JW subtitle extractor

喺我嘅地區
嗰度有好多大廈好難入去
大部分住宅、公寓、套房
都唔俾外人進入㗎
有時我出咗成朝早都遇唔到一個人
唔知係個地區有問題
定係我自己有問題
比勒陀利亞個地區好大
我哋而家喺葡萄牙語會眾服務
而家逐家逐戶越嚟越難搵到人
想建立聖經課程就更加唔使講喇
我哋習慣會去公園度行吓
搵人傾吓偈
不過喺呢啲地方
其實好少會遇到講葡萄牙語嘅人
所以變咗好似成日喺度
等人哋嚟同我哋傾偈噉
效果真係好唔理想呀
我哋唔想再係咁樣
我覺得冇嘢開心得過
見到人認識耶和華同佢做朋友
我求耶和華幫我搵到一個聖經學生
佢真係有聽我禱告呀
最初我個學生
每個禮拜都好穩定讀聖經
就算真係唔得閒
都會改另一個時間
不過後嚟佢變得好冷淡
越嚟越唔重視讀聖經嘅安排
唔想再去聚會同埋見弟兄姊妹
亦都唔想有任何改變
家庭崇拜嗰陣
我同老公商量調整去傳道嘅時間
之前我多數都係朝早出去傳道
下晝就做吓家務同其他嘢
不過而家我就朝早做晒啲家務
晏晝先至出去參加傳道安排
所以我禱告求耶和華話俾我知
我應唔應該繼續同佢讀聖經
我搵咗一啲資料
同埋睇咗一個
講關於點樣暫停聖經課程嘅影片
我睇出係時候要暫停呢個討論
但係呢個決定真係唔容易呀
我真係好鍾意組織教我哋嘅新方法
同人傾吓偈先
無論啲人喺公園喺鋪頭
甚至係我哋嘅鄰居
呢個方法真係好有效
只要我哋去有人嘅地方就得喇
就算佢哋返緊工都可以傾兩句
我哋遇到個賣薯仔嘅後生仔
每個禮拜二
我哋都會喺路邊同佢討論聖經
而家佢已經受咗浸差唔多有兩年喇
而家傳道嗰陣
我多咗機會同人分享聖經
我可以探到嗰啲
平時朝早唔喺屋企嘅人
做手拉車見證嗰陣
我哋唔會淨係企喺度掛住兩個人傾偈
我哋都會留意經過嘅人
試吓同佢哋打招呼
有一次有個女士行埋嚟
佢帶住一條好特別嘅頸鏈
通常戴呢啲頸鏈嘅人
屋企都係有人過咗身嘅
於是我就婉轉咁問吓佢
屋企係咪出咗啲事佢話係
佢爸爸最近走咗
佢真係好傷心
我打開咗節經文
同佢分享復活嘅希望
佢真係好鍾意
覺得俾佢好大嘅安慰
我哋要善用時間
唔係淨係守住架車㗎
我決定暫停呢個聖經課程
其實都好唔捨得㗎
雖然我明白係需要咁樣做嘅
由嗰一刻起
我就將佢交俾耶和華
等耶和華繼續照顧佢
如果有一日佢想學返聖經
耶和華都可以通過其他人
幫佢繼續進步
加入上帝嘅組織
我繼續努力去探嗰啲
對真理有興趣嘅人
亦都有啲人開始學聖經
我好想將我嘅時間同埋精力放喺嗰啲
願意按照聖經去生活嘅人身上
其實傳道地區同啲人都冇變到
但係我調整咗傳道嘅時間之後
就有更多機會遇到人喺屋企
而家傳道真係開心咗好多呀
耶和華一日未嗌停
我哋都要繼續去搵嗰啲想認識佢嘅人
當你記得傳道工作係可以拯救生命
你就會把握機會善用時間

享受傳道：善用時間