JW subtitle extractor

Nan tèritwa m nan, pifò bilding yo
gen gwo sistèm sekirite.
Anpil ladan yo se gwo apatman
oswa ti apatman
kote se sèl moun
ki abite la ki ka antre ladan yo.
Pafwa, m konn fè demi jounen
nan predikasyon
e m pa jwenn
menm yon sèl moun pou m pale.
Èske se tèritwa a ki pa bon
oswa èske se mwen menm
ki pwoblèm nan?
Nou abite Pretorya
ki se yon gwo vil.
Pou kounye a, n ap sèvi nan
yon tèritwa etranje nan chan pòtigè.
Li vin pi difisil kounye a
pou w jwenn yon moun lakay li,
oswa pou w jwenn yon moun
ki dakò pou w fè etid avèk li.
Epitou, nou te vin tonbe
nan yon woutin
kote nou te annik al kanpe
sou plas piblik yo
epi n ap eseye jwenn moun.
Men, nou pa t ka jwenn
anpil moun ki pale pòtigè.
Se kòmsi nou t ap tann
pou se moun yo ki vin jwenn nou.
E sa pa t rive.
Sa te vrèman dekouraje nou.
Nou te di fò n chanje sa.
Pa gen anyen ki fè m pi kontan
pase lè m wè laverite
touche kè yon moun.
Se yon bagay mwen te vrèman
priye Jewova pou li.
E m te jwenn li.
Jewova te ban m yon etid!
Etidyan sa a pa t janm
rate yon etid.
Si te gen yon pwoblèm,
nou te konn chanje lè a.
Epi, yon ti tan annapre,
li te vin pèdi zèl sa a.
Etid la te vin pa enpòtan
pou li ankò.
Li te pèdi zèl li te genyen
pou l al nan reyinyon yo,
pou l pase tan ak frè ak sè yo
e menm pou l fè chanjman.
Pandan adorasyon nan fanmi nou,
nou te fè yon bon pwogram
pou travay predikasyon an.
Pa egzanp, m te konn preche
sitou nan maten,
epi m te konn fè travay
nan kay la nan aprèmidi.
Men kounye a, m fè chanjman
nan pwogram mwen,
yon fason pou m ka fè tout travay
nan kay la byen bonè nan maten
epi preche rive jis byen ta
nan aprèmidi.
Donk, m te priye Jewova
pou m konnen si se te
bon moman pou m kanpe etid li a.
M te fè rechèch
nan piblikasyon yo
e m te gade yon videyo ki
montre fason pou w kanpe yon etid.
Epi m te vin konprann
li te lè pou m kanpe etid la.
Men, sa pa t fasil ditou.
Mwen vrèman renmen
aplike fason òganizasyon an di
pou nou jis
kòmanse yon konvèsasyon
swa ak moun ki nan biznis yo,
sou plas piblik yo
oswa menm vwazen nou.
Nou wè sa vrèman mache,
paske se nou menm ki al jwenn yo.
Yo nan biznis yo, nan tout lari a.
Nou te jwenn yon jèn gason
ki t ap vann pòmdetè.
Nou te konn fè etid avè l
chak madi, bò lari a,
li te fè pwogrè e l te batize
nan mwens pase dezan.
Pi gwo chanjman m te wè,
sèke m te vrèman kòmanse
jwenn moun pou m pale.
Mwen te resi ka jwenn moun
ki pa t disponib nan maten yo.
Lè n ap fè charyo,
olye pou nou annik kanpe la
(petèt mwen menm ak Louis
n ap pale youn ak lòt)
nou vrèman konsantre
sou moun k ap pase yo.
Nou souri ba yo
lè yo gade nou.
Gen yon dam
ki te pwoche bò charyo a
e li te gen yon kolye tradisyonèl
nan kou l moun konn abitye mete
lè yo gen yon moun
nan fanmi yo ki mouri.
Avèk tak, mwen te mande l
si l gen yon moun li ki mouri
sa pa gen twò lontan.
Li te di m se papa l ki te mouri
e li te tris anpil poutèt sa.
Donk, nou te pataje yon vèsè avè l
ki pale sou espwa rezireksyon an.
Li te vrèman kontan,
li te di sa te sove lavi l.
W ap pi byen sèvi ak tan w,
ou pa jis kanpe ap veye charyo a.
Mwen te kanpe etid la,
m te tris anpil,
byenke m te konnen
se sa m te dwe fè.
Donk, m te kite moun sa a
nan men Jewova.
E m te konnen Jewova t ap pran swen l.
Si se volonte Jewova,
yon lè, menm lè se ak yon lòt moun,
l ap kontinye etid la
e l ap vin konnen Jewova.
Mwen te kòmanse fè lòt etid
e m te fè plis nouvèl vizit.
Se ak moun k ap fè
bonjan chanjman.
E se moun sa yo mwen dwe bay
tan m ak enèji m.
Lè m byen reflechi,
tèritwa a ak moun yo pa chanje.
Sèl sa m te fè se chanje lè a.
Men, yonfwa m te vin ka
rankontre moun yo epi pale avèk yo,
travay predikasyon an
te vin pi agreyab pou mwen.
Jewova kontinye atire moun
vin jwenn li.
E li ban nou tan sa a
pou n chèche moun ki enterese yo.
Lè nou sonje travay n ap fè a
ka sove lavi moun yo,
n ap byen sèvi ak tan nou.

Renmen travay predikasyon an — Byen sèvi ak tan nou