JW subtitle extractor

Na nos tiritóriu, nu ka ta konsigi entra
na maioria di kes prédiu i kondomíniu.
Na txeu di es é sô kes algen
ki ta mora la ki ta pode entra.
Alvês, N pode pasa un palmanhan interu na pregason
i N ka atxa ninhun algen pa N pode pâpia ku el.
N ka tinha serteza si prubléma éra na tiritóriu
ô si éra mi ki staba ta fazeba algun kuza mariadu.
Pretória é un sidadi grandi.
Gósi nu sta sirbi na tiritóriu di língua purtugês.
É difísil atxa algen na ses kaza
ô ki ta seta pa nu studa Bíblia ku es.
I na nos kongregason dja bira un kustumu,
irmons ta bai pa parki pa tenta pâpia ku pesoas,
má dja ki nos é kongregason di língua stranjeru
nu ka ta atxa txeu algen.
Éra sima si nu staba ta
spera pa pesoas txiga na nos.
Má nu fika dizanimadu
pamodi kel-li ka staba ta da rezultadu.
Nu pensa: ‘Nu meste muda.’
Ka ten alegria más grandi
di ki odja verdadi ta toka korason di algen.
Txeu bês N pidi Jeová pa djuda-m kumesa un studu.
I Jeová responde nhas orason.
Nha studanti ta studaba sénpri.
Si tinha algun prubléma,
nu ta markaba pa otu dia.
Má dipôs, el ba ta perde zelu,
studu dja ka éra inportanti pa el más.
Nton, dja ka staba ta krê bai runion,
sta djuntu ku irmons ô ti mésmu
faze mudansas na se vida.
Na nos adorason na família nu faze
planu di ki óra nu ta saíba na pregason.
Antis N ta kustuma saíba
na pregason di palmanhan
i di tardi N ta fazeba trabadjus
di kaza i otus kuza.
Gósi N muda nha planu,
asi N ta konsigi faze kes trabadju di palmanhan
i N ta sai na pregason di tardinha.
Nton, N kumesa ta faze orason
ta pidi Jeová pa djuda-m sabe
si éra pa N paraba kel studu ô nau.
N faze piskiza na publikasons,
i N odja un vídiu ki ta mostra
modi ki nu ta para un studu.
Nton, N da kónta ma éra óra di N paraba kel studu.
Má ka foi fásil faze kel-li.
N gosta di kuzê ki organizason fla
sobri kumesa un konbérsu ku algen na lója,
na lugar di para karu, ô ku vizinhus.
Nu ta xinti ma nu sta uza nos ténpu dretu
pamodi nu ta bai na undi ki nu ta atxa pesoas,
sima na ses trabadju.
Alguns di es ta bende na rua.
Nu inkontra ku un jóven ki staba ta bende batata.
Tudu térsa-fera nu ta studaba ku el na rua.
El faze prugrésu i el batiza na ménus di dôs anu.
Tevi un grandi mudansa.
N kumesa ta atxa pesoas na kaza.
Ti ki enfin N konsigi pâpia ku kes algen
ki N ka atxaba na kaza di palmanhan.
Óras ki nu sta na tistimunhu ku karinhu,
envês di sta la sô ta pâpia ku kunpanheru,
nu ta fika ta djobe kes algen ki sta pasa,
asi óras ki es djobe-nu nu ta da un sorizu.
Un mudjer txiga pértu di karinhu
i el staba ta uza un kolar,
ki normalmenti pesoas ta uza óras
ki un algen di ses família móre.
Nton, ku jetu N pergunta-l si algun
algen di se família móre.
El fla sin.
Éra se pai ki moreba i el staba txeu tristi.
Nton nu mostra-l un testu
sobri speransa di resureison.
El fika txeu kontenti ku kel-la.
El fla ma kel-la muda se vida.
Gósi nu sta uza nos ténpu midjór.
Nu ka sta la sô pa djobe karinhu.
N para kel studu i N fika tristi dimás,
sikrê N sabia ma éra pa N paraba kel studu.
N tevi ki dexa-l na mô di Jeová
i kunfia ma Jeová ta kuidaba di el.
I si é di vontadi di Jeová, na un otu momentu,
ku un otu algen, el pode prende
i kumesa ta sirbi Jeová.
N kumesa ta faze otu studu i más revizitas.
Kes studanti dexa verdadi toka ses korason.
I es faze mudansas.
I é na es ki N krê konsentra
nha forsa i nha ténpu.
Óras ki N ta pensa midjór,
N ta odja ma tiritóriu i kes algen é kel mê,
má kuzê ki muda é óras ki N ta ba djobe-s.
Gósi N ta konsigi atxa pesoas i pâpia ku es.
I pur isu, pregason sta mutu más sábi.
Jeová ka dizisti,
el da-nu kel ténpu li pa nu atxa
kes ki ten korason sinseru.
óra ki nu ta lenbra ma nu pode salva vida di algen,
nu ta uza nos ténpu di midjór manera.

Ama pregason — Uza bu ténpu di midjór manera