JW subtitle extractor

Mu ino ngikadilo ya bintu,
batwe bonso tutanwanga na matompo.
Lelo kashā kodi mwiipangule
shi Yehova ukakukwasha?
Shi i amo, kitatyi’ka?
Tukulupilei amba Yehova
uketukwatakanya mu matompo.
Mwanda waka?
Mwanda ngikadila mikatampe
ya Yehova kadi ikunka mutyima i buswe.
Pa kuyuka ino ngikadila,
ne muswelo otubwanya kwiilombola,
tubandaulei nsekununi
ya Yosefa idi mu Bible.
Yosefa wābutwile mu Mesopotemya
pano kepadi kintu kya
myaka 3 700 ne musubu.
Shandi i mukulutuba Yakoba,
uyukene ne bu Isalela.
Yosefa wādi na banababo dikumi
ba mu mafu makwabo
ne mwanabo umo, Benjemani,
wa munda mumo.
Yosefa paākidi mwanuke,
batutu wandi dikumi bāmushikilwe
pa mwanda wa mukao.
Inoko, matompo a Yosefa āmulengeje
apandije kisaka kyabo kyonso
ku kipupo kya nzala.
Kadi pa mwanda wa matompo andi,
netu tubwanya kweselwa madyese a nyeke.
Nemwita mutekune Mabible enu
tutange pamo Ngalwilo 37:2-11.
Pābwenye Yosefa myaka 17,
uno nkasampe wādi ulama
luombe na bana ba Bidiha
ne bana ba Zidipa,
bakaji ba shandi.
Kadi Yosefa wākebasapwile kudi shabo.
Ino Isalela wādi usenswe Yosefa
kutabuka bandi bana bonso
mwanda wādi wandi mwana wa mu bununu,
kadi wānenene bamulongele
munkukumba wa pa bula.
Banababo pa kumona’mba shabo
umusenswe kutabuka banababo bonso,
bāanza kumushikwa,
kadi kebākidipo besamba nandi biyampe.
Mwenda mafuku Yosefa wālota kilotwa
wāsapwila’kyo banababo,
ponkapo bāmona bubinga
bukwabo bwa kumushikilwa.
Wēbanena’mba:
Ivwanai’po bidi kino kilotwa kyonalota.
Tala twadi tukuta bīta
mu bukata bwa budimi
penepo kīta kyami kibalanguka kekimene nkū,
ebiya bīta byenu bibajokoloka
kīta kyami kebivukwila’ko.
Banababo bāmunena’mba:
Lelo bine usaka kwibikika bu
mulopwe potudi ne kwitubikala?
Penepo bāmona bubinga
bukwabo bwa kumushikilwa,
pa mwanda wa bilotwa
byandi ne byawādi unena.
Kupwa papo wālota kilotwa kikwabo,
wāsapwila’kyo banababo amba:
Nalota kilotwa kikwabo.
Pano’ko ke dyuba ne kweji
ne ñenyenye 11 byadi bivukwila kondi.
Ebiya wākasapwila’mo
shandi ne banababo bene,
penepo shandi wāmufunina kamunena’mba:
Le kino kilotwa kyobe kishintulula namani?
Lelo ami ne inobe ne banabenu
tusa bine kwiya kodi
ketwivukwila panshi, a?
Penepo banababo
bāmukwatyilwa mukao,
ino shandi wālama binenwa’bya mu ñeni.
Kisaka kya Yosefa kekitabijepo
buluji bwa bilotwa byandi!
Inoko, Yakoba ‘walama binenwa,’
ko kunena’mba, bilotwa bya Yosefa “mu ñeni.”
Namani?
Wadi ulangulukila’po nyeke.
Padi wajingulula’mba bilotwa bya
wandi mwana bitambanga kudi Yehova.
Inoko banababo na Yosefa,
kebebimwenepo namino.
Tulondei butangi bwa Ngalwilo 37:18-36.
Ebiya bāmumwena dya kulampe,
ino aye kafikile kobadi,
bāshilula kumukutyila
kitumba kya kumwipaya.
Penepo kebanena
abo bene na bene amba:
Talai!
Mulotyi wa bilotwa yewa wiya.
Shi ke pano iyai tumwipaye
tumwele mu kīna kimo,
kadi tukanena’mba nyema wa
ntanda wa budyani wamubokotanga.
Penepa tusa kutala musa
kwikadila bilotwa byandi.
Lubeni pa kwivwana kino,
wātompa kumukūla kobadi.
Penepo wānena’mba:
Ketwakipayai būmi bwandi.
Lubeni wēbanena’mba:
Kemwakimwangai mashi.
Mwelei mu kino kīna
mu ntanda mutuputupu,
ino kemwakimulongai kibi.
Kyaādi usaka i kumukūla kobadi
mwanda wa kumujokeja kudi shandi.
Yosefa pa kufika’tu kudi banababo,
bāmuvūla munkukumba wandi,
munkukumba wa pa bula waādi uvwele,
ebiya bāmusela
bākamwela mu kīna.
Mu kine kitatyi’kya kīna kyādi bitupu;
kemwādipo mema.
Penepo bāshikata kebadi.
Abo pa kutulula meso bāmona kibumbo kya
bene Ishemele batamba ku Ngileade.
Bangamedia babo bādi baselele binunka biya,
balasome, ne bibale bya
bunanga, benda ku Edipito.
Penepa Yuda wānena banababo amba:
Le i bika byotusa kumwena’mo shi
tubaipaya mwanetu ne kufya andi mashi?
Nanshi iyai tumupotejei kudi bene Ishemele,
makasa etu keakimutenga.
Kunena na bubine
i mwanetu, i ngitu yetu.
Penepo bāivwana mwanabo.
Kadi bansunga bene Midyana pa kupita,
bāabula Yosefa mu kīna bāmupoteja kudi
bene Ishemele ku bibese 20 bya ndalama.
Bano bantu bāselela Yosefa mu Edipito.
Kupwa Lubeni pa kujokela ku kīna
wāmona’mba Yosefa kākidipo mu kīna,
ponkapo wāsana bivwalwa byandi.
Aye pa kujokela kudi banababo,
wātulula diwi kanena’mba:
Mwana wajimina!
Penepo ami
—ami nsa kulonga’byo namani?
Ebiya bāyata munkukumba wa Yosefa,
bātapa mbuji mulume
bātubika munkukumba mu mashi.
Kupwa papo bātumina shabo
munkukumba wa pa bula’wa kebanena’mba:
Kino e kyotwatana.
Nakwisāshila,
bandaula’kyo bidi utale shi
i munkukumba wa obe mwana.
Nandi wēubandaula,
kupwa wātulula muyoa kadila’mba:
Yō,
i munkukumba wa wami mwana!
Nyema wa ntanda wa budyani wamubokota!
Bine Yosefa wasasamunwa bisesobiseso!
Ponkapo Yakoba wāsana bivwalwa byandi,
wāvwala masāka mu kifuka,
wadila wandi mwana mafuku mavule.
Ebiya bandi bana bonso
bana-balume ne bana-bakaji
bādi batompa nyeke kumusenga,
ino aye wādi nyeke
upela kusengibwa, unena’mba:
Nsa kutūkila mu Kibundu
koku ndila wami mwana!
Kadi shandi wāendelela kumudila.
Ino bene Midyana bāmupoteja
mu Edipito kwa Potifela
mwingidi wa bulēme
wa mu kipango kya Felo
kadi mukata wa basola balami.
Kuno shako ko kushinta
—mwana wadi muswedibwe ke umpika pikā!
Banababo na Yosefa kebabudilwepo’tu’nka
buswe bwa ndamatyidile kwadi,
ino babudilwe’bo ne kudi shabo, Yakoba,
ino nakampata kudi Shabo wa mūlu, Yehova.
Bengidi ba Yehova ba kikōkeji nabo
balongelwanga bukondame.
Kyaba kimo, enka ne banabetu mu lwitabijo
babwanya kwitulongela bintu na bukondame.
Le ye ditompo dyolwa nadyo?
Nankyo, dyadyo ditompo i mukenga muyampe
wa kulombola buswe bosenswe Yehova.
Namani?
Tutalei byālongele Yosefa mu ditompo dyandi.
Tala binena Ngalwilo 39:1-23.
Ino bāletele Yosefa mu Edipito,
ebiya mwine Edipito umo witwa bu Potifela,
mwingidi wa bulēme wa mu kipango kya Felo
kadi mukata wa basola balami,
wāmupota kudi bene Ishemele bāmuletele’mo.
Ino Yehova wādi na Yosefa.
Ku mfulo, myanda yāmwendekela biyampe,
wāpebwa kwendeja njibo
ya mfumwandi, mwine Edipito.
Kadi mfumwandi wāmwene
amba Yehova wadi nandi
ne amba Yehova wadi ukwasha’mba
bintu byonso byaādi ulonga byendeke biyampe.
Wātōkelwe Yosefa mutyima nyeke,
wāikala ke mwingidi wandi.
Wāmutonga kwendeja njibo yandi,
wāmupa ne lupusa lwa
kutala bintu byandi byonso.
Tamba kitatyi kyaāmutongele kwendeja njibo yandi
ne kumupa lupusa lwa
kutala bintu byandi byonso,
Yehova wādi wesela nyeke njibo ya yewa
mwine Edipito pa mwanda wa Yosefa,
kadi dyese dya Yehova dyādi pa byonso
byaādi nabyo mu njibo ne mu ntanda.
Mwenda mafuku wāshīla Yosefa
kulama byonso byaādi nabyo,
kadi kādipo uta mutyima
ku kintu nansha kimo
poso’nka ku byakudya byaādi udya.
Ne kadi, Yosefa wāpuma kadi wānengela.
Bine bino’bi pa kupita’po,
mukaja mfumwandi wāanza
kukomwa Yosefa meso kamunena’mba:
Lāla nami.
Ino aye wāpela,
kanena mukaja mfumwandi amba:
Tala, mfumwami kayukilepo
byondi nabyo mu njibo,
kadi i mumpe kulama bintu byonso byadi nabyo.
Kekudipo nansha umo untabukile
bukatampe mu ino njibo’i,
kadi kankankejepo kintu
nansha kimo poso’nka abe kete,
mwanda wi wandi mukaji.
Penepo le mbwanya’tu namani
kulonga kibi kikatampe namino
ne kupya binebine mambo kudi Leza?
Penepa wādi unenanga
Yosefa difuku ne difuku,
ino aye kāitabijepo
nansha dimo kulāla nandi
nansha kwikala nandi kwine.
Ino difuku dimo pawātwelele
mu njibo kukengila kaji kandi,
kemwādipo mwingidi
nansha umo wa mu njibo.
Penepo wāmukwata mu kivwalwa kyandi
kamunena’mba:
Lāla nami!
Ino aye wāmushila kivwalwa kyandi
mu kuboko wānyemena panja.
Aye pa kumona’tu amba wamushila
kivwalwa kyandi mu kuboko wanyemena panja,
wāanza kwela bana-balume ba mu
njibo yandi lubila kaebanena’mba:
Talai!
Wetuletēle uno Muhebelu
mwanda wa kwitufutulwija.
Waiyanga kondi kulāla nami,
ino ami naanza kwela lubila
na diwi dikatampe.
Penepo aye pa kungivwana
natulula diwi kengela mabila,
washiye kivwalwa kyandi
kubwipi nami wanyemena panja.
Kupwa wātūla kivwalwa kyandi kubwipi nandi
enka ne byāile mfumwandi ku njibo.
Penepo wāmulombola
bintu bimo byonka’mba:
Uno mwingidi Muhebelu owetuletēle
waiyanga kondi mwanda wa kumfutulwija.
Ino ami pa kutulula diwi kengela mabila,
washiye kivwalwa kyandi
kubwipi nami wanyemena panja.
Mfumwandi pa kwivwana binenwa
byāmusapwidile wandi mukaji amba:
“Bino byo byaunoñanga mwingidi obe,”
bulobo bwandi bwaāka.
Ponkapo mfumwandya Yosefa
wāmukwata wāmweleja mu kifungo,
momwa mwādi mulaminwe
bakutwa ba mulopwe,
kaikele monka mu kifungo.
Inoko Yehova wādi nyeke na Yosefa
kadi wādi umusenswe
buswe bwa ndamatyidile,
wālengeja mwimaniji wa kifungo
amutōkelwe mutyima.
Penepo mwimaniji wa kifungo
wāpa Yosefa lupusa
lwa kutala bakutwa bonso ba mu kifungo,
kadi bintu byonso byobādi balonga’mo,
i aye wādi ulongeja’byo.
Mwimaniji wa kifungo kādipo utala kintu
nansha kimo kyādi mu lupusa lwa Yosefa,
mwanda Yehova wādi na Yosefa kadi
Yehova wākweshe bintu byonso byaādi ulonga
byendeke biyampe.
Yehova wadi nyeke
ukwatakenye Yosefa,
ne kulongeja byonso bilonga
Yosefa byendeke biyampe.
Mwanda waka Yehova wādi
ulamete Yosefa uno muswelo?
Mwanda Yosefa wadi nyeke
usenswe Leza buswe bwa ndamatyidile.
Byātene Yosefa bitufundija’mba
shi tusanswe nyeke Yehova,
kaketwelapo nansha dimo!
Uketupa byobya byotusakilwa
pa kitatyi kifwaninwe
mwanda wa tūminine.
Mu mānga ya Yosefa,
tumona’mo amba abamupe kulama
bakutwa babidi ba pa bula
—Kaseya wa Felo ne wandi
mukata wa basōkanga mikate.
Difuku dimo bufuku,
bālotele bilongwa bivutakanya ñeni.
Yehova wape Yosefa ñeni ya
kushintulula bino bilotwa mobyendele,
kadi abya bifikidila.
Mu Ngalwilo 40:14,
Yosefa wisāshila kaseya amba:
“Ufwaninwe kumvuluka
shi bibakwendekela senene.
Nakwisāshila unsanswe
buswe bwa ndamatyidile
ne kuntela kwa Felo,
amba ntambe muno’mu.”
Inoko kaseya wailwa Yosefa.
Mwenda mafuku,
Felo walota bilotwa bibidi bivutakanya ñeni
—kimo kya bañombe banyanunuke
badya bañombe banune,
kikwabo nakyo kya tubisansa twa miseke
tutune tumina bisansa bya miseke.
I kutupu kitobo nansha
muntu wa tunangu mu Edipito
wābwenye kushintulula bino bilotwa.
Ye kaseya wasapwila Felo myanda
ya ñeni ya Yosefa ya kutendelwa
ya kushintulula bilotwa.
Bukidi bonka wāityija Yosefa mu kifungo.
Tutangei Ngalwilo 41 kushilwila mu 25
pano, Yosefa udi na myaka 30,
wimene ku meso a mulopwe.
Penepo Yosefa wānena Felo amba:
Bilotwa bya Felo i kimo kyonka kadi i biifwane.
Leza wa bine wāsapwila Felo byasa kulonga.
Bañombe basamba-babidi bayampe’bo i myaka isamba-ibidi.
Ne bisansa bya miseke
bisamba-bibidi nabyo i myaka isamba-ibidi.
Bilotwa i kimo kyonka kadi i biifwane.
Bañombe basamba-babidi banyanunuke
kadi babi badi bābuka kupwa kwa boba babajinji
i myaka isamba-ibidi,
ne bisansa bya miseke bisamba-bibidi byampikwa’mo kintu
kadi bisōkwe na kivula kya kutunduka,
ikekala myaka isamba-ibidi ya kipupo kya nzala.
Enka monasapwilanga Felo:
Leza wa bine walombola Felo byasa kulonga.
“Kusa kwikala myaka isamba-ibidi ya
byakudya bingi mu ntanda yonso ya Edipito.
Kupwa kwa ino myaka,
kukāyanga binebine myaka
isamba-ibidi ya kipupo kya nzala,
kadi bine bantu bakēlwa byakudya
bingibingi bya mu ntanda ya Edipito,
kipupo kya nzala kikazozeja ino ntanda.
Kadi byakudya bingibingi
bikekala mu ino ntanda
kebikavulukwapo mwanda
wa kipupo kya nzala kikalonda’po,
ke-pantu kikekalanga kikomokomo.
Kilotwa kyapelwe Felo dibidi
ke-pantu uno mwanda i
muningijibwe pototo na Leza wa bine,
kadi Leza wa bine usa
kwiufikidija panopano ponka..
Yosefa walombola senene mwa kulwila
na kipupo kya nzala kisa kwiya.
Felo wasangela byashintulula Yosefa
ne madingi andi a tunangu,
wamutūla bu mwendeji mu Edipito,
bu muntu wa bubidi kupwa aye!
Myaka mwānda pa kupita’po,
kipupo kya nzala kibapone pa ntanda.
Ne pa kisaka kya Yosefa kine.
Yakoba watume bandi bana
bakapote byakudya mu Edipito.
Bana dikumi bakulu ba Yakoba abaenda ku Edipito.
Inoko, mukala wabo, Benjemani, washala.
Bano bana dikumi abatana
Yosefa ne kumufukatyila,
kibafikidija kilotwa kyālotele
Yosefa myaka kunyuma.
Yosefa wajiula banababo,
ino abo kumujiula mpika.
Wesambe nabo’nka mu ludimi lwa
bene Edipito na muntu wibashintulwila,
waleka kwiyukanya.
Pano Yosefa unenwe kukwata butyibi.
Le usa kususula banababo
na lupusa lwadi nalo?
Le usa kwibasūla’tu,
aleke kwibakwasha?
Nansha le usa kukimba mukenga
wa kulonga nabo ndoe?
Lelo ukeula buswe bwa Yehova bwa ndamatyidile?
Shi wadi amba i abe,
wadi wa kulonga’po namani?
Yosefa wasake kuyuka shi banababo ke bashinte
nansha shi bakidi na mushikwa ne mukao.
Webete bu batubedibedi, na kwibalombola’mba
usa kwela Shimioni mu kifungo
enka ne byobāya na Benjemani.
Pano tutangei Ngalwilo 42:21-24.
Na bubine tubapebwa mfuto
pa mwanda wa mwanetu,
mwanda twamwene tusua twandi
paādi wituzenza tumufwile lusa,
ino batwe ketwamwivwenepo.
O mwanda mwine tuno tusua tubetufikila.
Ponkapo Lubeni wēbatentulula’mba:
Mwene nemusapwidile amba,
“Kemwakipyai mwana mambo,”
ino banwe kwivwana mpika?
Pano bine mashi andi kealandulwa.
Ino abo kebādipo bayukile amba
Yosefa wivwene’byo,
mwanda kudi wādi ushintulula pa bukata bwabo.
Ponkapo wēbavundamina kadila.
Aye pa kujoka kaesambe nabo monka,
wākwata’po Shimioni
wāmukuta ku meso abo.
Lubeni walombola kwitopeka pa
kushikanya kobāshikenye Yosefa.
Ino le Lubeni ne banababo
abesāsa bya binebine?
Yosefa pa kusaka kuyuka kino,
wanena banababo bajokele ku Kenani
bakasele nkasabo Benjemani,
bāye nandi ku Edipito.
Le Yakoba pobamulomba Benjemani
bende nandi ku Edipito, walonga’po namani?
Malondololo adi mu
Ngalwilo 42:36, 37.
I ami omwabudija bana!
Yosefa kakidi’kopo,
ne Shimioni nandi kakidi’kopo,
kemusake musele ne Benjemani mwine!
I ami wafikilwa na bino byonso’bi!
Ino Lubeni wātentulula shandi amba:
Ubwanya kwipaya bami bana
babidi shi nkikujokejeje’yepo.
Umpe’ye amiwa, nkamulubula kodi.
Yakoba i musumininwe!
Kasapo kuleka Benjemani ende.
Inoko, mu mwaka wa bubidi
wa kipupo kya nzala,
byakudya bibapu mu njibo
ya Yakoba ne kisaka kyandi.
Le pano Yakoba usa kwitabija
Benjemani ende na banababo ku Edipito
mwanda wa bakapote byakudya bikwabo?
Tutanei malondololo na kutanga
Ngalwilo 43:8-10, 13, ne 14.
Ebiya Yuda wāzenza shandi Isalela amba:
Tuma mwanuke pamo nami,
twende amba twikale bōmi ne kufwa mpika
ne batwe ne abe ne betu bana.
Ami nkekala bu kyeya pa kyandi kyaba.
Abe ukanandula’ye ami.
Shi nkimujokejepo kodi ne kukupa’ye,
nankyo nkakupya mambo a kitatyi kyonso.
Ino shi ketwaijijepo,
longa ketudi bende’ko
kadi twajoka misungu ibidi.
Selai mwanenu mwende,
mujokele kudi yao muntu.
Leza Mwinē Bukomo Bonso
atenge yao muntu emukwatyilwe lusa,
amba emulekelele mwanenu
mukwabo ne Benjemani.
Inoko amiwa, shi mfwaninwe
kubulwa bana, nkebabulwe!
Nansha mafuku kunyuma
Yuda byaāshikenye Yosefa,
mwana muswedibwe wa shandi,
inoko pano waitabija kwitwika
mambo pa mwanda wa Benjemani,
mwana muswedibwe wa shandi.
Ebiya Yakoba waitabija
bandi bana bajokele ku Edipito
ne kuselela Yosefa kyabuntu.
Twendelelei na kutanga
Ngalwilo 43:26-30.
Yosefa pa kutwela mu njibo,
bāmupaila kyabuntu kyabo mu njibo
kebevukwila pa nshi kwadi.
Le shenu mununu
omwansapwidile’wa udi namani?
Le ukidi mūmi?
Nabo bālondolola’mba:
Mwingidi obe
tata wetu udi biyampe.
Ukidi mūmi.
Penepo bāfukata panshi kebevukwila.
Aye pa kutulula meso
wāmona Benjemani mwanabo,
wa munda mwa inandi,
wānena’mba:
Lelo uno’u ye mwanenu,
mukala omwansapwidile’wa?
Wābweja’ko amba:
Leza akutōkelwe mutyima,
abe mwanami.
Penepo Yosefa wāenda lubilo panja,
mwanda kinku kyāmukwete
pa mwanda wa mwanabo,
kakimbe kwa kudidila.
Ebiya wākatwela mu kyumba kya bunka
kasūmija impolo kwine’kwa.
Yosefa usaka kuyuka
mwikadile mutyima wa banababo,
o mwanda webatompa.
Namani?
Yosefa wasoñanya bengidi bandi badinge
byakudya mu mifuko ya banababo bonso.
Kadi webasoñanya kufula bele kitomeno
kyandi kya ndalama mu mufuko wa Benjemani.
Abo bonso pa kwenda’mo kyaba,
Yosefa watume bengidi bandi bakebalonde.
Bengidi bandi pa kwibatana abebepangula’mba:
‘Mwanda waka mubaibe kitomeno kya mfumwetu?’
Banababo na Yosefa abatune
bekolokota amba kebebilepo,
ababweja’ko amba:
‘Shi ubekitana na muntu nansha
umo potudi’pa, nankyo afwe’
Bengidi pa kusantaula mu mifuko yonso,
abatana kitomeno mu
mufuko wa Benjemani!
Banababo abalombola njia
na kusana bivwalwa byabo.
Ñeni papo mibavutakane,
abajokela abo bonso ku njibo
ya Yosefa pamo na Benjemani.
Pano, Yuda wapone panshi
ku meso a Yosefa, kanena’mba:
“Leza wa bine wasokola
kilubo kya bapika bobe.
Pano twi bapika ba mfumwami.”
Yosefa, waendelela na kwibatompa,
webafunina’mba:
‘Banwe bakwabo, jokelai kwenu,
inoko Benjemani ushala
kuno ke umpika wami!’
Yuda wamuzenze amba:
‘Shi nkyalwijepo Benjemani,
bine tata usa kufwa kadi nsa
kumupya mambo a nyeke.’
Yuda kasakilepo kusanshija shandi
na kujimija wandi mwana
mukwabo wasenswe,
pa kino waitabija’ko kwikala
umpika pa kyaba kya Benjemani.
Tutangei byalonga Yosefa
mu Ngalwilo 45:1-15.
Pa kino Yosefa kābwenyepo
monka kwikankamika’ko
ku meso a bengidi bandi bonso.
Wāela lubila’mba:
Ntalulei bantu bonso!
I kutupu muntu mukwabo wāshele na Yosefa
pāadi kaeyukanya kudi banababo.
Penepo kādila na diwi dikatampe’nka
ne byāivwene bene Edipito
ne njibo ya Felo mine yaivwana’o.
Ku mfulo Yosefa wānena banababo amba:
I ami Yosefa.
Le tata wami ukidi mūmi?
Ino banababo bākomenwa
kumulondolola kishima nansha kimo,
mwanda bātulumukile pa mwanda wandi.
Ponkapo Yosefa wānena banababo amba:
Nemwisāshila, mfwenei bidi.
Nabo bamufwena.
Ebiya wēbanena’mba:
I ami Yosefa mwanenu,
yewa omwapoteje mu Edipito’wa.
Ino pano kemwakafītwai mutyima
kadi kemwakītopekai banwe bene
na bene pa kumpoteja kuno;
mwanda Leza waumbadikije ku meso enu
mwanda wa kulama būmi.
Uno’u ke mwaka wa bubidi wa
kipupo kya nzala mu ino ntanda,
kadi kukishele myaka itano yokekukekalapo
kudima nansha kwangula.
Ino Leza waumbadikije kumeso enu mwanda
wa kwimulamina bashele’ko pano pa ntanda
ne kwimulama bōmi na
bunyongolodi bukatampe.
Nanshi ke banwepo bauntumine kuno,
ino i Leza wa bine,
mwanda wa kuntonga bu
mudingidi mukatampe wa Felo
ne bu mfumu pa njibo yandi yonso ne
bu muledi pa ntanda yonso ya Edipito.
Jokelai bukidi kudi tata,
mukamulombole amba,
“Obe mwana Yosefa wanena namino amba:
‘Leza wauntonge bu mfumu pa Edipito ense.
Tūkila kondi.
Kokija.
Ukashikata mu ntanda ya Ngoshena,
kokekala pabwipi nami
—abe, ne bobe bana,
ne bobe bankana, ne mikōko yobe,
ne bañombe bobe,
ne byonso byodi nabyo.
Nkakuletela byakudya kwine’kwa,
mwanda kukishele myaka itano
ya kipupo kya nzala.
Shi bitupu usa kulandapala,
ne abe ne njibo yobe
ne byonso byodi nabyo.’”
Banwe ne mwanetu Benjemani
mukokeja pano kwimwena na meso enu
amba bine i ami wisamba nenu.
Nanshi mufwaninwe kukalombola
tata ntumbo yami yonso mu Edipito
ne byonso byomwamona.
Pano pēlakanai mukalete tata kuno.
Penepa wāmupamba bīpa
mwanabo Benjemani kadila,
Benjemani nandi kadila koku
umukwete maboko mu nshingo.
Kupwa wāfifya banababo bonso kadila.
Yakoba ne kintu kya
bantu 70 ba mu kisaka kyandi,
abatūkila ku Edipito.
Felo webape ntanda ya Ngoshena.
Lutundu lwa Yakoba lwāshikete
kintu kya myaka 215
kufika ne difuku dyaābukile
bantu midiyo isatu nansha kupita
mu bukata mwa mumbu ya
Dijiba Dityila dikalañanibwe
ne kukatwela mwenda mafuku
mu Ntanda ya Mulao.
Yehova wāingidije Yosefa mwanda
wa kulama musuku utwala kudi Meshiasa.
Le mānga ya Yosefa itufundija bika?
Yosefa wāsenswe Yehova buswe
bwa ndamatyidile mu ngikadilo yo-yonso.
Mu bula bwa myaka,
wātenwe na matompo mavule
kwadi dyodi ke dyodi,
ino kalaminepo kīji.
Dyalelo,
ketubwanyapo kwepuka matompo etufikila
mu ino ngikadilo yampikwa kubwaninina.
Inoko tubwanya kulemununa
muswelo wa batwe kulwa nao.
Tupelanga kulobela Yehova.
Tusenswe Yehova,
kadi twi basumininwe kumulombola’bo
na kwepuka mwiendelejo o-onso
ubwanya kumusanshija.
Ngikadilo yadi’mo Yosefa poyāshintyile,
wālombwele buswe bwa
ndamatyidile ku kyabo kisaka,
nansha banababo byobamulongēle
bintu na bukondame.
Buswe bwa ndamatyidile
bwālombwele Yosefa ku kyandi kisaka
bwākweshe mu kufikidila kwa bupolofeto!
Mu mafuku a Abalahama
nkambulula wa Yosefa,
Yehova wātungile kitatyi
kya kunyongolola bantu Bandi,
amba pa kupwa kwa myaka 430.
Le buno bupolofeto bwādi
bwa kufikidila namani
shi Yosefa kālombwelepo buswe
bwa ndamatyidile ku kyabo kisaka?
Na bubine, kusanswa banabetu
buswe bwa ndamatyidile
i mwanda mukatampe kudi Yehova.
O mwanda, shi mwanenu
ku mushipiditu wakusanshija,
epuka ditompo dya
kumuzambaleja myanda mibi
nansha kumusanshija.
Longa byonso byobwanya
mwanda wa kwaluja ndoe.
Na bubine, Yehova usenswe bano banabetu.
Netu tufwaninwe kwibasanswa!
Mu ino nsekununi,
Yehova ye ushile kimfwa kilumbuluke mpata
kya buswe bwa ndamatyidile.
Yosefa wāelelwe
na kyandi kisaka,
wabepelwa bubela
na mukaja mfumwandi,
ne kwelwa mu kifungo;
inoko Yehova “wādi nyeke na Yosefa
kadi wādi umusenswe
buswe bwa ndamatyidile.”
Mwanda waka?
Wāmwene amba Yosefa udi na lulamato,
nandi wāikala na lulamato kwadi.
Muswelo wādi wikele Yehova na Yosefa
wālombwele amba Yehova usenswe
muzo wa Isalela buswe bwa ndamatyidile.
Yehova pa kwingidija
Yosefa alame kisaka kyabo,
wālamine musuku wa Meshiasa
ne kulonga bukomo bwa amba
mulao Wandi wa kunyongolola bene
Isalela ufikidile pa kitatyi kifwaninwe.
Mwene i kintu kikulupija’po kashā?
Bantu bampikwa kubwaninina
bakokeja kukusanshija,
kukufutulula nansha
kukubepela bubela,
kadi babwanya kukulongela
bintu na bukondame.
Inoko shi wikale nyeke
na lulamato kudi Yehova,
kakakwelapo nansha dimo.
Kāidilwepo Yosefa,
kadi kakelwapo mwingidi wandi
wa lulamato nansha umo dyalelo.
Lamata nyeke Yehova,
nandi ukakusanswa
buswe bwa ndamatyidile.

Yehova Wādi Umusenswe Buswe bwa Ndamatyidile
- 

Yehova Wādi Umusenswe Buswe bwa Ndamatyidile

Mu ino ngikadilo ya bintu,
batwe bonso tutanwanga na matompo.
Lelo kashā kodi mwiipangule
shi Yehova ukakukwasha?
Shi i amo, kitatyi’ka?
Tukulupilei amba Yehova 
uketukwatakanya mu matompo.
Mwanda waka?
Mwanda ngikadila mikatampe
ya Yehova kadi ikunka mutyima i buswe.
Pa kuyuka ino ngikadila,
ne muswelo otubwanya kwiilombola,
tubandaulei nsekununi 
ya Yosefa idi mu Bible.
Yosefa wābutwile mu Mesopotemya
pano kepadi kintu kya 
myaka 3 700 ne musubu.
Shandi i mukulutuba Yakoba,
uyukene ne bu Isalela.
Yosefa wādi na banababo dikumi
ba mu mafu makwabo
ne mwanabo umo, Benjemani, 
wa munda mumo.
Yosefa paākidi mwanuke,
batutu wandi dikumi bāmushikilwe 
pa mwanda wa mukao.
Inoko, matompo a Yosefa āmulengeje 
apandije kisaka kyabo kyonso
ku kipupo kya nzala.
Kadi pa mwanda wa matompo andi,
netu tubwanya kweselwa madyese a nyeke.
Nemwita mutekune Mabible enu
tutange pamo Ngalwilo 37:2-11.
Pābwenye Yosefa myaka 17,
uno nkasampe wādi ulama 
luombe na bana ba Bidiha
ne bana ba Zidipa, 
bakaji ba shandi.
Kadi Yosefa wākebasapwile kudi shabo.
Ino Isalela wādi usenswe Yosefa 
kutabuka bandi bana bonso
mwanda wādi wandi mwana wa mu bununu,
kadi wānenene bamulongele 
munkukumba wa pa bula.
Banababo pa kumona’mba shabo 
umusenswe kutabuka banababo bonso,
bāanza kumushikwa,
kadi kebākidipo besamba nandi biyampe.
Mwenda mafuku Yosefa wālota kilotwa
wāsapwila’kyo banababo,
ponkapo bāmona bubinga 
bukwabo bwa kumushikilwa.
Wēbanena’mba:
Ivwanai’po bidi kino kilotwa kyonalota.
Tala twadi tukuta bīta 
 mu bukata bwa budimi
penepo kīta kyami kibalanguka kekimene nkū,
ebiya bīta byenu bibajokoloka 
kīta kyami kebivukwila’ko.
Banababo bāmunena’mba:
Lelo bine usaka kwibikika bu 
mulopwe potudi ne kwitubikala?
Penepo bāmona bubinga 
bukwabo bwa kumushikilwa,
pa mwanda wa bilotwa 
byandi ne byawādi unena.
Kupwa papo wālota kilotwa kikwabo,
wāsapwila’kyo banababo amba:
Nalota kilotwa kikwabo.
Pano’ko ke dyuba ne kweji 
ne ñenyenye 11 byadi bivukwila kondi.
Ebiya wākasapwila’mo 
shandi ne banababo bene,
penepo shandi wāmufunina kamunena’mba:
Le kino kilotwa kyobe kishintulula namani?
Lelo ami ne inobe ne banabenu
tusa bine kwiya kodi 
ketwivukwila panshi, a?
Penepo banababo 
bāmukwatyilwa mukao,
ino shandi wālama binenwa’bya mu ñeni.
Kisaka kya Yosefa kekitabijepo 
buluji bwa bilotwa byandi!
Inoko, Yakoba ‘walama binenwa,’
ko kunena’mba, bilotwa bya Yosefa “mu ñeni.”
Namani?
Wadi ulangulukila’po nyeke.
Padi wajingulula’mba bilotwa bya 
wandi mwana bitambanga kudi Yehova.
Inoko banababo na Yosefa,
kebebimwenepo namino.
Tulondei butangi bwa Ngalwilo 37:18-36.
Ebiya bāmumwena dya kulampe,
ino aye kafikile kobadi,
bāshilula kumukutyila
kitumba kya kumwipaya.
Penepo kebanena
abo bene na bene amba:
Talai!
Mulotyi wa bilotwa yewa wiya.
Shi ke pano iyai tumwipaye 
tumwele mu kīna kimo,
kadi tukanena’mba nyema wa 
ntanda wa budyani wamubokotanga.
Penepa tusa kutala musa 
kwikadila bilotwa byandi.
Lubeni pa kwivwana kino,
 wātompa kumukūla kobadi.
Penepo wānena’mba:
Ketwakipayai būmi bwandi.
Lubeni wēbanena’mba:
Kemwakimwangai mashi.
Mwelei mu kino kīna
mu ntanda mutuputupu,
ino kemwakimulongai kibi.
Kyaādi usaka i kumukūla kobadi 
mwanda wa kumujokeja kudi shandi.
Yosefa pa kufika’tu kudi banababo,
bāmuvūla munkukumba wandi,
munkukumba wa pa bula waādi uvwele,
ebiya bāmusela 
bākamwela mu kīna.
Mu kine kitatyi’kya kīna kyādi bitupu;
 kemwādipo mema.
Penepo bāshikata kebadi.
Abo pa kutulula meso bāmona kibumbo kya 
bene Ishemele batamba ku Ngileade.
Bangamedia babo bādi baselele binunka biya,
balasome, ne bibale bya 
bunanga, benda ku Edipito.
Penepa Yuda wānena banababo amba:
Le i bika byotusa kumwena’mo shi 
tubaipaya mwanetu ne kufya andi mashi?
Nanshi iyai tumupotejei kudi bene Ishemele,
makasa etu keakimutenga.
Kunena na bubine
i mwanetu, i ngitu yetu.
Penepo bāivwana mwanabo.
Kadi bansunga bene Midyana pa kupita,
bāabula Yosefa mu kīna bāmupoteja kudi
bene Ishemele ku bibese 20 bya ndalama.
Bano bantu bāselela Yosefa mu Edipito.
Kupwa Lubeni pa kujokela ku kīna 
wāmona’mba Yosefa kākidipo mu kīna,
ponkapo wāsana bivwalwa byandi.
Aye pa kujokela kudi banababo, 
 wātulula diwi kanena’mba:
Mwana wajimina!
Penepo ami
—ami nsa kulonga’byo namani?
Ebiya bāyata munkukumba wa Yosefa,
bātapa mbuji mulume 
bātubika munkukumba mu mashi.
Kupwa papo bātumina shabo
munkukumba wa pa bula’wa kebanena’mba:
Kino e kyotwatana.
Nakwisāshila,
bandaula’kyo bidi utale shi 
i munkukumba wa obe mwana.
Nandi wēubandaula, 
kupwa wātulula muyoa kadila’mba:
Yō, 
i munkukumba wa wami mwana!
Nyema wa ntanda wa budyani wamubokota!
Bine Yosefa wasasamunwa bisesobiseso!
Ponkapo Yakoba wāsana bivwalwa byandi,
wāvwala masāka mu kifuka,
wadila wandi mwana mafuku mavule.
Ebiya bandi bana bonso 
bana-balume ne bana-bakaji
bādi batompa nyeke kumusenga,
ino aye wādi nyeke 
upela kusengibwa, unena’mba:
Nsa kutūkila mu Kibundu 
koku ndila wami mwana!
Kadi shandi wāendelela kumudila.
Ino bene Midyana bāmupoteja
mu Edipito kwa Potifela
mwingidi wa bulēme 
wa mu kipango kya Felo
kadi mukata wa basola balami.
Kuno shako ko kushinta
—mwana wadi muswedibwe ke umpika pikā!
Banababo na Yosefa kebabudilwepo’tu’nka
buswe bwa ndamatyidile kwadi,
ino babudilwe’bo ne kudi shabo, Yakoba,
ino nakampata kudi Shabo wa mūlu, Yehova.
Bengidi ba Yehova ba kikōkeji nabo 
balongelwanga bukondame.
Kyaba kimo, enka ne banabetu mu lwitabijo
babwanya kwitulongela bintu na bukondame.
Le ye ditompo dyolwa nadyo?
Nankyo, dyadyo ditompo i mukenga muyampe
wa kulombola buswe bosenswe Yehova.
Namani?
Tutalei byālongele Yosefa mu ditompo dyandi.
Tala binena Ngalwilo 39:1-23.
Ino bāletele Yosefa mu Edipito,
ebiya mwine Edipito umo witwa bu Potifela,
mwingidi wa bulēme wa mu kipango kya Felo
kadi mukata wa basola balami,
wāmupota kudi bene Ishemele bāmuletele’mo.
Ino Yehova wādi na Yosefa.
Ku mfulo, myanda yāmwendekela biyampe,
wāpebwa kwendeja njibo
ya mfumwandi, mwine Edipito.
Kadi mfumwandi wāmwene 
amba Yehova wadi nandi
ne amba Yehova wadi ukwasha’mba 
bintu byonso byaādi ulonga byendeke biyampe.
Wātōkelwe Yosefa mutyima nyeke,
wāikala ke mwingidi wandi.
Wāmutonga kwendeja njibo yandi,
wāmupa ne lupusa lwa 
kutala bintu byandi byonso.
Tamba kitatyi kyaāmutongele kwendeja njibo yandi
ne kumupa lupusa lwa 
kutala bintu byandi byonso,
Yehova wādi wesela nyeke njibo ya yewa
mwine Edipito pa mwanda wa Yosefa,
kadi dyese dya Yehova dyādi pa byonso
byaādi nabyo mu njibo ne mu ntanda.
Mwenda mafuku wāshīla Yosefa
kulama byonso byaādi nabyo,
kadi kādipo uta mutyima 
ku kintu nansha kimo
poso’nka ku byakudya byaādi udya.
Ne kadi, Yosefa wāpuma kadi wānengela.
Bine bino’bi pa kupita’po,
mukaja mfumwandi wāanza 
kukomwa Yosefa meso kamunena’mba:
Lāla nami.
Ino aye wāpela, 
kanena mukaja mfumwandi amba:
Tala, mfumwami kayukilepo
byondi nabyo mu njibo,
kadi i mumpe kulama bintu byonso byadi nabyo.
Kekudipo nansha umo untabukile 
bukatampe mu ino njibo’i,
kadi kankankejepo kintu 
nansha kimo poso’nka abe kete,
mwanda wi wandi mukaji.
Penepo le mbwanya’tu namani 
kulonga kibi kikatampe namino
ne kupya binebine mambo kudi Leza?
Penepa wādi unenanga 
Yosefa difuku ne difuku,
ino aye kāitabijepo 
nansha dimo kulāla nandi
nansha kwikala nandi kwine.
Ino difuku dimo pawātwelele
mu njibo kukengila kaji kandi,
kemwādipo mwingidi 
nansha umo wa mu njibo.
Penepo wāmukwata mu kivwalwa kyandi
kamunena’mba:
Lāla nami!
Ino aye wāmushila kivwalwa kyandi 
mu kuboko wānyemena panja.
Aye pa kumona’tu amba wamushila 
kivwalwa kyandi mu kuboko wanyemena panja,
wāanza kwela bana-balume ba mu
njibo yandi lubila kaebanena’mba:
Talai!
Wetuletēle uno Muhebelu 
mwanda wa kwitufutulwija.
Waiyanga kondi kulāla nami,
ino ami naanza kwela lubila
na diwi dikatampe.
Penepo aye pa kungivwana
natulula diwi kengela mabila,
washiye kivwalwa kyandi 
kubwipi nami wanyemena panja.
Kupwa wātūla kivwalwa kyandi kubwipi nandi
enka ne byāile mfumwandi ku njibo.
Penepo wāmulombola 
 bintu bimo byonka’mba:
Uno mwingidi Muhebelu owetuletēle
waiyanga kondi mwanda wa kumfutulwija.
Ino ami pa kutulula diwi kengela mabila,
washiye kivwalwa kyandi 
kubwipi nami wanyemena panja.
Mfumwandi pa kwivwana binenwa 
byāmusapwidile wandi mukaji amba:
“Bino byo byaunoñanga mwingidi obe,”
bulobo bwandi bwaāka.
Ponkapo mfumwandya Yosefa
wāmukwata wāmweleja mu kifungo,
momwa mwādi mulaminwe 
bakutwa ba mulopwe,
kaikele monka mu kifungo.
Inoko Yehova wādi nyeke na Yosefa
kadi wādi umusenswe 
buswe bwa ndamatyidile,
wālengeja mwimaniji wa kifungo 
amutōkelwe mutyima.
Penepo mwimaniji wa kifungo 
wāpa Yosefa lupusa
lwa kutala bakutwa bonso ba mu kifungo,
kadi bintu byonso byobādi balonga’mo,
i aye wādi ulongeja’byo.
Mwimaniji wa kifungo kādipo utala kintu 
nansha kimo kyādi mu lupusa lwa Yosefa,
mwanda Yehova wādi na Yosefa kadi 
Yehova wākweshe bintu byonso byaādi ulonga
byendeke biyampe.
Yehova wadi nyeke 
 ukwatakenye Yosefa,
ne kulongeja byonso bilonga 
 Yosefa byendeke biyampe.
Mwanda waka Yehova wādi 
ulamete Yosefa uno muswelo?
Mwanda Yosefa wadi nyeke 
usenswe Leza buswe bwa ndamatyidile.
Byātene Yosefa bitufundija’mba 
shi tusanswe nyeke Yehova,
kaketwelapo nansha dimo!
Uketupa byobya byotusakilwa 
pa kitatyi kifwaninwe
mwanda wa tūminine.
Mu mānga ya Yosefa,
tumona’mo amba abamupe kulama
bakutwa babidi ba pa bula
—Kaseya wa Felo ne wandi 
mukata wa basōkanga mikate.
Difuku dimo bufuku,
bālotele bilongwa bivutakanya ñeni.
Yehova wape Yosefa ñeni ya 
kushintulula bino bilotwa mobyendele,
kadi abya bifikidila.
Mu Ngalwilo 40:14, 
Yosefa wisāshila kaseya amba:
“Ufwaninwe kumvuluka 
shi bibakwendekela senene.
Nakwisāshila unsanswe 
buswe bwa ndamatyidile
ne kuntela kwa Felo, 
amba ntambe muno’mu.”
Inoko kaseya wailwa Yosefa.
Mwenda mafuku,
Felo walota bilotwa bibidi bivutakanya ñeni
—kimo kya bañombe banyanunuke 
badya bañombe banune,
kikwabo nakyo kya tubisansa twa miseke 
tutune tumina bisansa bya miseke.
I kutupu kitobo nansha
muntu wa tunangu mu Edipito
wābwenye kushintulula bino bilotwa.
Ye kaseya wasapwila Felo myanda
ya ñeni ya Yosefa ya kutendelwa
ya kushintulula bilotwa.
Bukidi bonka wāityija Yosefa mu kifungo.
Tutangei Ngalwilo 41 kushilwila mu 25
pano, Yosefa udi na myaka 30, 
wimene ku meso a mulopwe.
Penepo Yosefa wānena Felo amba:
Bilotwa bya Felo i kimo kyonka kadi i biifwane.
Leza wa bine wāsapwila Felo byasa kulonga.
Bañombe basamba-babidi bayampe’bo i myaka isamba-ibidi.
Ne bisansa bya miseke 
bisamba-bibidi nabyo i myaka isamba-ibidi.
Bilotwa i kimo kyonka kadi i biifwane.
Bañombe basamba-babidi banyanunuke 
kadi babi badi bābuka kupwa kwa boba babajinji
i myaka isamba-ibidi,
ne bisansa bya miseke bisamba-bibidi byampikwa’mo kintu
kadi bisōkwe na kivula kya kutunduka,
ikekala myaka isamba-ibidi ya kipupo kya nzala.
Enka monasapwilanga Felo:
Leza wa bine walombola Felo byasa kulonga.
“Kusa kwikala myaka isamba-ibidi ya 
byakudya bingi mu ntanda yonso ya Edipito.
Kupwa kwa ino myaka,
kukāyanga binebine myaka 
isamba-ibidi ya kipupo kya nzala,
kadi bine bantu bakēlwa byakudya 
bingibingi bya mu ntanda ya Edipito,
kipupo kya nzala kikazozeja ino ntanda.
Kadi byakudya bingibingi 
bikekala mu ino ntanda
kebikavulukwapo mwanda 
wa kipupo kya nzala kikalonda’po,
ke-pantu kikekalanga kikomokomo.
Kilotwa kyapelwe Felo dibidi
ke-pantu uno mwanda i 
muningijibwe pototo na Leza wa bine,
kadi Leza wa bine usa 
kwiufikidija panopano ponka..
Yosefa walombola senene mwa kulwila
na kipupo kya nzala kisa kwiya.
Felo wasangela byashintulula Yosefa
ne madingi andi a tunangu,
wamutūla bu mwendeji mu Edipito,
bu muntu wa bubidi kupwa aye!
Myaka mwānda pa kupita’po,
kipupo kya nzala kibapone pa ntanda.
Ne pa kisaka kya Yosefa kine.
Yakoba watume bandi bana 
bakapote byakudya mu Edipito.
Bana dikumi bakulu ba Yakoba abaenda ku Edipito.
Inoko, mukala wabo, Benjemani, washala.
Bano bana dikumi abatana 
Yosefa ne kumufukatyila,
kibafikidija kilotwa kyālotele 
Yosefa myaka kunyuma.
Yosefa wajiula banababo,
ino abo kumujiula mpika.
Wesambe nabo’nka mu ludimi lwa
bene Edipito na muntu wibashintulwila,
waleka kwiyukanya.
Pano Yosefa unenwe kukwata butyibi.
Le usa kususula banababo 
na lupusa lwadi nalo?
Le usa kwibasūla’tu, 
aleke kwibakwasha?
Nansha le usa kukimba mukenga 
wa kulonga nabo ndoe?
Lelo ukeula buswe bwa Yehova bwa ndamatyidile?
Shi wadi amba i abe, 
wadi wa kulonga’po namani?
Yosefa wasake kuyuka shi banababo ke bashinte
nansha shi bakidi na mushikwa ne mukao.
Webete bu batubedibedi, na kwibalombola’mba
usa kwela Shimioni mu kifungo
enka ne byobāya na Benjemani.
Pano tutangei Ngalwilo 42:21-24.
Na bubine tubapebwa mfuto 
pa mwanda wa mwanetu,
mwanda twamwene tusua twandi
paādi wituzenza tumufwile lusa,
ino batwe ketwamwivwenepo.
O mwanda mwine tuno tusua tubetufikila.
Ponkapo Lubeni wēbatentulula’mba:
Mwene nemusapwidile amba,
“Kemwakipyai mwana mambo,”
ino banwe kwivwana mpika?
Pano bine mashi andi kealandulwa.
Ino abo kebādipo bayukile amba
Yosefa wivwene’byo,
mwanda kudi wādi ushintulula pa bukata bwabo.
Ponkapo wēbavundamina kadila.
Aye pa kujoka kaesambe nabo monka,
wākwata’po Shimioni 
wāmukuta ku meso abo.
Lubeni walombola kwitopeka pa 
kushikanya kobāshikenye Yosefa.
Ino le Lubeni ne banababo 
abesāsa bya binebine?
Yosefa pa kusaka kuyuka kino,
wanena banababo bajokele ku Kenani 
bakasele nkasabo Benjemani,
bāye nandi ku Edipito.
Le Yakoba pobamulomba Benjemani 
bende nandi ku Edipito, walonga’po namani?
Malondololo adi mu 
 Ngalwilo 42:36, 37.
I ami omwabudija bana!
Yosefa kakidi’kopo,
ne Shimioni nandi kakidi’kopo,
kemusake musele ne Benjemani mwine!
I ami wafikilwa na bino byonso’bi!
Ino Lubeni wātentulula shandi amba:
Ubwanya kwipaya bami bana 
babidi shi nkikujokejeje’yepo.
Umpe’ye amiwa, nkamulubula kodi.
Yakoba i musumininwe!
Kasapo kuleka Benjemani ende.
Inoko, mu mwaka wa bubidi 
wa kipupo kya nzala,
byakudya bibapu mu njibo 
ya Yakoba ne kisaka kyandi.
Le pano Yakoba usa kwitabija 
Benjemani ende na banababo ku Edipito
mwanda wa bakapote byakudya bikwabo?
Tutanei malondololo na kutanga 
Ngalwilo 43:8-10, 13, ne 14.
Ebiya Yuda wāzenza shandi Isalela amba:
Tuma mwanuke pamo nami,
twende amba twikale bōmi ne kufwa mpika
ne batwe ne abe ne betu bana.
Ami nkekala bu kyeya pa kyandi kyaba.
Abe ukanandula’ye ami.
Shi nkimujokejepo kodi ne kukupa’ye,
nankyo nkakupya mambo a kitatyi kyonso.
Ino shi ketwaijijepo,
longa ketudi bende’ko
kadi twajoka misungu ibidi.
Selai mwanenu mwende, 
mujokele kudi yao muntu.
Leza Mwinē Bukomo Bonso 
atenge yao muntu emukwatyilwe lusa,
amba emulekelele mwanenu 
mukwabo ne Benjemani.
Inoko amiwa, shi mfwaninwe 
kubulwa bana, nkebabulwe!
Nansha mafuku kunyuma 
Yuda byaāshikenye Yosefa,
mwana muswedibwe wa shandi,
inoko pano waitabija kwitwika 
mambo pa mwanda wa Benjemani,
mwana muswedibwe wa shandi.
Ebiya Yakoba waitabija 
bandi bana bajokele ku Edipito
ne kuselela Yosefa kyabuntu.
Twendelelei na kutanga 
Ngalwilo 43:26-30.
Yosefa pa kutwela mu njibo,
bāmupaila kyabuntu kyabo mu njibo
kebevukwila pa nshi kwadi.
Le shenu mununu 
omwansapwidile’wa udi namani?
Le ukidi mūmi?
Nabo bālondolola’mba:
Mwingidi obe 
tata wetu udi biyampe.
Ukidi mūmi.
Penepo bāfukata panshi kebevukwila.
Aye pa kutulula meso 
wāmona Benjemani mwanabo,
wa munda mwa inandi, 
wānena’mba:
Lelo uno’u ye mwanenu, 
mukala omwansapwidile’wa?
Wābweja’ko amba:
Leza akutōkelwe mutyima,
abe mwanami.
Penepo Yosefa wāenda lubilo panja,
mwanda kinku kyāmukwete 
pa mwanda wa mwanabo,
kakimbe kwa kudidila.
Ebiya wākatwela mu kyumba kya bunka
kasūmija impolo kwine’kwa.
Yosefa usaka kuyuka 
mwikadile mutyima wa banababo,
o mwanda webatompa.
Namani?
Yosefa wasoñanya bengidi bandi badinge 
byakudya mu mifuko ya banababo bonso.
Kadi webasoñanya kufula bele kitomeno 
kyandi kya ndalama mu mufuko wa Benjemani.
Abo bonso pa kwenda’mo kyaba,
Yosefa watume bengidi bandi bakebalonde.
Bengidi bandi pa kwibatana abebepangula’mba:
‘Mwanda waka mubaibe kitomeno kya mfumwetu?’
Banababo na Yosefa abatune
bekolokota amba kebebilepo,
ababweja’ko amba:
‘Shi ubekitana na muntu nansha
umo potudi’pa, nankyo afwe’
Bengidi pa kusantaula mu mifuko yonso,
abatana kitomeno mu 
mufuko wa Benjemani!
Banababo abalombola njia 
na kusana bivwalwa byabo.
Ñeni papo mibavutakane,
abajokela abo bonso ku njibo
ya Yosefa pamo na Benjemani.
Pano, Yuda wapone panshi
ku meso a Yosefa, kanena’mba:
“Leza wa bine wasokola 
kilubo kya bapika bobe.
Pano twi bapika ba mfumwami.”
Yosefa, waendelela na kwibatompa,
webafunina’mba:
‘Banwe bakwabo, jokelai kwenu,
inoko Benjemani ushala
kuno ke umpika wami!’
Yuda wamuzenze amba:
‘Shi nkyalwijepo Benjemani,
bine tata usa kufwa kadi nsa 
kumupya mambo a nyeke.’
Yuda kasakilepo kusanshija shandi
na kujimija wandi mwana 
mukwabo wasenswe,
pa kino waitabija’ko kwikala 
umpika pa kyaba kya Benjemani.
Tutangei byalonga Yosefa 
mu Ngalwilo 45:1-15.
Pa kino Yosefa kābwenyepo 
monka kwikankamika’ko
ku meso a bengidi bandi bonso.
Wāela lubila’mba:
Ntalulei bantu bonso!
I kutupu muntu mukwabo wāshele na Yosefa
pāadi kaeyukanya kudi banababo.
Penepo kādila na diwi dikatampe’nka 
ne byāivwene bene Edipito
ne njibo ya Felo mine yaivwana’o.
Ku mfulo Yosefa wānena banababo amba:
I ami Yosefa.
Le tata wami ukidi mūmi?
Ino banababo bākomenwa 
kumulondolola kishima nansha kimo,
mwanda bātulumukile pa mwanda wandi.
Ponkapo Yosefa wānena banababo amba:
Nemwisāshila, mfwenei bidi.
Nabo bamufwena.
Ebiya wēbanena’mba:
I ami Yosefa mwanenu, 
yewa omwapoteje mu Edipito’wa.
Ino pano kemwakafītwai mutyima
kadi kemwakītopekai banwe bene
na bene pa kumpoteja kuno;
mwanda Leza waumbadikije ku meso enu
mwanda wa kulama būmi.
Uno’u ke mwaka wa bubidi wa 
kipupo kya nzala mu ino ntanda,
kadi kukishele myaka itano yokekukekalapo
kudima nansha kwangula.
Ino Leza waumbadikije kumeso enu mwanda 
wa kwimulamina bashele’ko pano pa ntanda
ne kwimulama bōmi na 
bunyongolodi bukatampe.
Nanshi ke banwepo bauntumine kuno,
ino i Leza wa bine,
mwanda wa kuntonga bu 
mudingidi mukatampe wa Felo
ne bu mfumu pa njibo yandi yonso ne 
bu muledi pa ntanda yonso ya Edipito.
Jokelai bukidi kudi tata,
mukamulombole amba,
“Obe mwana Yosefa wanena namino amba:
‘Leza wauntonge bu mfumu pa Edipito ense.
Tūkila kondi.
Kokija.
Ukashikata mu ntanda ya Ngoshena, 
kokekala pabwipi nami
—abe, ne bobe bana,
ne bobe bankana, ne mikōko yobe,
ne bañombe bobe,
ne byonso byodi nabyo.
Nkakuletela byakudya kwine’kwa,
mwanda kukishele myaka itano
ya kipupo kya nzala.
Shi bitupu usa kulandapala,
ne abe ne njibo yobe 
ne byonso byodi nabyo.’”
Banwe ne mwanetu Benjemani
mukokeja pano kwimwena na meso enu
amba bine i ami wisamba nenu.
Nanshi mufwaninwe kukalombola 
tata ntumbo yami yonso mu Edipito
ne byonso byomwamona.
Pano pēlakanai mukalete tata kuno.
Penepa wāmupamba bīpa 
mwanabo Benjemani kadila,
Benjemani nandi kadila koku
umukwete maboko mu nshingo.
Kupwa wāfifya banababo bonso kadila.
Yakoba ne kintu kya 
bantu 70 ba mu kisaka kyandi,
abatūkila ku Edipito.
Felo webape ntanda ya Ngoshena.
Lutundu lwa Yakoba lwāshikete 
kintu kya myaka 215
kufika ne difuku dyaābukile 
bantu midiyo isatu nansha kupita
mu bukata mwa mumbu ya 
Dijiba Dityila dikalañanibwe
ne kukatwela mwenda mafuku 
mu Ntanda ya Mulao.
Yehova wāingidije Yosefa mwanda 
wa kulama musuku utwala kudi Meshiasa.
Le mānga ya Yosefa itufundija bika?
Yosefa wāsenswe Yehova buswe
bwa  ndamatyidile mu ngikadilo yo-yonso.
Mu bula bwa myaka,
wātenwe na matompo mavule 
 kwadi dyodi ke dyodi,
ino kalaminepo kīji.
Dyalelo,
ketubwanyapo kwepuka matompo etufikila 
mu ino ngikadilo yampikwa kubwaninina.
Inoko tubwanya kulemununa 
muswelo wa batwe kulwa nao.
Tupelanga kulobela Yehova.
Tusenswe Yehova,
kadi twi basumininwe kumulombola’bo
na kwepuka mwiendelejo o-onso
ubwanya kumusanshija.
Ngikadilo yadi’mo Yosefa poyāshintyile,
wālombwele buswe bwa 
ndamatyidile ku kyabo kisaka,
nansha banababo byobamulongēle
 bintu na bukondame.
Buswe bwa ndamatyidile 
bwālombwele Yosefa ku kyandi kisaka
bwākweshe mu kufikidila kwa bupolofeto!
Mu mafuku a Abalahama
nkambulula wa Yosefa,
Yehova wātungile kitatyi 
kya kunyongolola bantu Bandi,
amba pa kupwa kwa myaka 430.
Le buno bupolofeto bwādi 
bwa kufikidila namani
shi Yosefa kālombwelepo buswe 
bwa ndamatyidile ku kyabo kisaka?
Na bubine, kusanswa banabetu 
buswe bwa ndamatyidile
i mwanda mukatampe kudi Yehova.
O mwanda, shi mwanenu 
ku mushipiditu wakusanshija,
epuka ditompo dya 
kumuzambaleja myanda mibi
nansha kumusanshija.
Longa byonso byobwanya 
mwanda wa kwaluja ndoe.
Na bubine, Yehova usenswe bano banabetu.
Netu tufwaninwe kwibasanswa!
Mu ino nsekununi,
Yehova ye ushile kimfwa kilumbuluke mpata 
kya buswe bwa ndamatyidile.
Yosefa wāelelwe 
na kyandi kisaka,
wabepelwa bubela 
na mukaja mfumwandi,
ne kwelwa mu kifungo;
inoko Yehova “wādi nyeke na Yosefa
kadi wādi umusenswe 
buswe bwa ndamatyidile.”
Mwanda waka?
Wāmwene amba Yosefa udi na lulamato, 
nandi wāikala na lulamato kwadi.
Muswelo wādi wikele Yehova na Yosefa
wālombwele amba Yehova usenswe 
muzo wa Isalela buswe bwa ndamatyidile.
Yehova pa kwingidija 
Yosefa alame kisaka kyabo,
wālamine musuku wa Meshiasa 
ne kulonga bukomo bwa amba
mulao Wandi wa kunyongolola bene
Isalela ufikidile pa kitatyi kifwaninwe.
Mwene i kintu kikulupija’po kashā?
Bantu bampikwa kubwaninina
bakokeja kukusanshija,
kukufutulula nansha
kukubepela bubela,
kadi babwanya kukulongela
bintu na bukondame.
Inoko shi wikale nyeke 
na lulamato kudi Yehova,
kakakwelapo nansha dimo.
Kāidilwepo Yosefa,
kadi kakelwapo mwingidi wandi 
wa lulamato nansha umo dyalelo.
Lamata nyeke Yehova,
nandi ukakusanswa
buswe bwa ndamatyidile.


-