JW subtitle extractor

我同太太一直都有倾吓
去边啲需要更多传道员嘅地方服务
不过由于我哋住喺利马
嗰度有多啲工作机会
所以就担心搬去其他地方嘅话
会好难搵食
当我老公提议
不如我哋一齐做返先驱嗰阵
我真系觉得冇乜可能呀
因为我哋都好耐冇做过先驱喇
而且我哋仲要睇住5个小朋友
我哋嘅爸爸健康都唔系咁好
需要我哋去照顾
我中学毕业之后
就开始做正规先驱嘞
不过大约一年之后
我患上咗肌痛性脑脊髓炎
呢个病影响咗我嘅日常生活
因为噉我都要暂停我嘅先驱工作
我真系好想喺传道方面做多啲
所以嗰阵嘅感觉真系好似
喺一条好黑嘅隧道入面
完全睇唔到尽头
我成日都喺度谂
创世记32章
雅各同天使摔跤嘅记载
佢一直努力
直到佢得到祝福为止
呢个记载教识我
要得到耶和华嘅赐福
就要坚持不懈
付出努力愿意作出牺牲
同埋不断祷告
诗篇34:8话
试吓主恩喇
就知道耶和華係良善嘅
呢节经文帮我睇出
耶和华会赐福俾嗰啲愿意采取行动嘅人
喺个人研读嗰阵
沉思穷寡妇嗰个记载
对我真系好有帮助
呢个记载令我睇得出
耶和华知道我有几努力
亦都因为我尽咗力
而觉得好开心
当我哋决定辞职
同老板讲嗰阵
佢哋居然话用两倍人工
留我哋㖞
但系我哋已经决定咗
要搬去更加需要传道员嘅地方
亦都愿意做任何工作
就算要扫街都唔紧要㗎
我哋只系想出多啲传道
去到新嘅传道地区之后
嗰度嘅人好钟意听圣经
所以我哋建立咗好多圣经课程
因为噉我哋晨噉早
就要去主持课程
去到好夜先至可以返屋企
我哋成家人有一个行事历
记录晒大家嘅安排
我哋会尽量编排好
噉大家就可以互相帮助嘞
例如我哋知道嗰晚有人会好夜返
噉其他屋企人就会帮手准备晚饭
我睇得出就算我做到嘅唔多
都可以好似先驱咁积极
每个月我都会安排好自己嘅时间
睇吓边日可以同弟兄姊妹
一齐喺线上传道
我同表弟发讯息嗰阵
周不时都会同佢分享吓圣经嘅信息
只要身体状况好啲
我就会出去同弟兄姊妹
一齐做逐家逐戶
搬咗去一年之后
我哋用晒啲钱
有一日朝早
我哋向耶和华祷告求佢帮我哋
将佢嘅王国继续放喺第一位
跟住我哋就出去传道嘞
嗰一日我哋探嘅最后嗰个家庭
送咗一大袋菜俾我哋
走嗰阵佢隔离屋
又送咗一篮嘢食俾我哋
跟住你记唔记得你同我讲乜嘢呀？
哇！
耶和华帮我哋买埋餸添呀
只系争肉未有啫
但系当我哋返到屋企
有个姊妹嘅女就拎
一大袋肉俾我哋
我哋感动到喊咗出嚟呀
谂返呢件事
令我哋睇出诗篇34:8讲得好啱
我哋真系亲身品尝到
耶和华嘅良善
而家最大嗰3个仔女
都同我哋一齐做先驱喇
另外细啲嗰两个
都打算高中毕业之后做先驱
可以成家人咁团结噉一齐
为耶和华服务
呢个真系耶和华俾我哋
好大嘅福分
尽力出多啲传道可以帮我
唔好成日谂住自己嘅难题
而家我好开心
有一个圣经课程
好多时我哋都喺线上读圣经嘅
但系每个月佢都会嚟我屋企一次
而家聚会佢都有举手答问题㗎
有时我都冇留意到
原来佢比起一开头进步咗咁多
我真系觉得好开心呀
喺我哋嘅一生
有时会遇到一啲困难
会令我哋觉得
好难再为耶和华做多啲
但系好多时情况未必好似
我哋想象中咁差嘅
只要我哋唔放弃
耶和华一定会赐力量俾我哋

享受传道：多为耶和华服务