JW subtitle extractor

喺我嘅地区
嗰度有好多大厦好难入去
大部分住宅、公寓、套房
都唔俾外人进入㗎
有时我出咗成朝早都遇唔到一个人
唔知系个地区有问题
定系我自己有问题
比勒陀利亚个地区好大
我哋而家喺葡萄牙语会众服务
而家逐家逐户越嚟越难揾到人
想建立圣经课程就更加唔使讲喇
我哋习惯会去公园度行吓
揾人倾吓偈
不过喺呢啲地方
其实好少会遇到讲葡萄牙语嘅人
所以变咗好似成日喺度
等人哋嚟同我哋倾偈噉
效果真系好唔理想呀
我哋唔想再系咁样
我觉得冇嘢开心得过
见到人认识耶和华同佢做朋友
我求耶和华帮我揾到一个圣经学生
佢真系有听我祷告呀
最初我个学生
每个礼拜都好稳定读圣经
就算真系唔得闲
都会改另一个时间
不过后嚟佢变得好冷淡
越嚟越唔重视读圣经嘅安排
唔想再去聚会同埋见弟兄姊妹
亦都唔想有任何改变
家庭崇拜嗰阵
我同老公商量调整去传道嘅时间
之前我多数都系朝早出去传道
下昼就做吓家务同其他嘢
不过而家我就朝早做晒啲家务
晏昼先至出去参加传道安排
所以我祷告求耶和华话俾我知
我应唔应该继续同佢读圣经
我揾咗一啲资料
同埋睇咗一个
讲关于点样暂停圣经课程嘅影片
我睇出系时候要暂停呢个讨论
但系呢个决定真系唔容易呀
我真系好钟意组织教我哋嘅新方法
同人倾吓偈先
无论啲人喺公园喺铺头
甚至系我哋嘅邻居
呢个方法真系好有效
只要我哋去有人嘅地方就得喇
就算佢哋返紧工都可以倾两句
我哋遇到个卖薯仔嘅后生仔
每个礼拜二
我哋都会喺路边同佢讨论圣经
而家佢已经受咗浸差唔多有两年喇
而家传道嗰阵
我多咗机会同人分享圣经
我可以探到嗰啲
平时朝早唔喺屋企嘅人
做手拉车见证嗰阵
我哋唔会净系企喺度挂住两个人倾偈
我哋都会留意经过嘅人
试吓同佢哋打招呼
有一次有个女士行埋嚟
佢带住一条好特别嘅颈链
通常戴呢啲颈链嘅人
屋企都系有人过咗身嘅
于是我就婉转咁问吓佢
屋企系咪出咗啲事佢话系
佢爸爸最近走咗
佢真系好伤心
我打开咗节经文
同佢分享复活嘅希望
佢真系好钟意
觉得俾佢好大嘅安慰
我哋要善用时间
唔系净系守住架车㗎
我决定暂停呢个圣经课程
其实都好唔舍得㗎
虽然我明白系需要咁样做嘅
由嗰一刻起
我就将佢交俾耶和华
等耶和华继续照顾佢
如果有一日佢想学返圣经
耶和华都可以通过其他人
帮佢继续进步
加入上帝嘅组织
我继续努力去探嗰啲
对真理有兴趣嘅人
亦都有啲人开始学圣经
我好想将我嘅时间同埋精力放喺嗰啲
愿意按照圣经去生活嘅人身上
其实传道地区同啲人都冇变到
但系我调整咗传道嘅时间之后
就有更多机会遇到人喺屋企
而家传道真系开心咗好多呀
耶和华一日未嗌停
我哋都要继续去揾嗰啲想认识佢嘅人
当你记得传道工作系可以拯救生命
你就会把握机会善用时间

享受传道：善用时间