JW subtitle extractor

Sainküinpünaa tü mmapaʼakat,
watta maʼin naalii na wayuu
ekirajaakana sünain tü Bibliakat,
kamalainsü maʼin shia namüin.
Anataʼaleesüjaʼa maʼin
süka pikirajaain sünain tü Bibliakat.
Pütüjaajeerü aaʼu sükajee tü Bibliakat
tü paaʼinrajatkat
süpüla anainjatüin pukuwaʼipa
sümaa püpüshi.
Tü paaʼinrüinjatkat mojule paaʼin,
jee süpüla
paʼaleewain Maleiwa
otta pütüjaajeerü aaʼu süchiki tü kasa anasü
eeinjatkat mapeena saashin tü Bibliakat.
¿Jamüsü sukuwaʼipa ekirajawaa
sünain tü Bibliakat?
Chi wawala ekirajakai pia
oʼuraajeechi nümüin Maleiwa
süpüleerua tü jikirajaainjatkalü anain.
Jikirajaa palajana sünain tü palajatkat süpana
sünain tü ekirajaayakat.
Paashajeʼera wanee pütchi
otta jikirajaa sünain
tü asakinnakat suʼttiajee.
Jülüja paaʼin tü pütchi yuuichonsü
suluʼujeejatkat tü Bibliakat
jee müsia,
jikirajaa sünain tü wetsiikulo
«Jaashajeʼera», makat.
Jikirajaa sünain tü pütchi
«Wekirajaa sooʼomüin», makat.
Sükajee paashajeʼerüin tü wetsiikuloirua,
pikirajaain sünain tü asakinnakalü anain
jee pünajüin tü videokalüirua,
pütüjaajeerü aaʼu
tü paaʼinrajatkat
süpüla anainjatüin pukuwaʼipa
sükajee tü pikirajaakalü anain.
Yooto jia süchiki
tü jütüjaaitpakat aaʼu
otta juʼuraaja süpüla sujutaain
tü ekirajawaakat.
¿Jetsüinjatü jümaa sünain
ekirajawaa sünain tü Bibliakat?
¿Jeʼratuainjatü shia
süpüla semaanakat?
Pikirajaa wanaapünaa
sümaa pukuwaʼipa,
anaʼleejeeria maʼin pukuwaʼipa
sünainjee tü pikirajaakalü anain
keraale putuma wanee ekirajaaya
soʼu wanee semaana.
Ayataʼaya pikirajaain sünain tü Bibliakat
nümaa wanee wawala.
¡Aneerü maʼin pukuwaʼipa,
paaʼinrüle tü sümakat!

Sukuwaʼipainjatü ekirajawaa sünain tü Bibliakat