JW subtitle extractor

我唔係喺真理家庭長大
我屋企人同我以前教會啲教友
反對得我好犀利
佢哋甚至侮辱我
所以啱啱出傳道嗰陣真係好焦慮㗎
我細個嗰陣就要幫手耕田㗎嘞
見到其他小朋友返學
我好羨慕佢哋
我都好想讀書識字呀
不過好可惜嘅係
我一直都冇噉樣嘅機會
我記得啱啱出傳道嗰陣
我好緊張呀
我係噉喺度諗
啲人會唔會開門呢？
佢哋會唔會聽我講㗎？
雖然我爸爸媽媽都喺真理
但係由細到大我都好怕醜
所以我覺得好難去表達自己
有時我嘗試去表達我想講嘅嘢
不過講咗出嚟就好似變咗另一樣嘢
嗯疫情期間
我怕醜嘅情況就更加嚴重嘞
因為我患上咗焦慮症
有時候我同另一個弟兄
一齊出傳道嗰陣
由於冇乜自信我就會同佢講
「弟兄你講吖
我喺你側邊得㗎喇」
自從有咗焦慮症之後
我就更加在意
自己同人講嘅每一句說話
我成日擔心自己會唔會講錯嘢
又驚其他人唔係咁鍾意我講嘅說話
由於係噉
傳道對我嚟講就更加難
我記得有一次遇到一個女士
佢問我「你又唔識字
噉點樣向人傳道呀？」
嗰日我好唔開心
禱告真係幫咗我好多啊
每次我出傳道覺得驚
覺得緊張嗰陣
就會做個簡短嘅禱告
跟住我就有返啲信心
冇再咁緊張嘞
我甚至感受到耶和華
好似捉住我嘅手噉
令我有力量繼續傳道
雖然我唔識字
但係我會同自己講
「冇事嘅唔使驚
耶和華喺度握住我嘅手」
每次我一驚
我就會向上帝禱告
有一位姊妹佢好有經驗
佢經常同我出傳道
亦都俾我好多幫助
佢提醒我
能夠完成上帝交託俾我哋嘅工作
靠嘅唔係自己嘅能力
而係耶和華
另外其他同我一齊傳道嘅弟兄姊妹
亦都幫助咗我好多
佢哋同我分享佢哋嘅經歷
亦都話俾我知
耶和華點樣幫助佢哋鼓起勇氣
呢個令我更加有信心
既然耶和華幫助佢哋做得到
噉佢亦都會幫我做得到
好多時我出傳道嗰陣
都會好自然噉用咗自己嘅方法去講
但係耶穌向人傳道嗰陣
就係運用經文嘅
佢嘅榜樣幫助我
避免喺傳道嘅時候講太多
傳道嗰陣我會盡量講得簡單啲
例如我會話
「你喺度掃緊地呀？」
或者「嘩！你嘅花園好靚啊
啲粉紅色嘅花生得好好啊」
然後我會話
學習聖經可以幫助我哋
更加欣賞上帝創造嘅呢一切
最令我覺得安慰嘅就係耶穌話
「我都會一直同你哋同在」
呢節經文幫我喺傳道嗰陣記得
我唔係孤單一個㗎
而係耶穌一直同我一齊
我想同啲唔識字嘅人講
唔使灰心都唔使驚㗎
因為而家有好多出版物
都有錄音俾我哋聽
真係好好啊
雖然我以前唔識字
但係都可以認識耶和華
另外有弟兄姊妹教我
我而家識多咗好多字啦
可以認識到耶和華同埋佢個名
真係好開心啊
諗都冇諗過
耶和華個名嘅意思係成事者
佢想我哋成為啲乜嘢
我哋就會成為啲乜嘢
事實真係噉啊
因為好似我呢啲咁怕醜嘅人
而家都有勇氣傳道啦
真係好多謝耶和華俾我成為佢嘅子民
喺聖經度
我學到好多關於耶和華嘅事
我亦都學到好多寶貴嘅真理
可以同人分享
噉樣做真係令我好滿足啊
而家我真係好鍾意傳道
因為我知道耶和華一定會幫我
令我可以做好傳道工作
幫人感受到耶和華嘅愛

享受傳道：建立自信