JW subtitle extractor

Nā te whakakeke ki a Ihowā,
kua kī katoa te ao i te kino
me te mamaetanga.
Nā Īhu i hōmai tūmanako.
Mā te Kīngitanga o te Atua,
ka whakahokia ki te whenua
te rongomau me te tika.
Ko āhea kāwana ai
te Kīngitanga?
Ki tā te Paipera,
kei te kāwana āianei!
Nō hea te mōhio ki tērā?
Whakaarohia tētahi mea
nō te 2,600 tau ki muri.
I tuku moemoeā poropiti
a Ihowā ki a Nepukaneha,
kīngi o Papurōna.
I te moemoeā,
i kitea e Nepukaneha he rākau nui,
i tutuki ki te rangi.
I tuaina te rākau,
ka waihotia tōna take i te whenua.
Ka pahemo ‘ngā wā e whitu,’
ka tipu anō te rākau.
Ki te Paipera
e rua ngā whakatutukitanga
o te moemoeā.
Mō Nepukaneha anō te tuatahi.
He tangata rongonui, kaha hoki
—rite ki te rākau i tutuki ki te rangi.
Engari i tuaina ia mō ‘ngā wā e whitu.’
Ka ngaro i a Nepukaneha
tōna ngākau mahara
mō ngā tau e whitu.
Nā, kīhai i āhei te kāwana hei kīngi.
Mutu rawa ngā wā e whitu,
ka hoki tōna ngākau mahara,
ka kīngi anō.
Tēnei te whakatutukitanga
tuatahi o te poropiti.
Pēhea te whakatutukitanga tuarua?
Mō te Kīngitanga o te Atua tēnei.
I “noho . . . ki te torōna o Ihowā”
ngā kīngi o Īharaira.
I tū rātou mō te Kīngitanga o te Atua.
Heoi, i whakakeke te nuinga o aua kīngi,
me te nuinga o te iwi.
Nā tō rātou whakakeke,
i tukua e Ihowā kia raupatutia
a Īharaira e Papurōna,
ā whakangaromia a Hiruhārama
i te tau 607 B.C.E.
Mai i taua wā,
kāhore he kīngi mō Ihowā i Hiruhārama.
Nō reira, ko 607 B.C.E.
te tīmatanga o ngā wā e whitu,
e haukotia ai te Kīngitanga o te Atua.
Ka haere taua wā
kia whakatūria rā anō e Ihowā
he kīngi hōu Mōna
—āianei, i te rangi.
Ko āhea tērā?
I te tutukitanga tuarua o te poropiti,
kia nui ake ngā wā e whitu
i ngā tau e whitu pū.
He aha ai?
Kāore i puta mai tētahi mea nui
mō te Kīngitanga o te Atua
e whitu tau i muri
o te ngaromanga o Hiruhārama.
Ētahi rautau i muri iho, i mea a Īhu
kāore anō i rite ngā wā o ngā tauiwi.
I tētahi poropiti mō ngā rā
o te whakamutunga,
i mea a Īhu mō te Kīngitanga o te Atua,
“ka takahia Hiruhārama e ngā tauiwi,
kia rite rā anō ngā wā o ngā tauiwi.”
He ōrite “ngā wā o ngā tauiwi”
ki “ngā wā e whitu.”
Ko āhea mutu ai aua “wā”?
E kī ana Te Whakakitenga
he ōrite te toru wā
me te haurua ki ngā rā 1,260.
Nā reira, ko ngā wā e whitu
he ōrite ki ngā rā 2,520.
I te poropiti Paipera,
ka tū he rā mō te tau.
He pērā te poropiti mō ngā wā e whitu.
He tohu ērā mō ngā tau 2,520.
Tatau ana e 2,520 tau
whakamua o te tau 607 B.C.E.,
ka tae ki 1914
—te tau i mutu ngā wā e whitu,
i tīmata a Īhu te kīngi
i te Kīngitanga o te Atua i te rangi.
Ko reira i tīmata ai
“ngā rā o te whakamutunga.”
Taro ake,
ka oti i a Īhu te kohikohi
i ōna hoa kīngi ki te rangi.
Ko reira whakamutua ai
e te Kīngitanga o te Atua
ngā raru katoa.
Whakaarohia he oranga
i raro i tētahi Kīngi
e aroha ana ki a koe!

I Tīmata te Kāwana o te Kīngitanga o te Atua i te Tau 1914