JW subtitle extractor

Іэдэмрэ Хьэуарэ Алыхь Иеговэ и жиІэм щІэкІа нэужь, дунейм гугъуехьхэр тез хъуащ икІи ар Іейм зэщІищтащ.
Ауэ Хьисэ гугъэ къыдитащ. Абы жиІащ ар Алыхьым и Пащтыхьыгъуэм и Пащтыхь хъуа иужь, щІылъэм мамырыгъэрэ захуагъэрэ зэрызэтригъэувэжынур.
Дапщэщ а Пащтыхьыгъуэм тепщэн щыщІидзэнур?
Библием зэрыжиІэмкІэ, абы тепщэн щІидзакІэщ.
Дэнэ дэ ар щытщІэр?
Илъэс 2600-м щІигъукІэ узэІэбэкІыжмэ, къэхъуауэ щытам деплъынщ.
Алыхь Иеговэ Бабилэным и пащтыхь Навуходоносор къэхъун хуейм теухуауэ пщІыхьэпІэ иригъэлъэгъуат.
А пщІыхьэпІэм Навуходоносор зи щхьэкІэр уафэм нэс жыгышхуэ илъэгъуащ.
А жыгыр ираІупщІыкІри, и дакъэр щІым къыхэнащ.
Зэманибл дэкІа иужькІэ жыгыр къэкІыжащ.
Библием къыдгурегъаІуэ а пщІыхьэпІэр тІэунейрэ гъэзэщІа зэрыхъуар.
Япэр езы Навуходоносор пыщІат.
Абы илъэгъуа жыгыр уафэм нэс лъагъэу зэрыщытым хуэдэу, езыми и увыпІэр лъагъэу щытт.
Ауэ ар ираІупщІыкІащ, абы иужьи зэманибл дэкІыжащ.
А пщІыхьыр гъэзэщІа хъуащ Навуходоносор илъэсиблкІэ цІыху акъылым икІауэ щыщытам щыгъуэ.
АпщІондэху ар пащтыхьу щытакъым.
Зэманиблыр дэкІа иужь, Навуходоносор цІыху акъылым иувэжри, тепщэн щІидзэжащ.
Къэхъун хуейр япэу апхуэдэу гъэзэщІа хъуащ.
2-нэу ар гъэзэщІа дэпхуэдэу зэрыхъуар?
Ар иджы зыпыщІар Алыхьым и Пащтыхьыгъуэращ.
Библием зэрыжиІэмкІэ, Израилым и пащтыхьхэр Иеговэ и тахътэм тест.
НэгъуэщІу жыпІэмэ, абыхэм я тепщэныгъэр къызыбгъэдэкІыр Алыхьырат.
Ауэ а пащтыхьхэм я нэхъыбэри, абы я лъабжьэм щІэт цІыхухэм я нэхъыбэри Иеговэ и жиІэм щІэттэкъым.
Абыхэм я жыІэмыдаІуэныгъэм къыхэкІкІэ, Алыхьым езым и лъэпкъыр яубыдыну бабилэн цІыхухэр хуит ищІащ.
Ди эрэм ипэ 607 гъэм Бабилэн зауэлІхэм Ерусалим къалэр зэтракъутащ.
А зэманым щыщІэдзауэ Ерусалим пащтыхьхэм я тепщэныгъэр Иеговэ къыбгъэдэкІыжтэкъым.
Апхуэдэу ди эрэм ипэ 607 гъэм зэманиблым, е нэгъуэщІу жыпІэмэ Алыхьым и тепщэныгъэр щызэпыуну зэманым, щІидзащ.
А зэманыр екІуэкІынущ Иеговэ езым пащтыхь тригъэувэху.
Ауэ иджы ар здэщыІэнур уафэращ. Дапщэщ ар къыщыхъунур?
Къэхъун хуейр 2-нэу гъэзэщІа щыхъум деж зэманиблыр зэрекІуэкІын хуейр илъэсиблу къикІкъым.
Дэнэ дэ ар щытщІэр?
Япэрауэ, Ерусалим зэтракъутэу илъэсибл дэкІа нэужь, Алыхьым и Пащтыхьыгъуэм пыщІауэ мыхьэнэшхуэ зиІэ Іуэхугъуэ зыри къэхъуакъым.
Илъэсищэ зыбжанэ дэкІа нэужьи, Хьисэ жиІауэ щытат зэманиблыр иджыри зэримыухар.
Иужьрей махуэхэм къэхъун хуейм щытепсэлъыхьым щыгъуэ, Хьисэ жиІат я тетыгъуэ лъэхъэнэр иухыху Ерусалим лъэгукІэ хаутэнущ хамэ лъэпкъхэм жиІэу.
Хамэ лъэпкъхэм я тетыгъуэ лъэхъэнэращ зэманибл хъужыр. Сытым щыгъуэ ар щиухынур?
Апокалипсис тхылъым итщ зэманищэрэ ныкъуэр махуэ 1260 хъууэ.
Апхуэдэу щыхъукІэ, тІукІэ нэхъыбэ зэманиблыр махуэ 2520 мэхъу.
Къэхъун хуейм щытепсэлъыхьм деж, зы махуэр зы илъэсу Библием щыжиІэ къохъу.
Зэманиблым теухуауэ къэхъун хуейми ар хуокІуэ.
Абы къыхэкІэ, зэманиблыр илъэс 2520 мэхъу.
Ди эрэм ипэ 607 гъэм къыщыщІэдзауэ илъэс 2520 къэдбжмэ, 1914 гъэм дыкъыхуокІуэ.
А гъэм зэманиблыр иухащ икІи Хьисэ уафэм щыІэ Алыхьым и Пащтыхьыгъуэм и Пащтыхьу тепщэн щІидзащ.
Абдежым Библием жыхуиІэ иужьрей махухэм щІедзэ.
Куэд мыщІэу Хьисэ уафэм щызэхуишэсынущ абы и гъусэу тепщэу щытынухэр.
Абы щыгъуэ Алыхьым и Пащтыхьыгъуэм нобэ гугъу дезыгъэхьу хъуар Іуихыжынущ.
Уи нэгу къыщІэгъэхьэ уи гъащІэр зэрыщытынур пэж дыдэу и нэІэ къыптезыгъэт Пащтыхьым и лъабжьэ ущІэтмэ.

Алыхьым и Пащтыхьыгъуэм 1914 гъэм тепщэн щІидзащ