale viațate, va șiola-len pale ande leschi goghi.
Ajutisardea man but vi că citisardem andi Biblia anda le pivlea.
Pala codoia, hachiardem că o Iehova ci dichel le pivlean cadea sar i lumea.
Vo dea le israelițen legi anda sar te phiraven-pe lența.
Cadaia ajutil man te hachiarav
că o Iehova silo pașa mande.
Acana ci som duchadi cana așunav i duma „pivli”.
Hachiardem că si man iech than specialo,
som ande angali le Iehovaschi.

Holly Wood: Sar daștis te bucuris tut viațatar vi mai dur chiar cana mulea chio rrom sau chi rromni