JW subtitle extractor

N ka kriadu na verdadi.
Nhas família i algen di kel relijion ki N ta staba
faze-m txeu opozison.
Alvês, ti mésmu es ta insultaba mi,
pur isu na óra di prega, N ta xintiba txeu ansiadadi.
Désdi mininu, N ta trabadjaba na kanpu.
N ta fikaba tristi óras ki N ta odjaba
otus mininus ta bai pa skóla.
I N ta flaba: “N krê prende lé.”
Má na kel ténpu, nunka N
ka tevi xansi di prende lé.
N ta lenbra ma na pregason
N ta fikaba ku txeu ansiadadi.
N ta pensaba:
‘Será ki es ta ba obi-m?
Es ta ba abri-m pórta?’
Nha pai ku nha mai kria-m na verdadi,
más désdi di mininu N ta xinti txeu vergónha.
Pur isu, éra difísil pa mi fla
kuzê ki N ta pensa i xinti.
I óras ki N ta tenta splikaba kuzê ki N krê flaba,
alvês N ta flaba un kuza diferenti.
Má duránti koronavírus, nha prubléma piora,
pamodi N dizenvolve un prubléma di saúdi mental
ki pô-m ta xinti txeu medu i ansiadadi.
Óras ki N ta saiba na pregason ku un otu irmon,
N ta flaba el:
“Nha irmon, bu pode pâpia abo?
N ta sô kunpanha-u.”
Désdi ki N dizenvolve kel prubléma di ansiadadi,
N ta fika ta preokupa más txeu
ku kuzê ki N ta flaba otus algen.
N ta atxaba ma N pode
flaba algun kuza mariadu
ô talvês un kuza ki pesoas pode ka gosta.
Pamodi tudu kes kuza li,
pregason bira más difísil inda pa mi.
N ta lenbra ma na pregason
N pâpia ku un mudjer ki pergunta-m:
“Modi ki bu ta prega si nen bu ka sabe lé?”
Kel dia N fika txeu tristi.
Orason djuda-m txeu.
Sénpri ki N ta baba pregason i
N ta xintiba ansiadadi i medu,
N ta fazeba un orason pikinoti
i N ta xintiba midjór i ku ménus ansiadadi.
Tanbê, N ta pode xintiba
ma Jeová ta pegaba mi na mô
i el ta djudaba mi kontinua ta prega.
Enbóra N ka sabia lé,
N ta pensaba:
‘N ka ta ben xinti medu pamodi
N sabe ma Deus ta pega-m na mô.’
Sénpri ki N ta xintiba ansiadadi, N ta fazeba orason.
Un irman sprienti ki ta saíba ku
mi na pregason, djuda-m txeu.
El fla-m ma é Deus ki ta
djuda-nu faze kel trabadju li,
nu ka ta konsigi sô ku nos kapasidadi.
Irmons ku irmans ki N ta sai ku es na pregason
tanbê djuda-m txeu.
Óras ki es ta konta-m kes kuza
ki es pasa pa el na pregason
i modi ki Jeová ta djuda-s ten koraji, kel-la ta anima-m.
Pamodi si es ta konsigi prega ku ajuda di Jeová,
ami tanbê N ta pode.
Txeu bês óras ki N ta bai pregason,
N ta papiaba ku pesoas sobri nhas ideia.
Má kantu Jizus ta baba pregason,
el ta uzaba Skrituras.
Sigi kel izénplu la ta djuda-m ka pâpia txeu na pregason.
Óras ki N ta sai na pregason,
N ta tenta ka fla nada konplikadu.
N pode fla: “Ó, bu sta ta bare,
bu ten un jardin bunitu!”,
“Odja kes flor li, fórti es é bunitu!”
Dipôs N ta fla kel algen:
”Studa Bíblia pode djuda-u da valor
pa kes kuza bunitu ki Deus faze.”
Kes palavra di Jizus li ta da-m txeu konsolu:
“N sta ku nhos tudu dia.”
Kes palavra li ta da-m txeu koraji na pregason
pamodi N ta da kónta ma N ka sta mi sô,
Jizus sta ku mi.
N krê pa kes algen ki ka sabe lé
ka pensa ma es ka ta konsigi prende.
Pamodi gósi nu tene
kuzas ki nu ta pode obi.
É sábi obi kuzas sobri Jeová!
Ka nhos fika dizanimadu.
Sikrê N ka sabia lé, N prende se nómi.
I grasa-a El, N tevi oportunidadi di prende lé.
Ami é gratu pamodi N konxe Jeová i se nómi
ki N ka konxeba antis, i se nómi é bunitu.
Jeová mostra-m ma siginifikadu di se nómi é verdadi,
ma el ta pô-nu ta bira kuzê ki nu meste bira.
Pamodi un algen ki ten txeu vergónha sima mi,
gósi ta prega ku koraji.
Gósi ami é txeu gratu
di faze párti di povu di Jeová,
dja N prende txeu kuza sobri Jeová.
N sabe txeu kuza bunitu sobri el
ki N pode pâpia ku otus algen.
I kel-li ta da-m txeu alegria.
Gósi, N ta sta ku vontadi di prega,
pamodi N sabe ma Jeová ta djuda-m.
I Jeová é Kel algen ki da-m kapasidadi
di mostra se amor pa pesoas.

Ama pregason — Lida ku bus medu