JW subtitle extractor

Amy tontolo misy antsika toy,
le samby mandalo raha sarotsy
tsika iaby.
Fa nisy fotoa va iha nisalasala hoe
hanampy anao Jehovah?
Nombia raha zay?
Afaky matoky tsika hoe
hanoha antsika Jehovah
lafa misy raha sarotsy.
Ino ty antony?
Satria ty toetsy
tena mampiavaky ani-Jehovah,
toetsy tena mampahery, ty fitiava.
Hianatsy mikasiky ani-toetsy io
noho ty fomba
hampisehoantsika azy tsika
lafa mandiniky ty tantarani-Josefa
amy Baiboly ao.
Nateraky ta Mezopotamia any Josefa,
fa ho 3 700 tao lasa.
Jakoba ty anarani-babany,
kaihy koa hoe Israely.
Mana rahalahy folo
tsy niharo reny aminy Josefa,
le rahalahy raiky
niharo baba noho reny, Benjamina.
Mbo nikely Josefa,
le fa nisy raha sarotsy natrehiny
satria nialona azy zokiny folo rey.
Fe fitsapà nahazo azy iny
ro nanavotsy ty fianakaviany amy mosary
tafara atoy.
Mbo fitsapà natrehiny io koa
ro ahafahantsika
mahazo fitahia zisiky farany.
Asako nareo hanaraky ty famakia Baiboly
amy Genesisy 37:2-11.
Lafa folo fito amby tao Josefa,
le niaraky aondry niaraky
tamy anakilahini-Bilaha
noho ty anakilahini-Zilpa,
valini-babany.
Le nitantarany tamy babany
ty raha raty nataon-drozy.
Teani-Israely mandilatsy
ty anakilahiny hafa iaby Josefa,
satria anakini-fahanterany.
Le nampanao akanjo lava mitsipitsipiky
misy tanany ho ani-Josefa ie.
Lafa hitani-rahalahiny rey
fa teani-babany
mandilatsy an-drozy iaby Josefa,
le nalay azy rozy,
ka tsy nahavita niresaky soa taminy.
Nanonofy Josefa, tafara tatoa,
ka nitantaraniny tamy rahalahiny rey.
Le vomaiky nalay azy rahalahiny rey.
Hoy ty asany tamin-drozy:
Mba janjino tse nofiko toy:
Nao zao samby namehy tahom-bary
tan-tonda eny tsika,
fe niongaky zao ty ahy iny
le nitsanga nahity
le nihodidy azy teo ahinareo rey
le niankohoky tamy ty ahy iny eo.
Le hoy ty asani-rahalahiny rey taminy:
Ta hanjaka aminay vatany moa iha io?
Ta hifehy anay zany iha?
Le vomaiky nahavy an-drozy
halay azy nofiny iny
noho ty safàny.
Mbo nanonofy ndraiky ie
tafarani-zay,
le nitantarany
tamy rahalahiny rey hoe:
Nanonofy ndraiky aho,
fa nao niankohoky tamiko teo
ty masoandro
noho ty vola noho basia 11.
Bakeo nitantaraniny amy Babany
noho rahalahiny rey raha iny.
Le neloky azy babany,
ka nivola hoe:
Ino koa ty dikani-nofinao zao?
Ho avy zany zahay amy reninao
noho rahalahinao reo
le hiankohoky amy tany alohanao eo?
Nialona azy amy zay rahalahiny rey,
fa nitiarovini-babany avao
safàny iny.
Tsy teani-fianakaviani-Josefa
ty dikani-nofiny iny!
Fa Jakoba, ‘nahatiaro ty safàny’,
zany hoe ty nofini-Josefa.
Nieritseretiny avao zany raha iny.
Hainy vasa hoe baka amy Jehovah
ty nofini-anakilahiny iny.
Fa rahalahini-Josefa rey,
hafa ty raha nataon-drozy.
Mba araho moa ty Genesisy 37:18-36.
Mbo lavitsy ie le fa jilon-drozy.
Mbo tsy narìny an-drozy teny aza ie,
le fa nanaovan-drozy tetiky hovonoa.
Le fa nifampiresaky rozy hoe:
Iny!
Miala any mpanonofy iny.
Ndao hovonoantsika ie
le hatorantsika anatini-raiky
amy vovo reo,
le hovolanintsika hoe
nihanini-bibinala masiaky.
Ho hitantsika amy zay
vasa hanao akory nofiny rey.
Lafa nireni-Robena raha zay,
le nila hevitsy hanavota azy
an-tanan-drozy eo ie.
Hoy ty asany:
Aleo tsika tsy hamono azy.
Hoy koa ie:
Ka mandatsaky lio,
fa atoraho anatini-vovo
an-diomonto atoy io ie,
le ka mikasi-tana azy.
Ie moa ta hanavotsy ani-Josefa
an-tanan-drozy eo,
mba hampimpolia azy
amy babany any.
Laha vo niavy
amy rahalahiny rey teo Josefa,
le nalan-drozy ty akanjony,
azy akanjo lava mitsipitsipiky
nanaovany iny.
Bakeo ie nonjonin-drozy
le natoran-drozy tanatini-vovo iny ao.
Tsy nisy rano tanatini-vovo iny
tamy zay.
Bakeo rozy nipetraky hihinan-kany.
Lafa nanenty amy zay rozy,
le nahita Ismaelita maromaro niara-dia
baka a Gileada any.
Nanday ditin-kazo ladanona
noho balsama voho holin-kazo misy ditiny
ty ramevan-drozy,
nandesin-drozy ho a Ejipta any.
Le nivola tamy rahalahiny rey Joda hoe:
Ino moa ty soa ho azontsika,
laha mamono ty rahalahintsika tsika
ka mamony ty liony?
Ndao havilintsika
amy Ismaelita retỳ ie,
fa tsy hamango azy ty tanantsika.
Sady rahalahintsika avao an’io,
nofotsintsika!
Le nijanjin-drozy
safàni-rahalahin-drozy iny.
Nandalo amy zay
Midianita mpamarotsy rey.
Le nampiakarini-rahalahiny rey
baka anatini-vovo ao Josefa,
le navilin-drozy tamy Ismaelita rey
farantsa volafoty roapolo.
Le nandesin-drozy
nana a Ejipta any Josefa.
Lafa nimpoly amy vovo iny ao Robena,
le fa tsy nihitany tao sasy Josefa.
Nidriatiny amy zay ty akanjony.
Le nimpoly tamy rahalahiny rey teo ie
sady nikoràky hoe:
Tsy ao sasy ajà iny!
Aia lahy ty tany hombako?
Nalàn-drozy amy zay
akanjo lavani-Josefa iny.
Le namono aosilahy rozy,
ka nalon-drozy tamy lio iny ao akanjo iny.
Bakeo nampanaterin-drozy
amy baban-drozy any
akanjo lava mitsipitsipiky iny,
le nivolanin-drozy ie hoe:
Toy ty nihitanay.
Mba henteo soa tsy no
akanjo lavani-anakilahinao iny avao.
Nihenteani-babany soa raha iny,
le nikoràky ie hoe:
Akanjo lavani-anako iny toy!
Nitafihini-bibinala masiaky
Josefa zay,
le niromidromitiny!
Le nidriatini-Jakoba
lamba fisikinany iny,
ka nisiky lamba gony ie
sady nisaona ani-anany iny
tanatini-andro maro.
Niezaky nampionona azy iaby anakilahiny
noho anakampelany rey,
fe tsy nety nampaherezy ie.
Hoy ty asany:
Handesiko mijotso an-dolo any
ty alaheloko ani-anako iny!
Le mbo nitany azy avao babany.
Navilini-Midianita rey tamy Potifara,
tandapani-Farao
sady sefoni-mpiaro azy iny amy zay
Josefa lafa ta Ejipta any.
Fiovà bevata ho ani-Josefa io.
Anaky tena teani-babany iny
nanjary andevo!
Tsy nana fitiava tsy miovaova
rahalahini-Josefa rey.
Tsy tamy Josefa avao,
fa tamy baban-drozy koa.
Fa sirtò tamy Jehovah,
azy baban-drozy an-danitsy any iny.
Mety ho azoni-tsy rariny
ndre ty mpanomponi-Jehovah tsy mivaliky aza.
Mety ho baka
amy mpiara-manompo amintsika mihintsy
aza raha zay kindraiky.
Miaritsy fitsapà manahaky ani-zay va iha
henanizao?
Midika koa raha zay hoe
afaky manaporofo
ty fitiavanao ani-Jehovah iha.
Amy fomba akory?
Diniho ty fomba niatrehani-Josefa
ty fitsapà nahazo azy.
Amy Genesisy 39:1-23.
Le nandesy nijotso
ta Ejipta any Josefa.
Nivily ani-Josefa tamy Ismaelita
nanday azy any rey Potifara,
azy tandapani-Farao
sady sefoni-mpiaro azy iny.
Fe nanoha ani-Josefa Jehovah
ka nivano iaby ze raha nataony,
sady nahazo andraikitsy
tan-tranoni-Ejipsianina tompony iny tao ie.
Hitani-tompony iny amy zay
fa nanoha ani-Josefa Jehovah
sady nataoni-Jehovah vano iaby
ze nataony.
Le nahazo hatò tamy tompony iny Josefa
ka nanjary mpikarakara ze raha nilany.
Farany ie nitendreny hiandraikitsy
ty tan-tranony ao,
le nankininy taminy iaby ze nananany.
Liany nanendreani-Ejipsianina iny azy
hiandraikitsy ty an-tranony ao
noho ty hananany iaby,
le nitahini-Jehovah avao
ty tan-tranony ao
satria tao Josefa.
Eka, nitahini-Jehovah iaby
ze raha nananany tan-trano ao
noho tan-tonda any.
Farany le nankininy tamy Josefa iaby
ze raha nananany.
Tsy nieritseritsy ndre ino ndre ino sasy
lahilahy iny,
laha tsy ty hany hohaniny avao.
Le nanjary soa fitsanga Josefa
sady tovolahy.
Tafara tatoy,
le nanomboky nanentinenty ani-Josefa
ty valini-tompony,
ka nivola hoe:
Avia handry amiko.
Fe tsy nahefa ie
fa nivola tamy valini-tompony io hoe:
Fa tsy mieritseritsy sasy
ty raha an-trano atoa ty tompoko,
fa fa nankininy tamiko
ty raha iaby ananany.
Tsy misy bevata mandilatsy ahy
amy trano toy ato,
sady tsy misy ndre ino ndre ino
nandrarany ahy laha tsy iha,
satria valiny iha.
Ka hataoko akory
ty hanao raha raty biby zay,
ka hanota amy Ndranahary?
Ka ndre nivola tamy Josefa
sanandro sanandro aza ampela io,
le tsy naneky handry aminy ie
na hiaraky aminy mitoka.
Fe ndraiky andro,
lafa nilitsy tan-trano ao
hanao ty asany manahaky sanandro Josefa,
sady tsy nisy tao
ty mpanompo tamy zay,
le nanambotsy azy
tamy akanjony ampela iny
sady nivola hoe:
Avia handry amiko!
Fe nengàny
tan-tanani-ampela iny teo ty sikiny,
ka roso ie
nilay niboaky amonto any.
Lafa hitani-ampela iny
fa nengàni-Josefa
tan-tanany eny ty akanjony
ka nilay amonto any ie,
le nikoikoiky marè ie
ka nivola tamy mpanompony hoe:
Ta hanao antsika ho fiheheza
lahilahy hebreo
nandesini-valiko iny.
Namonjy ahy ie
mba handry amiko,
fe nikoikoiky marè aho.
Ka lafa nireny hoe
nikoiky marè aho,
le nengany tanilako eto
ty akanjony,
le nilay niboaky amonto any ie.
Le nitanjahiny tanilany teo avao
akanjo iny,
zisiky niaviani-tomponi-Josefa
tan-trano ao.
Nampoliny ndraiky safàny iny hoe:
Namonjy ahy
mba hanao antsika ho fiheheza
mpanompo hebreo
nandesinao amintsika ato iny.
Fe laha vo nampiakatsy feo
nikoikoiky marè aho,
le nengany tanilako eo
ty akanjony
ka nilay amonto any ie.
Neloky biby tomponi-Josefa iny
laha vo naharè tamy valiny hoe:
“Ho zao iaby
ty raha nataoni-mpanomponao iny tamiko.”
Farany nalani-tompony Josefa
ka nalefany tan-gadra any,
amy pilasy fitanjaha
ty gadrani-mpanjaka ao.
Le nijano tan-gadra ao avao ie.
Fe nanampy ani-Josefa avao
Jehovah,
sady nampiseho
fitiava tsy miovaova taminy avao,
ka nataony ze hahazoany hatò
tamy sefoni-prizon iny.
Le nameani-sefo iny
ho ambany fiandraiketani-Josefa
ty gadra iaby tao.
Ka ze nataon-drozy tao
le raha nampanaovini-Josefa
an-drozy iaby.
Tsy nikarakara ndre ino ndre ino
tamy ze nankininy tamy Josefa
sefoni-prizon iny,
satria Jehovah nanampy ani-Josefa
ka nataoni-Jehovah vano
ze nataony.
Nikarakarani-Jehovah soa Josefa,
ka ze kila raha nataoni-Josefa,
nivano iaby.
Manino ro teani-Jehovah marè Josefa?
Satria tsy nihena
ty fitiavany ani-Jehovah
ndre ino ndre ino ty nahazo azy.
Hitantsika amy tantarani-Josefa
fa tsy hanary antsika Jehovah
laha mbo tea azy avao tsika.
Hatorony antsika
ze tena ilàntsika
mba hahavitantsika miaritsy.
Hitantsika tamy tantara teo iny
fa nirahy hikarakara
ani-gadra roe manoka reto Josefa:
Mpanday kopini-Farao iny,
noho mpamboatsy mofony iny.
Nisy nofy hafahafa ninofisin-drozy
ndraiky haly.
Nampeani-Jehovah Josefa
mba hahay hanazava soa ani-nofy rey,
bakeo nitanteraky nofy rey.
Henteo amy Genesisy 40:14 eo,
fa namantoky ani-mpanday kopy iny
Josefa hoe:
“Tiarovo aho lafa mandeha soa ndraiky
ty fiainanao.
Mba anehò fitiava tsy miovaova aho,
ka resaho amy Farao,
le aboaho amy trano toy ato.”
Fe nihalinoni-mpanday kopy iny
tanteraky Josefa.
Tafara atoy,
ty vatatenani-Farao mihintsy
ro nanonofy raha hafahafa.
Ty raiky misy aomby mahia
mihina aomby vondraky,
le ty raiky misy tahom-bary mahia
mitely tahom-bary bevata.
Tsy nisy nahay nanazava ani-nofy iny
ty mpisoro
noho ty olo hendry ta Ejipta ao.
Farany, niresahini-mpanday kopy iny
tamy Farao
ty fahaizaini-Josefa manazava nofy.
Le nikaihy an-gadra any malaky
Josefa.
Tohizantsika baka amy
Genesisy 41:25 eo ty famakia.
Telopolo tao henanizao Josefa,
le mitsanga
alohani-mpanjaka eo ie.
Le hoy Josefa tamy Farao:
Raiky avao
ty dikani-nofini-Farao reo.
Ty raha hatao-Ndranahary marina iny
ro nambarany tamy Farao.
Aombivavy fito soa rey
noho tahom-bary fito soa rey,
le samby midika ho fito tao.
Raiky avao ty dikani-nofy reo.
Aombivavy fito boroka
sady raty niboaky manaraky rey,
le midika ho fito tao.
Le tahom-bary fito tsy nisy
laha tsy akotriny avao iny,
sady maikini-rivotsy
baka antinana iny,
le midika ho fito tao kerè.
Zay nahavy ahy
nivola tamy Farao teo iny hoe:
Ty raha hatao-Ndranahary marina iny
ro nambarany tamy Farao.
Hisy fito tao mamokatsy
amy tanini-Ejipta iaby.
Fe hisy fito tao kerè
hanaraky azy,
le ho halino ty fahavokara iaby
ta Ejipta teto,
le horipakini-mosary ty tany.
Le tsy ho hay sasy hoe
nisy fahavokara be teto
lafa niavy nanaraky azy kerè iny,
satria harè biby kerè io.
Nampoly indroe tamy Farao
nofy iny,
satria natao-Ndranahary soa fototsy,
sady hotanterahi-Ndranahary malaky.
Nametrapetraky tetiky hialia
amy kerè ho avy iny Josefa.
Nahafaly ani-Farao
ty fanazavani-Josefa
noho ty soso-kevitsy soa nameany,
farany nataony mpanday
ani-Ejipta iaby iaby Josefa,
mba ho manam-pahefà
nanarakaraky azy!
Valo tao tafara atoy,
nanjeky ty kerè tamy faritsy iny.
Nijaly koa ty fianakaviani-Josefa.
Naniraky
ani-anakilahiny rey Jakoba
mba hivily hany a Ejipta any.
Roso nana Ejipta any
anakilahini-Jakoba folo zoky rey.
Fa raiky faralahy iny, Benjamina
ro nipetrapetraky an-tanà eo.
Nifankahita tamy Josefa
rahalahiny folo rey,
le niankohoky aminy eo,
mba ho tanteraky
nofini-Josefa fa ela iny.
Haini-Josefa rahalahiny rey,
fa rozy tsy nahay azy.
Nanao safà ejipsianina
amin-drozy ie,
le nisy nandika teny.
Nataony avao ze tsy hahaiza azy.
Tsy maintsy manapa-kevitsy Josefa
henanizao.
Hampiasa ty fahefàny va ie
mba hampijaly ani-rahalahiny reo?
Tsy hodareany va rozy,
satria tsy maeva hampeany?
Sa hila hiriky hilongoa
amin-drozy ndraiky ie?
Hanahaky ty fitiavani-Jehovah
tsy miovaova va ie?
Ino ty ho nataonao?
Teani-Josefa ho hay hoe
fa niova va ty toe-tsain-drozy
sa mbo misy fanabokà
noho fialona avao.
Farany,
nasarany ho mpisafo tany rozy,
ka hogadrany hoy
Simeona rahalahin-drozy
zisiky impolian-drozy eo
miaraky amy Benjamina.
Ndao hojanjinintsika
ty Genesisy 42:21-24.
Tena voasazy tsika
amy ty raha nataontsika
tamy rahalahintsika iny,
satria nihitantsika ty fijaleany
lafa nisoloho marè tamintsika ie
mba hahaferinay azy,
fe tsy nijanjy tsika.
Zay mahavy fijaleantsika toy io.
Le hoy Robena:
Ka tsy fa nivola taminareo aho hoe:
“Ka manota amin’ajà io,
fe tsy nijanjy nareo?”
Atao ankety amy ty liony tsika
henanikio.
Fe tsy nihain-drozy hoe
azoni-Josefa
ty raha nivolanin-drozy,
satria nampiasa mpandika teny ie
lafa niresaky tamin-drozy.
Farany niala tamin-drozy teo ie,
le nitany.
Bakeo nimpoly teo ie
ka niresaky tamin-drozy,
le nalany Simeona
ka nirohizany talohan-drozy teo.
Naneny Robena
tamy raha nataon-drozy tamy Josefa.
Fe tena nibebaky va
Robena noho rahalahiny rey?
Mba hahaiza ani-zay,
le nirahini-Josefa handeha
a Kanana any rahalahiny rey,
le handay ani-Benjamina
faralahin-drozy iny a Ejipta any.
Ino hoasani-Jakoba
lafa nampandesy a Ejipta any Benjamina?
Amy Genesisy 42:36, 37 ty valiny.
Zaho ro teanareo tsy hanan’anaky!
Fa tsy eo sasy Josefa,
Simeona koa fa tsy eo,
le mbo handesinareo koa
Benjamina!
Zaho raiky avao ro
azon-draha ho zao!
Fe nivola tamy babany Robena hoe:
Azonao vonoa
anako roe lahy reo
laha tsy andesiko
mimpoly aminao atoy ie.
Ankino amiko ie,
fa zaho ro handay azy
mimpoly aminao atoy.
Tsy metimety Jakoba.
Tsy ekeny ho lavitsy azy Benjamina.
Fe fa tsy ampy sasy
ty hany tamin-dry Jakoba ao,
tamy tao faharoe
nampisy mosary iny.
Hengani-Jakoba handeha
miaraky amy rahalahiny rey
a Ejipta any amy zay va zany
Benjamina,
mba hahazoan-drozy sakafo?
Aleo harahintsika
ty Genesisy 43:8-10, 13, noho 14.
Farany Joda nivola
amy babany hoe:
Alefaso miaraky amiko ajà io
soa handeha zahay,
mba ho velo tsika
fa tsy ho maty,
le zahay,
iha noho anantsika maliniky reo.
Zaho ro hiantoky azy
ka azonao sazỳ.
Laha tsy andesiko aminao atoy ie
ka tsy atoroko anao,
le ho fahotako aminao
zisiky farany zay.
Laha tsy nangataky andro tsika,
le fa ho niavy tany zahay
ka fa nimpoly fanindroany.
Andeso rahalahinareo io,
le mandehana mimpoly
amy lahilahy iny any.
Loniky lahy Ndranahary
Farani-ze Mahery iny
hanao ze hahavy ani-lahilahy iny
hiferinay anareo,
mba hanafahany
ani-rahalahinareo raiky iny
noho Benjamina
ka hatorony anareo rozy.
Fa laha tsy maintsy hafoiko anako io
le parè hamoy azy aho!
Nialona ani-Josefa,
azy anaky tena teani-babany iny
Joda taloha,
fa henanizao ie
parè hiaro ani-Benjamina,
azy anaky tsy foini-babany iny.
Farany nengani-Jakoba
himpoly an’Ejipta any anakilahiny rey,
sady nampandesiny kadò
ho ani-Josefa.
Ndao hotohizantsika
ty famakia ty Genesisy 43:26-30.
Lafa niavy tan-trano ao Josefa,
le nandesin-drozy taminy eo
ty kadò tan-tanan-drozy teny,
sady niankohoky amy tany
talohany eo rozy.
Salama soa va babanareo,
azy nivolaninareo hoe fa antitsy iny?
Mbo velo va ie?
Namaly rozy hoe:
Salama soa babanay
mpanomponao.
Mbo velo any ie.
Bakeo rozy niondriky
le niankohoky talohany eo.
Lafa nanenty Josefa
ka nahita ani-Benjamina rahalahiny,
azy anakini-reniny iny,
le nivola hoe:
Io va zainareo farany
nivolaninareo tamiko iny?
Hoy ndraiky ie:
Ho soa fanahy aminao lahy anaky,
Ndranahary!
Niala malaky Josefa,
satria nihetsi-po marè ie
lafa nahita ani-rahalahiny iny.
Nila pilasy hitania amy zay ie,
ka nandeha
amy efitsy raiky anatiny zay mba hitoka,
le nitany tao ie.
Teani-Josefa ho hay
ty am-poni-rahalahiny reo ao,
ka nanao raha ie
mba hitsapà an-drozy.
Ino ty nataony?
Nivolanini-Josefa ty mpanompony
mba hameno hany
ty gonini-rahalahiny reo.
Nivolaniny koa ie
mba hametraky ty kopiny volafoty
anatini-gonini-Benjamina ao.
Nandeha rozy tafarani-zay.
Ie rozy fa lavidavitsy kelikely,
nampanarahini-Josefa an-drozy
mpanompony iny.
Lafa nahatratsy an-drozy
mpanompo iny,
le nanontany hoe:
‘Nanino nangalarinareo
kopini-tompoko iny?’
Nandà marè rahalahini-Josefa rey hoe
tsy nanao ani-zao,
le hoy rozy:
‘Laha ahitanao ani-zay
ty raiky aminay,
le vonò ho maty ie.’
Nisavani-mpanompo iny iaby
ty gonin-drozy,
farany nihitan-drozy
tamy gonini-Benjamina ao kopy iny.
Nalahelo rahalahiny rey
ka nanataky ty akanjon-drozy.
Tseriky rozy sady natahotsy,
ka nimpoly niaraky amy Benjamina
tan-tranoni-Josefa any.
Niankohoky amy tany
talohani-Josefa eo Joda nanao hoe:
“Fa hita-Ndranahary
ty hadisoani-mpanomponao.
Retoa lahy zahay
ho mpanomponi-tompoko.”
Mbo nanohy nitsapa an-drozy avao
Josefa ka namaly hoe:
‘Mandehana moly nareo,
fa Benjamina avao ro mijano eto
mba ho mpanompoko.’
Nisoloho amy zay Joda hoe:
‘Laha tsy andesiko mimpoly any
Benjamina,
le azo antoky fa ho maty babako
le ho fahotako aminy
zisiky farany raha zay.’
Tsy teani-Joda hijaly babany
satria ho trobo ndraiky
ty anany raiky tsy foiny,
farany ie nanolo-tena
ho mpanompo hisolo ani-Benjamina.
Ndao tsika hijanjy
ty fihetseham-poni-Josefa
amy Genesisy 45:1-15:
Tsy nahatanjaky ty ainy sasy Josefa,
tanatrehan’olo iaby teo rey.
Le hoy ty asany:
Aboaho any iaby olo reo!
Fa tsy nisy olo sasy teo
lafa nanambara ty vatany
tamy rahalahiny reo Josefa.
Le nirohaky ty tany ie
ka reni-Ejipsianina rey
sady rè tan-tranoni-Farao ao koa.
Farany nivola tamy rahalahiny rey
Josefa hoe:
Zaho Josefa toy.
Mbo velo avao va Baba?
Fe tsy nahafivola mihintsy
rahalahiny rey,
satria natahotsy azy rozy.
Le hoy Josefa tamy rahalahiny rey:
Avia bakao moa.
Bakeo namonjy azy rozy.
Le hoy ty asany:
Zaho,
Josefa rahalahinareo iny,
azy navilinareo ho a Ejipta atoy iny.
Fe ka malahelo sady ka meloky
amy ty vatanareo
laha namarotsy ahy nareo,
fa hamonjy ay
ro nandefasa-Ndanahary ahy
ho alohanareo.
Roe tao amy toy zay
ty nampisy mosary amy tany toy eto,
le mbo hisy limy tao
tsy hiasà tany na hijinjà.
Zay ty antony
nandefasa-Ndranahary ahy
ho alohanareo,
mba tsy ho lany taranaky
ambony tany etoy nareo,
sady mba ho voaaro ty ainareo
ka hahazo fanavota bevata.
Dikani-zay,
tsy nareo ro nandefa ahy atoy,
fa Ndranahary,
mba hanendreany ahy
ho babani-Farao
noho hanam-pahefà
amy ty raha iaby an-tranony ao
noho hifehy ani-Ejipta toy iaby.
Mimpolia malaky amy Baba any,
le volano ie hoe:
“Zao hoasani-Josefa anakilahinao:
‘Ndranahary fa nanendry ahy
hanam-pahefà amy Ejipta iaby.
Miavia amiko atoy,
fa ka mangataky andro.
Le hipetraky a Gosena ao iha,
ka ho anilako eo avao iha
miaraky amy anakinao
noho zafinao reo
noho ty aondrinao
voho ty aombinao
le ze raha iaby ahinao.
Hameako sakafo iha,
satria mbo haharitsy limy tao
ty mosary.
Tsy hahantra iha amy zay
noho ty an-tranonao ao
voho ze raha iaby ahinao.’”
Samby nahita maso nareo
amy Benjamina rahalahiko henanizao
fa ty vavako mihintsy
ro mivola aminareo.
Ka ndany,
volano amy Baba
ty voninahitsiko iaby a Ejipta atoy
noho ze raha iaby hitanareo.
Le mandehana malaky
ka andeso mijotso atoy Baba.
Bakeo ie niambotraky amy
vozoni-Benjamina rahalahiny teo,
ka nitany,
le nitany tamy vozony eo koa
Benjamina.
Bakeo ie nanoroky
ty rahalahiny iaby
le nitany tamy vozon-drozy teo.
Nandeha nana a Ejipta any amy zay
Jakoba
miaraky amy fianakaviany 70.
Nameani-Farao an-drozy
ty tany Gosena
mba hiperahan-drozy.
Nipetraky ta Ejipta ao tanatini-215 tao
ty taranakini-Jakoba,
zisiky tamy andro
nandehanani-telo tapitrisa
na mandilatsini-zay amin-drozy
hiampita ty Riaky Mena
noho hangalaky ty Tany Nampitamany.
Nampiasa ani-Josefa Jehovah
mba hiarova ty fianakavia hiaviani-Mesia.
Ino ty ianarantsika
baka amy tantarani-Josefa iny?
Ndre ino ndre ino
ty raha natrehini-Josefa,
le nampiseho fitiava tsy miovaova
amy Jehovah avao ie.
Niaritsy raha manahira sankarazany ie
tanatini-tao maro,
fe tsy nimeloky mihintsy.
Mety tsy ho azontsika ovà koa
ty raha sarotsy andalovantsika.
Fe azontsika ovà
ty fomba hiatreha azy.
Tsy ho meloky
amy Jehovah mihintsy tsika.
Teantsika Jehovah,
sady tapa-kevitsy hanaporofo
ty fitiavantsika azy tsika,
ka hanalavitsy
ty fandaisam-bata mampeloky azy.
Tafara tatoy,
lafa niova ty fiainani-Josefa,
le nampiseho fitiava
amy ty fianakaviany ie,
ndre nanao ty tsy rariny taminy
rahalahiny reo.
Fitiavani-Josefa tsy miovaova io
ro nanampy azy
hanatanteraky faminania!
Tamy androni-Abrahama,
babani-dadabeni-Josefa,
le nivola Jehovah
fa havota ty vahoakiny
afaky 430 tao tsy diso.
Laha tsy nana fitiava tsy miovaova
amy fianakaviany Josefa,
ho nanao akory
ty hahatanteraky faminania io?
Mazava ho azy fa henteani-Jehovah
ty fitiavantsika ty rahalahintsika.
Ka laha mampalahelo anao
ty raha ataoni-rahalahy
na anabavinao ara-panahy,
le ka maneky
hampiparitaky resaky mikasiky azy
mba hampalahelo azy koa.
Anovo ze hampilongo soa anareo
ndraiky.
Sady Jehovah anè
tea ani-rahalahintsika iny,
ka maeva ho teantsika koa
rahalahintsika iny.
Jehovah ro tena modely soa
amy fitiava tsy miovaova
amy tantara io.
Nariani-longony Josefa,
nasarani-valini-tompony raha raty,
le bakeo najobo am-pigadrà,
fe “nampiseho fitiava tsy miovaova
[tamy Josefa] avao” Jehovah.
Nanino?
Tsy nivaliky amy Josefa ie,
satria tsy nivaliky aminy Josefa.
Hita tamy fitiavani-Jehovah ani-Josefa
fa tsy hivaliky
amy firenenan’Israely koa ie.
Lafa niaro
ty fianakaviani-Josefa Jehovah,
le niaro ty taranaky hiaviani-Mesia,
sady nanao raha mba ho tanteraky
amy fotoa mety ty fampitamana hoe
havotany ty Israelita.
Tsy hitanareo hoe
tena mampahery zay?
Mety hahafoy anao
ty olombelo tsy lavorary,
mety hisy hikizaky
na handratiraty iha,
na hanaovany tsy rariny.
Fe laha tsy mivaliky
amy Jehovah iha,
le tsy hanary anao mihintsy ie.
Tsy nanalino ani-Josefa ie,
sady tsy hisy ho halinony
ty mpanompony tsy mivaliky henanizao.
Mijanòna marìny ani-Jehovah,
le hampiseho fitiava tsy miovaova
aminao avao ie.
.

Mampiseho Fitiava Tsy Miovaova Avao Jehovah
- 

Mampiseho Fitiava Tsy Miovaova Avao Jehovah

Amy tontolo misy antsika toy,
le samby mandalo raha sarotsy
 tsika iaby.
Fa nisy fotoa va iha nisalasala hoe 
hanampy anao Jehovah?
Nombia raha zay?
Afaky matoky tsika hoe
 hanoha antsika Jehovah
lafa misy raha sarotsy.
Ino ty antony?
Satria ty toetsy
 tena mampiavaky ani-Jehovah,
toetsy tena mampahery, ty fitiava.
Hianatsy mikasiky ani-toetsy io
noho ty fomba
 hampisehoantsika azy tsika
lafa mandiniky ty tantarani-Josefa
 amy Baiboly ao.
Nateraky ta Mezopotamia any Josefa,
fa ho 3 700 tao lasa.
Jakoba ty anarani-babany, 
kaihy koa hoe Israely.
Mana rahalahy folo 
tsy niharo reny aminy Josefa,
le rahalahy raiky
 niharo baba noho reny, Benjamina.
Mbo nikely Josefa, 
le fa nisy raha sarotsy natrehiny
satria nialona azy zokiny folo rey.
Fe fitsapà nahazo azy iny 
ro nanavotsy ty fianakaviany amy mosary
tafara atoy.
Mbo fitsapà natrehiny io koa
ro ahafahantsika
 mahazo fitahia zisiky farany.
Asako nareo hanaraky ty famakia Baiboly 
amy Genesisy 37:2-11.
Lafa folo fito amby tao Josefa,
le niaraky aondry niaraky 
tamy anakilahini-Bilaha
noho ty anakilahini-Zilpa,
 valini-babany.
Le nitantarany tamy babany 
ty raha raty nataon-drozy.
Teani-Israely mandilatsy
 ty anakilahiny hafa iaby Josefa,
satria anakini-fahanterany.
Le nampanao akanjo lava mitsipitsipiky
misy tanany ho ani-Josefa ie.
Lafa hitani-rahalahiny rey
fa teani-babany 
mandilatsy an-drozy iaby Josefa,
le nalay azy rozy,
 ka tsy nahavita niresaky soa taminy.
Nanonofy Josefa, tafara tatoa,
ka nitantaraniny tamy rahalahiny rey.
Le vomaiky nalay azy rahalahiny rey.
Hoy ty asany tamin-drozy:
Mba janjino tse nofiko toy:
Nao zao samby namehy tahom-bary
 tan-tonda eny tsika,
fe niongaky zao ty ahy iny 
le nitsanga nahity
le nihodidy azy teo ahinareo rey
le niankohoky tamy ty ahy iny eo.
Le hoy ty asani-rahalahiny rey taminy:
Ta hanjaka aminay vatany moa iha io?
Ta hifehy anay zany iha?
Le vomaiky nahavy an-drozy
 halay azy nofiny iny
noho ty safàny.
Mbo nanonofy ndraiky ie
 tafarani-zay,
le nitantarany 
tamy rahalahiny rey hoe:
Nanonofy ndraiky aho,
fa nao niankohoky tamiko teo
 ty masoandro
noho ty vola noho basia 11.
Bakeo nitantaraniny amy Babany 
noho rahalahiny rey raha iny.
Le neloky azy babany,
 ka nivola hoe:
Ino koa ty dikani-nofinao zao?
Ho avy zany zahay amy reninao
noho rahalahinao reo
le hiankohoky amy tany alohanao eo?
Nialona azy amy zay rahalahiny rey,
fa nitiarovini-babany avao 
safàny iny.
Tsy teani-fianakaviani-Josefa
 ty dikani-nofiny iny!
Fa Jakoba, ‘nahatiaro ty safàny’,
zany hoe ty nofini-Josefa.
Nieritseretiny avao zany raha iny.
Hainy vasa hoe baka amy Jehovah
 ty nofini-anakilahiny iny.
Fa rahalahini-Josefa rey, 
hafa ty raha nataon-drozy.
Mba araho moa ty Genesisy 37:18-36.
Mbo lavitsy ie le fa jilon-drozy.
Mbo tsy narìny an-drozy teny aza ie,
le fa nanaovan-drozy tetiky hovonoa.
Le fa nifampiresaky rozy hoe:
Iny!
Miala any mpanonofy iny.
Ndao hovonoantsika ie
le hatorantsika anatini-raiky 
amy vovo reo,
le hovolanintsika hoe
 nihanini-bibinala masiaky.
Ho hitantsika amy zay
 vasa hanao akory nofiny rey.
Lafa nireni-Robena raha zay,
le nila hevitsy hanavota azy 
an-tanan-drozy eo ie.
Hoy ty asany:
Aleo tsika tsy hamono azy.
Hoy koa ie:
Ka mandatsaky lio,
fa atoraho anatini-vovo
 an-diomonto atoy io ie,
le ka mikasi-tana azy.
Ie moa ta hanavotsy ani-Josefa
 an-tanan-drozy eo,
mba hampimpolia azy
 amy babany any.
Laha vo niavy 
amy rahalahiny rey teo Josefa,
le nalan-drozy ty akanjony,
azy akanjo lava mitsipitsipiky
 nanaovany iny.
Bakeo ie nonjonin-drozy
le natoran-drozy tanatini-vovo iny ao.
Tsy nisy rano tanatini-vovo iny
 tamy zay.
Bakeo rozy nipetraky hihinan-kany.
Lafa nanenty amy zay rozy,
le nahita Ismaelita maromaro niara-dia
 baka a Gileada any.
Nanday ditin-kazo ladanona
noho balsama voho holin-kazo misy ditiny 
ty ramevan-drozy,
nandesin-drozy ho a Ejipta any.
Le nivola tamy rahalahiny rey Joda hoe:
Ino moa ty soa ho azontsika,
laha mamono ty rahalahintsika tsika
ka mamony ty liony?
Ndao havilintsika 
amy Ismaelita retỳ ie,
fa tsy hamango azy ty tanantsika.
Sady rahalahintsika avao an’io,
 nofotsintsika!
Le nijanjin-drozy 
safàni-rahalahin-drozy iny.
Nandalo amy zay
 Midianita mpamarotsy rey.
Le nampiakarini-rahalahiny rey
 baka anatini-vovo ao Josefa,
le navilin-drozy tamy Ismaelita rey 
farantsa volafoty roapolo.
Le nandesin-drozy
 nana a Ejipta any Josefa.
Lafa nimpoly amy vovo iny ao Robena,
le fa tsy nihitany tao sasy Josefa.
Nidriatiny amy zay ty akanjony.
Le nimpoly tamy rahalahiny rey teo ie
sady nikoràky hoe:
Tsy ao sasy ajà iny!
Aia lahy ty tany hombako?
Nalàn-drozy amy zay 
akanjo lavani-Josefa iny.
Le namono aosilahy rozy,
ka nalon-drozy tamy lio iny ao akanjo iny.
Bakeo nampanaterin-drozy
 amy baban-drozy any
akanjo lava mitsipitsipiky iny,
le nivolanin-drozy ie hoe:
Toy ty nihitanay.
Mba henteo soa tsy no 
akanjo lavani-anakilahinao iny avao.
Nihenteani-babany soa raha iny,
 le nikoràky ie hoe:
Akanjo lavani-anako iny toy!
Nitafihini-bibinala masiaky
 Josefa zay,
le niromidromitiny!
Le nidriatini-Jakoba
 lamba fisikinany iny,
ka nisiky lamba gony ie
sady nisaona ani-anany iny
 tanatini-andro maro.
Niezaky nampionona azy iaby anakilahiny
 noho anakampelany rey,
fe tsy nety nampaherezy ie.
Hoy ty asany:
Handesiko mijotso an-dolo any
 ty alaheloko ani-anako iny!
Le mbo nitany azy avao babany.
Navilini-Midianita rey tamy Potifara,
 tandapani-Farao
sady sefoni-mpiaro azy iny amy zay 
Josefa lafa ta Ejipta any.
Fiovà bevata ho ani-Josefa io.
Anaky tena teani-babany iny
 nanjary andevo!
Tsy nana fitiava tsy miovaova 
rahalahini-Josefa rey.
Tsy tamy Josefa avao, 
fa tamy baban-drozy koa.
Fa sirtò tamy Jehovah, 
azy baban-drozy an-danitsy any iny.
Mety ho azoni-tsy rariny 
ndre ty mpanomponi-Jehovah tsy mivaliky aza.
Mety ho baka
 amy mpiara-manompo amintsika mihintsy
aza raha zay kindraiky.
Miaritsy fitsapà manahaky ani-zay va iha 
henanizao?
Midika koa raha zay hoe
afaky manaporofo
 ty fitiavanao ani-Jehovah iha.
Amy fomba akory?
Diniho ty fomba niatrehani-Josefa
 ty fitsapà nahazo azy.
Amy Genesisy 39:1-23.
Le nandesy nijotso
 ta Ejipta any Josefa.
Nivily ani-Josefa tamy Ismaelita
 nanday azy any rey Potifara,
azy tandapani-Farao
 sady sefoni-mpiaro azy iny.
Fe nanoha ani-Josefa Jehovah
 ka nivano iaby ze raha nataony,
sady nahazo andraikitsy 
tan-tranoni-Ejipsianina tompony iny tao ie.
Hitani-tompony iny amy zay
 fa nanoha ani-Josefa Jehovah
sady nataoni-Jehovah vano iaby
 ze nataony.
Le nahazo hatò tamy tompony iny Josefa
ka nanjary mpikarakara ze raha nilany.
Farany ie nitendreny hiandraikitsy
 ty tan-tranony ao,
le nankininy taminy iaby ze nananany.
Liany nanendreani-Ejipsianina iny azy 
hiandraikitsy ty an-tranony ao
noho ty hananany iaby,
le nitahini-Jehovah avao
 ty tan-tranony ao
satria tao Josefa.
Eka, nitahini-Jehovah iaby
 ze raha nananany tan-trano ao
noho tan-tonda any.
Farany le nankininy tamy Josefa iaby
 ze raha nananany.
Tsy nieritseritsy ndre ino ndre ino sasy
 lahilahy iny,
laha tsy ty hany hohaniny avao.
Le nanjary soa fitsanga Josefa 
sady tovolahy.
Tafara tatoy,
le nanomboky nanentinenty ani-Josefa
 ty valini-tompony,
ka nivola hoe:
Avia handry amiko.
Fe tsy nahefa ie
 fa nivola tamy valini-tompony io hoe:
Fa tsy mieritseritsy sasy
 ty raha an-trano atoa ty tompoko,
fa fa nankininy tamiko 
ty raha iaby ananany.
Tsy misy bevata mandilatsy ahy
 amy trano toy ato,
sady tsy misy ndre ino ndre ino 
nandrarany ahy laha tsy iha,
satria valiny iha.
Ka hataoko akory
 ty hanao raha raty biby zay,
ka hanota amy Ndranahary?
Ka ndre nivola tamy Josefa 
sanandro sanandro aza ampela io,
le tsy naneky handry aminy ie
 na hiaraky aminy mitoka.
Fe ndraiky andro,
lafa nilitsy tan-trano ao 
hanao ty asany manahaky sanandro Josefa,
sady tsy nisy tao
 ty mpanompo tamy zay,
le nanambotsy azy 
tamy akanjony ampela iny
sady nivola hoe:
Avia handry amiko!
Fe nengàny
 tan-tanani-ampela iny teo ty sikiny,
ka roso ie
 nilay niboaky amonto any.
Lafa hitani-ampela iny
fa nengàni-Josefa
 tan-tanany eny ty akanjony
ka nilay amonto any ie,
le nikoikoiky marè ie
 ka nivola tamy mpanompony hoe:
Ta hanao antsika ho fiheheza
 lahilahy hebreo
nandesini-valiko iny.
Namonjy ahy ie 
mba handry amiko,
fe nikoikoiky marè aho.
Ka lafa nireny hoe 
nikoiky marè aho,
le nengany tanilako eto 
ty akanjony,
le nilay niboaky amonto any ie.
Le nitanjahiny tanilany teo avao 
akanjo iny,
zisiky niaviani-tomponi-Josefa
 tan-trano ao.
Nampoliny ndraiky safàny iny hoe:
Namonjy ahy 
mba hanao antsika ho fiheheza
mpanompo hebreo 
nandesinao amintsika ato iny.
Fe laha vo nampiakatsy feo 
nikoikoiky marè aho,
le nengany tanilako eo
 ty akanjony
ka nilay amonto any ie.
Neloky biby tomponi-Josefa iny 
laha vo naharè tamy valiny hoe:
“Ho zao iaby 
ty raha nataoni-mpanomponao iny tamiko.”
Farany nalani-tompony Josefa 
ka nalefany tan-gadra any,
amy pilasy fitanjaha 
ty gadrani-mpanjaka ao.
Le nijano tan-gadra ao avao ie.
Fe nanampy ani-Josefa avao
 Jehovah,
sady nampiseho 
fitiava tsy miovaova taminy avao,
ka nataony ze hahazoany hatò 
tamy sefoni-prizon iny.
Le nameani-sefo iny
 ho ambany fiandraiketani-Josefa
ty gadra iaby tao.
Ka ze nataon-drozy tao
le raha nampanaovini-Josefa 
an-drozy iaby.
Tsy nikarakara ndre ino ndre ino
tamy ze nankininy tamy Josefa
 sefoni-prizon iny,
satria Jehovah nanampy ani-Josefa
ka nataoni-Jehovah vano
 ze nataony.
Nikarakarani-Jehovah soa Josefa,
ka ze kila raha nataoni-Josefa,
nivano iaby.
Manino ro teani-Jehovah marè Josefa?
Satria tsy nihena
 ty fitiavany ani-Jehovah
ndre ino ndre ino ty nahazo azy.
Hitantsika amy tantarani-Josefa
fa tsy hanary antsika Jehovah
laha mbo tea azy avao tsika.
Hatorony antsika
 ze tena ilàntsika
mba hahavitantsika miaritsy.
Hitantsika tamy tantara teo iny
fa nirahy hikarakara 
ani-gadra roe manoka reto Josefa:
Mpanday kopini-Farao iny,
noho mpamboatsy mofony iny.
Nisy nofy hafahafa ninofisin-drozy
 ndraiky haly.
Nampeani-Jehovah Josefa 
mba hahay hanazava soa ani-nofy rey,
bakeo nitanteraky nofy rey.
Henteo amy Genesisy 40:14 eo,
fa namantoky ani-mpanday kopy iny 
Josefa hoe:
“Tiarovo aho lafa mandeha soa ndraiky 
ty fiainanao.
Mba anehò fitiava tsy miovaova aho,
 ka resaho amy Farao,
le aboaho amy trano toy ato.”
Fe nihalinoni-mpanday kopy iny 
tanteraky Josefa.
Tafara atoy,
ty vatatenani-Farao mihintsy
 ro nanonofy raha hafahafa.
Ty raiky misy aomby mahia
 mihina aomby vondraky,
le ty raiky misy tahom-bary mahia 
mitely tahom-bary bevata.
Tsy nisy nahay nanazava ani-nofy iny
ty mpisoro
 noho ty olo hendry ta Ejipta ao.
Farany, niresahini-mpanday kopy iny
 tamy Farao
ty fahaizaini-Josefa manazava nofy.
Le nikaihy an-gadra any malaky
 Josefa.
Tohizantsika baka amy
 Genesisy 41:25 eo ty famakia.
Telopolo tao henanizao Josefa,
le mitsanga
 alohani-mpanjaka eo ie.
Le hoy Josefa tamy Farao:
Raiky avao
 ty dikani-nofini-Farao reo.
Ty raha hatao-Ndranahary marina iny
ro nambarany tamy Farao.
Aombivavy fito soa rey
 noho tahom-bary fito soa rey,
le samby midika ho fito tao.
Raiky avao ty dikani-nofy reo.
Aombivavy fito boroka
 sady raty niboaky manaraky rey,
le midika ho fito tao.
Le tahom-bary fito tsy nisy
 laha tsy akotriny avao iny,
sady maikini-rivotsy 
baka antinana iny,
le midika ho fito tao kerè.
Zay nahavy ahy
 nivola tamy Farao teo iny hoe:
Ty raha hatao-Ndranahary marina iny
ro nambarany tamy Farao.
Hisy fito tao mamokatsy
 amy tanini-Ejipta iaby.
Fe hisy fito tao kerè
 hanaraky azy,
le ho halino ty fahavokara iaby
 ta Ejipta teto,
le horipakini-mosary ty tany.
Le tsy ho hay sasy hoe
nisy fahavokara be teto 
lafa niavy nanaraky azy kerè iny,
satria harè biby kerè io.
Nampoly indroe tamy Farao
 nofy iny,
satria natao-Ndranahary soa fototsy,
sady hotanterahi-Ndranahary malaky.
Nametrapetraky tetiky hialia 
amy kerè ho avy iny Josefa.
Nahafaly ani-Farao
 ty fanazavani-Josefa
noho ty soso-kevitsy soa nameany,
farany nataony mpanday
 ani-Ejipta iaby iaby Josefa,
mba ho manam-pahefà 
nanarakaraky azy!
Valo tao tafara atoy, 
nanjeky ty kerè tamy faritsy iny.
Nijaly koa ty fianakaviani-Josefa.
Naniraky 
ani-anakilahiny rey Jakoba
mba hivily hany a Ejipta any.
Roso nana Ejipta any
 anakilahini-Jakoba folo zoky rey.
Fa raiky faralahy iny, Benjamina
ro nipetrapetraky an-tanà eo.
Nifankahita tamy Josefa 
rahalahiny folo rey,
le niankohoky aminy eo,
mba ho tanteraky 
nofini-Josefa fa ela iny.
Haini-Josefa rahalahiny rey,
 fa rozy tsy nahay azy.
Nanao safà ejipsianina 
amin-drozy ie,
le nisy nandika teny.
Nataony avao ze tsy hahaiza azy.
Tsy maintsy manapa-kevitsy Josefa
 henanizao.
Hampiasa ty fahefàny va ie
 mba hampijaly ani-rahalahiny reo?
Tsy hodareany va rozy, 
satria tsy maeva hampeany?
Sa hila hiriky hilongoa
 amin-drozy ndraiky ie?
Hanahaky ty fitiavani-Jehovah 
tsy miovaova va ie?
Ino ty ho nataonao?
Teani-Josefa ho hay hoe 
fa niova va ty toe-tsain-drozy
sa mbo misy fanabokà
 noho fialona avao.
Farany,
 nasarany ho mpisafo tany rozy,
ka hogadrany hoy
 Simeona rahalahin-drozy
zisiky impolian-drozy eo
 miaraky amy Benjamina.
Ndao hojanjinintsika
 ty Genesisy 42:21-24.
Tena voasazy tsika
 amy ty raha nataontsika
tamy rahalahintsika iny,
satria nihitantsika ty fijaleany
lafa nisoloho marè tamintsika ie
 mba hahaferinay azy,
fe tsy nijanjy tsika.
Zay mahavy fijaleantsika toy io.
Le hoy Robena:
Ka tsy fa nivola taminareo aho hoe:
“Ka manota amin’ajà io, 
fe tsy nijanjy nareo?”
Atao ankety amy ty liony tsika
 henanikio.
Fe tsy nihain-drozy hoe 
azoni-Josefa
ty raha nivolanin-drozy,
satria nampiasa mpandika teny ie
lafa niresaky tamin-drozy.
Farany niala tamin-drozy teo ie,
 le nitany.
Bakeo nimpoly teo ie
 ka niresaky tamin-drozy,
le nalany Simeona 
ka nirohizany talohan-drozy teo.
Naneny Robena 
tamy raha nataon-drozy tamy Josefa.
Fe tena nibebaky va 
Robena noho rahalahiny rey?
Mba hahaiza ani-zay,
le nirahini-Josefa handeha 
a Kanana any rahalahiny rey,
le handay ani-Benjamina
 faralahin-drozy iny a Ejipta any.
Ino hoasani-Jakoba
 lafa nampandesy a Ejipta any Benjamina?
Amy Genesisy 42:36, 37 ty valiny.
Zaho ro teanareo tsy hanan’anaky!
Fa tsy eo sasy Josefa,
Simeona koa fa tsy eo,
le mbo handesinareo koa
 Benjamina!
Zaho raiky avao ro 
azon-draha ho zao!
Fe nivola tamy babany Robena hoe:
Azonao vonoa 
anako roe lahy reo
laha tsy andesiko
 mimpoly aminao atoy ie.
Ankino amiko ie,
fa zaho ro handay azy 
mimpoly aminao atoy.
Tsy metimety Jakoba.
Tsy ekeny ho lavitsy azy Benjamina.
Fe fa tsy ampy sasy
 ty hany tamin-dry Jakoba ao,
tamy tao faharoe 
nampisy mosary iny.
Hengani-Jakoba handeha
 miaraky amy rahalahiny rey
a Ejipta any amy zay va zany
 Benjamina,
mba hahazoan-drozy sakafo?
Aleo harahintsika
 ty Genesisy 43:8-10, 13, noho 14.
Farany Joda nivola 
amy babany hoe:
Alefaso miaraky amiko ajà io
 soa handeha zahay,
mba ho velo tsika
 fa tsy ho maty,
le zahay,
 iha noho anantsika maliniky reo.
Zaho ro hiantoky azy 
ka azonao sazỳ.
Laha tsy andesiko aminao atoy ie
 ka tsy atoroko anao,
le ho fahotako aminao 
zisiky farany zay.
Laha tsy nangataky andro tsika,
le fa ho niavy tany zahay
 ka fa nimpoly fanindroany.
Andeso rahalahinareo io,
le mandehana mimpoly
 amy lahilahy iny any.
Loniky lahy Ndranahary
 Farani-ze Mahery iny
hanao ze hahavy ani-lahilahy iny
 hiferinay anareo,
mba hanafahany
 ani-rahalahinareo raiky iny
noho Benjamina
 ka hatorony anareo rozy.
Fa laha tsy maintsy hafoiko anako io
le parè hamoy azy aho!
Nialona ani-Josefa,
azy anaky tena teani-babany iny 
Joda taloha,
fa henanizao ie
 parè hiaro ani-Benjamina,
azy anaky tsy foini-babany iny.
Farany nengani-Jakoba
 himpoly an’Ejipta any anakilahiny rey,
sady nampandesiny kadò 
ho ani-Josefa.
Ndao hotohizantsika
 ty famakia ty Genesisy 43:26-30.
Lafa niavy tan-trano ao Josefa,
le nandesin-drozy taminy eo
 ty kadò tan-tanan-drozy teny,
sady niankohoky amy tany 
talohany eo rozy.
Salama soa va babanareo,
azy nivolaninareo hoe fa antitsy iny?
Mbo velo va ie?
Namaly rozy hoe:
Salama soa babanay
 mpanomponao.
Mbo velo any ie.
Bakeo rozy niondriky 
le niankohoky talohany eo.
Lafa nanenty Josefa
ka nahita ani-Benjamina rahalahiny,
azy anakini-reniny iny,
 le nivola hoe:
Io va zainareo farany
nivolaninareo tamiko iny?
Hoy ndraiky ie:
Ho soa fanahy aminao lahy anaky,
 Ndranahary!
Niala malaky Josefa,
satria nihetsi-po marè ie 
lafa nahita ani-rahalahiny iny.
Nila pilasy hitania amy zay ie,
ka nandeha 
amy efitsy raiky anatiny zay mba hitoka,
le nitany tao ie.
Teani-Josefa ho hay
 ty am-poni-rahalahiny reo ao,
ka nanao raha ie
 mba hitsapà an-drozy.
Ino ty nataony?
Nivolanini-Josefa ty mpanompony
mba hameno hany
 ty gonini-rahalahiny reo.
Nivolaniny koa ie
 mba hametraky ty kopiny volafoty
anatini-gonini-Benjamina ao.
Nandeha rozy tafarani-zay.
Ie rozy fa lavidavitsy kelikely,
nampanarahini-Josefa an-drozy 
mpanompony iny.
Lafa nahatratsy an-drozy
 mpanompo iny,
le nanontany hoe:
‘Nanino nangalarinareo 
kopini-tompoko iny?’
Nandà marè rahalahini-Josefa rey hoe 
tsy nanao ani-zao,
le hoy rozy:
‘Laha ahitanao ani-zay
 ty raiky aminay,
le vonò ho maty ie.’
Nisavani-mpanompo iny iaby
 ty gonin-drozy,
farany nihitan-drozy
 tamy gonini-Benjamina ao kopy iny.
Nalahelo rahalahiny rey
 ka nanataky ty akanjon-drozy.
Tseriky rozy sady natahotsy,
ka nimpoly niaraky amy Benjamina
 tan-tranoni-Josefa any.
Niankohoky amy tany 
talohani-Josefa eo Joda nanao hoe:
“Fa hita-Ndranahary
 ty hadisoani-mpanomponao.
Retoa lahy zahay
 ho mpanomponi-tompoko.”
Mbo nanohy nitsapa an-drozy avao
 Josefa ka namaly hoe:
‘Mandehana moly nareo,
fa Benjamina avao ro mijano eto
mba ho mpanompoko.’
Nisoloho amy zay Joda hoe:
‘Laha tsy andesiko mimpoly any
 Benjamina,
le azo antoky fa ho maty babako
le ho fahotako aminy 
zisiky farany raha zay.’
Tsy teani-Joda hijaly babany
satria ho trobo ndraiky 
ty anany raiky tsy foiny,
farany ie nanolo-tena 
ho mpanompo hisolo ani-Benjamina.
Ndao tsika hijanjy 
ty fihetseham-poni-Josefa
amy Genesisy 45:1-15:
Tsy nahatanjaky ty ainy sasy Josefa, 
tanatrehan’olo iaby teo rey.
Le hoy ty asany:
Aboaho any iaby olo reo!
Fa tsy nisy olo sasy teo
 lafa nanambara ty vatany
tamy rahalahiny reo Josefa.
Le nirohaky ty tany ie 
ka reni-Ejipsianina rey
sady rè tan-tranoni-Farao ao koa.
Farany nivola tamy rahalahiny rey
 Josefa hoe:
Zaho Josefa toy.
Mbo velo avao va Baba?
Fe tsy nahafivola mihintsy
 rahalahiny rey,
satria natahotsy azy rozy.
Le hoy Josefa tamy rahalahiny rey:
Avia bakao moa.
Bakeo namonjy azy rozy.
Le hoy ty asany:
Zaho,
 Josefa rahalahinareo iny,
azy navilinareo ho a Ejipta atoy iny.
Fe ka malahelo sady ka meloky
 amy ty vatanareo
laha namarotsy ahy nareo,
fa hamonjy ay
 ro nandefasa-Ndanahary ahy
ho alohanareo.
Roe tao amy toy zay
 ty nampisy mosary amy tany toy eto,
le mbo hisy limy tao 
tsy hiasà tany na hijinjà.
Zay ty antony
 nandefasa-Ndranahary ahy
ho alohanareo,
mba tsy ho lany taranaky
 ambony tany etoy nareo,
sady mba ho voaaro ty ainareo
ka hahazo fanavota bevata.
Dikani-zay,
 tsy nareo ro nandefa ahy atoy,
fa Ndranahary,
mba hanendreany ahy
 ho babani-Farao
noho hanam-pahefà 
amy ty raha iaby an-tranony ao
noho hifehy ani-Ejipta toy iaby.
Mimpolia malaky amy Baba any,
le volano ie hoe:
“Zao hoasani-Josefa anakilahinao:
‘Ndranahary fa nanendry ahy 
hanam-pahefà amy Ejipta iaby.
Miavia amiko atoy,
 fa ka mangataky andro.
Le hipetraky a Gosena ao iha,
ka ho anilako eo avao iha
 miaraky amy anakinao
noho zafinao reo
noho ty aondrinao
 voho ty aombinao
le ze raha iaby ahinao.
Hameako sakafo iha, 
satria mbo haharitsy limy tao
ty mosary.
Tsy hahantra iha amy zay 
noho ty an-tranonao ao
voho ze raha iaby ahinao.’”
Samby nahita maso nareo
 amy Benjamina rahalahiko henanizao
fa ty vavako mihintsy
 ro mivola aminareo.
Ka ndany,
volano amy Baba
 ty voninahitsiko iaby a Ejipta atoy
noho ze raha iaby hitanareo.
Le mandehana malaky
 ka andeso mijotso atoy Baba.
Bakeo ie niambotraky amy
 vozoni-Benjamina rahalahiny teo,
ka nitany,
le nitany tamy vozony eo koa
 Benjamina.
Bakeo ie nanoroky 
ty rahalahiny iaby
le nitany tamy vozon-drozy teo.
Nandeha nana a Ejipta any amy zay
 Jakoba
miaraky amy fianakaviany 70.
Nameani-Farao an-drozy
 ty tany Gosena
mba hiperahan-drozy.
Nipetraky ta Ejipta ao tanatini-215 tao
 ty taranakini-Jakoba,
zisiky tamy andro
 nandehanani-telo tapitrisa
na mandilatsini-zay amin-drozy
hiampita ty Riaky Mena
 noho hangalaky ty Tany Nampitamany.
Nampiasa ani-Josefa Jehovah
 mba hiarova ty fianakavia hiaviani-Mesia.
Ino ty ianarantsika
 baka amy tantarani-Josefa iny?
Ndre ino ndre ino 
ty raha natrehini-Josefa,
le nampiseho fitiava tsy miovaova 
amy Jehovah avao ie.
Niaritsy raha manahira sankarazany ie
 tanatini-tao maro,
fe tsy nimeloky mihintsy.
Mety tsy ho azontsika ovà koa
 ty raha sarotsy andalovantsika.
Fe azontsika ovà
 ty fomba hiatreha azy.
Tsy ho meloky
 amy Jehovah mihintsy tsika.
Teantsika Jehovah,
sady tapa-kevitsy hanaporofo
 ty fitiavantsika azy tsika,
ka hanalavitsy 
ty fandaisam-bata mampeloky azy.
Tafara tatoy,
 lafa niova ty fiainani-Josefa,
le nampiseho fitiava
 amy ty fianakaviany ie,
ndre nanao ty tsy rariny taminy
 rahalahiny reo.
Fitiavani-Josefa tsy miovaova io
 ro nanampy azy
hanatanteraky faminania!
Tamy androni-Abrahama, 
babani-dadabeni-Josefa,
le nivola Jehovah 
fa havota ty vahoakiny
afaky 430 tao tsy diso.
Laha tsy nana fitiava tsy miovaova 
amy fianakaviany Josefa,
ho nanao akory
 ty hahatanteraky faminania io?
Mazava ho azy fa henteani-Jehovah
 ty fitiavantsika ty rahalahintsika.
Ka laha mampalahelo anao
 ty raha ataoni-rahalahy
na anabavinao ara-panahy,
le ka maneky
 hampiparitaky resaky mikasiky azy
mba hampalahelo azy koa.
Anovo ze hampilongo soa anareo
 ndraiky.
Sady Jehovah anè
 tea ani-rahalahintsika iny,
ka maeva ho teantsika koa
 rahalahintsika iny.
Jehovah ro tena modely soa 
amy fitiava tsy miovaova
amy tantara io.
Nariani-longony Josefa,
nasarani-valini-tompony raha raty,
le bakeo najobo am-pigadrà,
fe “nampiseho fitiava tsy miovaova
 [tamy Josefa] avao” Jehovah.
Nanino?
Tsy nivaliky amy Josefa ie, 
satria tsy nivaliky aminy Josefa.
Hita tamy fitiavani-Jehovah ani-Josefa
fa tsy hivaliky
amy firenenan’Israely koa ie.
Lafa niaro 
ty fianakaviani-Josefa Jehovah,
le niaro ty taranaky hiaviani-Mesia,
sady nanao raha mba ho tanteraky 
amy fotoa mety ty fampitamana hoe
havotany ty Israelita.
Tsy hitanareo hoe
 tena mampahery zay?
Mety hahafoy anao
 ty olombelo tsy lavorary,
mety hisy hikizaky
 na handratiraty iha,
na hanaovany tsy rariny.
Fe laha tsy mivaliky
 amy Jehovah iha,
le tsy hanary anao mihintsy ie.
Tsy nanalino ani-Josefa ie,
sady tsy hisy ho halinony
 ty mpanompony tsy mivaliky henanizao.
Mijanòna marìny ani-Jehovah,
le hampiseho fitiava tsy miovaova 
aminao avao ie.
.


-