JW subtitle extractor

ჩვენს ტერიტორიაზე
შენობების უმეტესობაში ვერ შევდივართ.
როგორც წესი, კორპუსებში შესვლა მხოლოდ
იქაურ მაცხოვრებლებს შეუძლიათ.
ზოგჯერ ისე ხდებოდა,
რომ მთელი დილა მსახურებაში ვიყავი,
მაგრამ ვერავისთან ვახერხებდი საუბარს.
ზოგჯერ ვერ ვხვდებოდი, პრობლემა ტერიტორიაში იყო,
თუ მე მქონდა რამე შესაცვლელი.
პრეტორია უზარმაზარი ქალაქია.
ამჟამად პორტუგალიურენოვან ტერიტორიაზე ვმსახურობთ.
სახლში ხალხის ნახვა ძალიან რთულია,
შესწავლების ჩატარებაზე რომ აღარაფერი ვთქვათ.
უბრალოდ პარკში გავდიოდით
და იქ ვცდილობდით ხალხის მოძებნას.
თუმცა ბევრსაც ვერ ვპოულობდით,
რადგან ჩვენ უცხოენოვნებს ვეძებთ.
ისე გამოდიოდა, თითქოს აქეთ ველოდებოდით ხალხს.
ეს, ცოტა არ იყოს, გულის გამტეხიც იყო.
რაღაც უნდა შეგვეცვალა.
ძალიან მიხარია, როცა ვხედავ,
რომ ვინმე იეჰოვას გაცნობას იწყებს.
ამიტომ ხშირად ვლოცულობ,
რომ ბიბლიის შესწავლების დაწყება შევძლო.
იეჰოვამაც მიპასუხა ლოცვაზე.
თავიდან ჩემი შემსწავლელი საკმაოდ რეგულარული იყო,
არ გვიცდებოდა შესწავლა.
თუმცა მოგვიანებით
განწყობა მთლიანად შეეცვალა.
შესწავლა მისთვის მნიშვნელოვანი აღარ იყო,
აღარც კრებაზე წამოსვლის სურვილი ჰქონდა
და ცვლილებების მოხდენის მოტივაციაც დაკარგა.
მე და ჩემმა ქმარმა კონკრეტული გეგმა შევიმუშავეთ,
როდის უნდა გვექადაგა.
მანამდე მსახურებაში, ძირითადად, დილით გავდიოდი,
სახლის ან სხვა საქმეებს კი შუადღეს ვაკეთებდი.
ახლა პირიქით,
დილით ადრე სახლის საქმეებს ვიწყებ,
ცოტა მოგვიანებით, შუადღისთვის, კი მსახურებაში გავდივარ ხოლმე.
იეჰოვას ვთხოვე დახმარება, რომ მივმხვდარიყავი,
როდის ღირდა შესწავლი შეწყვეტა.
სხვადასხვა სტატია გამოვიკვლიე და ვიდეოებს ვუყურე,
რომ გამეგო, როგორ გამეკეთებინა ეს.
მივხვდი, რომ უკვე იყო შესწავლი შეწყვეტის დრო,
მაგრამ გასაკეთებლად მარტივი არ იყო.
ძალიან მომწონს ორგანიზაციის ბოლოდროინდელი მიდგომა,
თუ როგორ წამოვიწყოთ საუბარი პარკში,
მაღაზიაში ან თუნდაც მეზობლებთან.
ასე ჩვენ დროსაც უკეთ ვიყენებთ.
იქ მივდივართ, სადაც ხალხია -
პირდაპირ მათ სამუშაო ადგილას.
ერთი ბიჭი გავიცანით, რომელიც კარტოფილს ყიდდა.
ყოველ სამშაბათს ქუჩაში ვუტარებდით შესწავლას.
ისე გაიზარდა სულიერად, რომ თითქმის ორ წელში მოინათლა.
გრაფიკის ცვლილებამ ხალხის ნახვის შესაძლებლობა მომცა.
როგორც იქნა, ხალხთან საუბარს ვახერხებდი,
რაც დილაობით არ გამოდიოდა.
როცა სტენდთან ვმსახურობთ ხოლმე და
მე და ჩემი ქმარი ერთმანეთს ვესაუბრებით,
თან გამვლელებს ვაკვირდებით და ვუღიმით.
ერთხელ სტენდთან ერთი ქალი მოვიდა,
რომელსაც ტრადიციული ყელსაბამი ეკეთა.
მას მაშინ ატარებენ, როცა ოჯახის წევრი ეღუპებათ.
ვეცადე, ტაქტიანად გამეგო, ვინ ჰყავდა დაღუპული,
და, როგორც აღმოჩნდა, მამა ჰყავდა გარდაცვლილი
და განადგურებული იყო.
ბიბლიიდან მკვდრეთით აღდგომის იმედი გავუზიარეთ.
მან ასეთი რამ გვითხრა,
თქვენ მე გადამარჩინეთო.
დროის სწორად გამოყენებას ვცდილობთ
და არა სტენდის დაცვას.
საბოლოოდ გადავწყვიტე,
რომ შესწავლა შეგვეწყვიტა.
კი ვიცოდი, რომ სწორად ვიქცეოდი,
მაგრამ გულგატეხილობა მაინც დამეუფლა.
ეს საკითხი იეჰოვას მივანდე.
ვიცოდი, რომ ის საუკეთესოდ იზრუნებდა ჩემს შემსწავლელზე.
თუ რაღაც ეტაპზე ისევ მოინდომებდა შესწავლას,
იეჰოვა მიხედავდა ამ საკითხს,
თუნდაც სხვას გაგრძელებინა შესწავლა.
ბიბლიის შესწავლები სხვებთან დავიწყე,
უფრო მეტ განმეორებით მონახულებასაც ვაკეთებდი.
მათ შორის მართლა არიან ისეთები,
ვინც ცვლილებებს ახდენენ,
ამიტომ ჯობს, მთელი ჩემი დრო და ენერგია
ამ ადამიანებს მოვახმარო.
რეალურად იმავე ტერიტორიაზე ვქადაგებ და იმავე ხალხთან.
ერთადერთი, რაც შევცვალე, განრიგია.
სამაგიეროდ, ხალხთან საუბარს ვახერხებ.
ქადაგება ახლა უფრო მეტ სიამოვნებას მანიჭებს.
იეჰოვას იმედი არ დაუკარგავს,
რადგან ჯერ კიდევ არიან კარგი გულის ადამიანები.
ამიტომ ისინი რომ გადარჩნენ,
გვინდა, დარჩენილი დრო გონივრულად გამოვიყენოთ.

გიყვარდეთ მსახურება – დრო გონივრულად გამოიყენეთ