JW subtitle extractor

我同太太一直都有傾吓
去邊啲需要更多傳道員嘅地方服務
不過由於我哋住喺利馬
嗰度有多啲工作機會
所以就擔心搬去其他地方嘅話
會好難搵食
當我老公提議
不如我哋一齊做返先驅嗰陣
我真係覺得冇乜可能呀
因為我哋都好耐冇做過先驅喇
而且我哋仲要睇住5個小朋友
我哋嘅爸爸健康都唔係咁好
需要我哋去照顧
我中學畢業之後
就開始做正規先驅嘞
不過大約一年之後
我患上咗肌痛性腦脊髓炎
呢個病影響咗我嘅日常生活
因為噉我都要暫停我嘅先驅工作
我真係好想喺傳道方面做多啲
所以嗰陣嘅感覺真係好似
喺一條好黑嘅隧道入面
完全睇唔到盡頭
我成日都喺度諗
創世記32章
雅各同天使摔跤嘅記載
佢一直努力
直到佢得到祝福為止
呢個記載教識我
要得到耶和華嘅賜福
就要堅持不懈
付出努力願意作出犧牲
同埋不斷禱告
詩篇34:8話
試吓主恩喇
就知道耶和華係良善嘅
呢節經文幫我睇出
耶和華會賜福俾嗰啲願意採取行動嘅人
喺個人研讀嗰陣
沉思窮寡婦嗰個記載
對我真係好有幫助
呢個記載令我睇得出
耶和華知道我有幾努力
亦都因為我盡咗力
而覺得好開心
當我哋決定辭職
同老闆講嗰陣
佢哋居然話用兩倍人工
留我哋喎
但係我哋已經決定咗
要搬去更加需要傳道員嘅地方
亦都願意做任何工作
就算要掃街都唔緊要㗎
我哋只係想出多啲傳道
去到新嘅傳道地區之後
嗰度嘅人好鍾意聽聖經
所以我哋建立咗好多聖經課程
因為噉我哋晨噉早
就要去主持課程
去到好夜先至可以返屋企
我哋成家人有一個行事曆
記錄晒大家嘅安排
我哋會盡量編排好
噉大家就可以互相幫助嘞
例如我哋知道嗰晚有人會好夜返
噉其他屋企人就會幫手準備晚飯
我睇得出就算我做到嘅唔多
都可以好似先驅咁積極
每個月我都會安排好自己嘅時間
睇吓邊日可以同弟兄姊妹
一齊喺線上傳道
我同表弟發訊息嗰陣
周不時都會同佢分享吓聖經嘅信息
只要身體狀況好啲
我就會出去同弟兄姊妹
一齊做逐家逐戶
搬咗去一年之後
我哋用晒啲錢
有一日朝早
我哋向耶和華禱告求佢幫我哋
將佢嘅王國繼續放喺第一位
跟住我哋就出去傳道嘞
嗰一日我哋探嘅最後嗰個家庭
送咗一大袋菜俾我哋
走嗰陣佢隔離屋
又送咗一籃嘢食俾我哋
跟住你記唔記得你同我講乜嘢呀？
哇！
耶和華幫我哋買埋餸添呀
只係爭肉未有啫
但係當我哋返到屋企
有個姊妹嘅女就拎
一大袋肉俾我哋
我哋感動到喊咗出嚟呀
諗返呢件事
令我哋睇出詩篇34:8講得好啱
我哋真係親身品嘗到
耶和華嘅良善
而家最大嗰3個仔女
都同我哋一齊做先驅喇
另外細啲嗰兩個
都打算高中畢業之後做先驅
可以成家人咁團結噉一齊
為耶和華服務
呢個真係耶和華俾我哋
好大嘅福分
盡力出多啲傳道可以幫我
唔好成日諗住自己嘅難題
而家我好開心
有一個聖經課程
好多時我哋都喺線上讀聖經嘅
但係每個月佢都會嚟我屋企一次
而家聚會佢都有舉手答問題㗎
有時我都冇留意到
原來佢比起一開頭進步咗咁多
我真係覺得好開心呀
喺我哋嘅一生
有時會遇到一啲困難
會令我哋覺得
好難再為耶和華做多啲
但係好多時情況未必好似
我哋想像中咁差嘅
只要我哋唔放棄
耶和華一定會賜力量俾我哋

享受傳道：多為耶和華服務