JW subtitle extractor

我唔系喺真理家庭长大
我屋企人同我以前教会啲教友
反对得我好犀利
佢哋甚至侮辱我
所以啱啱出传道嗰阵真系好焦虑㗎
我细个嗰阵就要帮手耕田㗎嘞
见到其他小朋友返学
我好羡慕佢哋
我都好想读书识字呀
不过好可惜嘅系
我一直都冇噉样嘅机会
我记得啱啱出传道嗰阵
我好紧张呀
我系噉喺度谂
啲人会唔会开门呢？
佢哋会唔会听我讲㗎？
虽然我爸爸妈妈都喺真理
但系由细到大我都好怕丑
所以我觉得好难去表达自己
有时我尝试去表达我想讲嘅嘢
不过讲咗出嚟就好似变咗另一样嘢
嗯疫情期间
我怕丑嘅情况就更加严重嘞
因为我患上咗焦虑症
有时候我同另一个弟兄
一齐出传道嗰阵
由于冇乜自信我就会同佢讲
「弟兄你讲吖
我喺你侧边得㗎喇」
自从有咗焦虑症之后
我就更加在意
自己同人讲嘅每一句说话
我成日担心自己会唔会讲错嘢
又惊其他人唔系咁钟意我讲嘅说话
由于系噉
传道对我嚟讲就更加难
我记得有一次遇到一个女士
佢问我「你又唔识字
噉点样向人传道呀？」
嗰日我好唔开心
祷告真系帮咗我好多啊
每次我出传道觉得惊
觉得紧张嗰阵
就会做个简短嘅祷告
跟住我就有返啲信心
冇再咁紧张嘞
我甚至感受到耶和华
好似捉住我嘅手噉
令我有力量继续传道
虽然我唔识字
但系我会同自己讲
「冇事嘅唔使惊
耶和华喺度握住我嘅手」
每次我一惊
我就会向上帝祷告
有一位姊妹佢好有经验
佢经常同我出传道
亦都俾我好多帮助
佢提醒我
能够完成上帝交托俾我哋嘅工作
靠嘅唔系自己嘅能力
而系耶和华
另外其他同我一齐传道嘅弟兄姊妹
亦都帮助咗我好多
佢哋同我分享佢哋嘅经历
亦都话俾我知
耶和华点样帮助佢哋鼓起勇气
呢个令我更加有信心
既然耶和华帮助佢哋做得到
噉佢亦都会帮我做得到
好多时我出传道嗰阵
都会好自然噉用咗自己嘅方法去讲
但系耶稣向人传道嗰阵
就系运用经文嘅
佢嘅榜样帮助我
避免喺传道嘅时候讲太多
传道嗰阵我会尽量讲得简单啲
例如我会话
「你喺度扫紧地呀？」
或者「哗！你嘅花园好靓啊
啲粉红色嘅花生得好好啊」
然后我会话
学习圣经可以帮助我哋
更加欣赏上帝创造嘅呢一切
最令我觉得安慰嘅就系耶稣话
「我都会一直同你哋同在」
呢节经文帮我喺传道嗰阵记得
我唔系孤单一个㗎
而系耶稣一直同我一齐
我想同啲唔识字嘅人讲
唔使灰心都唔使惊㗎
因为而家有好多出版物
都有录音俾我哋听
真系好好啊
虽然我以前唔识字
但系都可以认识耶和华
另外有弟兄姊妹教我
我而家识多咗好多字啦
可以认识到耶和华同埋佢个名
真系好开心啊
谂都冇谂过
耶和华个名嘅意思系成事者
佢想我哋成为啲乜嘢
我哋就会成为啲乜嘢
事实真系噉啊
因为好似我呢啲咁怕丑嘅人
而家都有勇气传道啦
真系好多谢耶和华俾我成为佢嘅子民
喺圣经度
我学到好多关于耶和华嘅事
我亦都学到好多宝贵嘅真理
可以同人分享
噉样做真系令我好满足啊
而家我真系好钟意传道
因为我知道耶和华一定会帮我
令我可以做好传道工作
帮人感受到耶和华嘅爱

享受传道：建立自信