JW subtitle extractor

ຍິນດີຕ້ອນຮັບສູ່ການຮຽນຄຳພີໄບເບິນ.
ຫຼາຍລ້ານຄົນທົ່ວໂລກມັກຮຽນຄຳພີໄບເບິນ
ກັບພະຍານພະເຢໂຫວາ
ເຮົາໝັ້ນໃຈວ່າເຈົ້າກໍຈະມັກຮຽນຄືກັນ.
ເຈົ້າຈະໄດ້ຮຽນເລື່ອງຫຍັງແດ່?
ເຈົ້າຈະໄດ້ຮູ້ວ່າເຮັດແນວໃດຄອບຄົວຈຶ່ງຈະມີຄວາມສຸກຫຼາຍຂຶ້ນ.
ເຈົ້າຈະຮັບມືກັບຄວາມເຄັ່ງຕຶງໄດ້ແນວໃດ?
ຈະໃກ້ຊິດກັບພະເຈົ້າໄດ້ແນວໃດ?
ແລ້ວເຈົ້າຈະໄດ້ຮູ້ວ່າມີສິ່ງດີໆຫຍັງແດ່ຄອຍຖ້າເຮົາໃນອະນາຄົດ?
ແລ້ວເຮົາຈະຮຽນຄຳພີໄບເບິນແນວໃດ?
ກ່ອນເລີ່ມຮຽນແຕ່ລະເທື່ອ ຜູ້ທີ່ມາສອນອາດຈະອະທິດຖານສັ້ນໆກັບເຈົ້າ.
ຈາກນັ້ນ ໃຫ້ລົມກັນໂດຍໃຊ້ໜ້າທຳອິດຂອງບົດ.
ອ່ານເນື້ອໃນແຕ່ລະຂໍ້ ແລ້ວຕອບຄຳຖາມຂອງຂໍ້ນັ້ນ ແລ້ວກໍອ່ານຂໍ້ຕໍ່ໄປ.
ຂໍ້ພະຄຳພີທີ່ສຳຄັນຈະມີການເນັ້ນໂດຍໂຕເຂັ້ມ.
ຈາກນັ້ນຍັງມີຂໍ້ຄຳພີອື່ນໆທີ່ຈະອ່ານແລະລົມກັນໄດ້ ເຊັ່ນ ຂໍ້ພະຄຳພີທີ່ມີຄຳວ່າ “ອ່ານ” ຢູ່ທາງໜ້າ.
ຕໍ່ຈາກນັ້ນເຈົ້າຈະໄດ້ອ່ານແລະລົມກັນໃນສ່ວນ ຮຽນຮູ້ຫຼາຍຂຶ້ນ
ໃນສ່ວນນີ້ເຈົ້າຈະໄດ້ອ່ານຂໍ້ພະຄຳພີ ລົມກັນກ່ຽວກັບຄຳຖາມຕ່າງໆ ແລະຍັງມີການເປີດວິດີໂອນຳ.
ເຈົ້າຈະໄດ້ຮຽນຮູ້ຫຼາຍຂຶ້ນວ່າເລື່ອງທີ່ໄດ້ຮຽນ
ຈະເປັນປະໂຫຍດຕໍ່ເຈົ້າແນວໃດ.
ແລະຫຼັງຈາກຕອບຄຳຖາມທົບທວນແລ້ວ ຜູ້ທີ່ມາສອນກໍຈະອະທິດຖານກັບເຈົ້າອີກເທື່ອໜຶ່ງ.
ເຈົ້າຕ້ອງຮຽນຫຼາຍສ່ຳໃດ? ແລະໃນແຕ່ລະເທື່ອ ເຈົ້າຕ້ອງໃຊ້ເວລາດົນປານໃດ?
ເຈົ້າກຳນົດເອງໄດ້.
ແລະເພື່ອຈະໄດ້ຮັບປະໂຫຍດຫຼາຍທີ່ສຸດ ເຮົາແນະນຳວ່າເຈົ້າອາດຈະຮຽນຢ່າງໜ້ອຍອາທິດລະໜຶ່ງບົດ.
ຄຳພີໄບເບິນມີຄຳແນະນຳທີ່ດີທີ່ສຸດທີ່ຈະຊ່ວຍໃຫ້ເຈົ້າມີຄວາມສຸກ
ລອງຮຽນເບິ່ງແມ້. ແລ້ວເຈົ້າຈະໄດ້ຮັບປະໂຫຍດຈາກຄຳພີໄບເບິນແນ່ນອນ.