JW subtitle extractor

Olombelon̈o koa fa tsy nan̈eky
Zan̈ahary ho Panjaka,
nanjary feno jaly ndreky raha ratsy tambony tany.
Kanefa Jesosy nan̈amia fan̈antinan̈a.
Izy nampianatra fa
Izy Panjakany Fanjakan̈any Zan̈ahary,
ke han̈ampody ndraiky fiadan̈ana
ndreky ny rariny ambony tany eto.
Fa ombian̈a ma Fanjakan̈any Zan̈ahary io
nanomboko nitondra?
Izikoa Baiboly zahan̈a,
efa mitondra izy amy zioty!
Nan̈ino atsika mivolan̈a zen̈y?
Diniha baka raha nandalo efa 2600 taon̈o loso zay.
Jehovah Zan̈ahary nampan̈inofy
panjaka Nebokadnezara.
Misy dikany amy raha mbala hoavy nofy io.
Amy nofy io,
Nebokadnezara nahita
vodiny kakazo maventy be,
mipaka amy lan̈itry an̈y.
Nitapahan̈a kakazo io,
kanefa fototronany nambela tio fo.
Koa fa nafaka “fepotoan̈a fito”,
naniry ndraiky kakazo io.
Koran̈iny Baiboly fa
misy fahatantirahany aroe nofy io.
Voanalohany,
tanteraka tamy panjaka Nebokadnezara.
Nalaza mare izy tamy zen̈y,
karaha kakazo nipaka tamy lan̈itry tamy nofinany in̈y.
Kanefa nira nitapahan̈a in̈y fo izy tan̈atin̈y “fito taon̈o.”
Tanteraka raha zen̈y
izikoa fa Nebokadnezara nanjary very jery,
ke tsy nahavita nanjaka tan̈atiny fito taon̈o.
Fa koa fa tapitry fepotoan̈a fito io,
janga Nebokadnezara,
ke nimpody nanjaka ndraiky koa.
Zen̈y fahatantirahany voanalohany amy faminanian̈a io.
Karakory fo fahatantirahany faharoe amy faminanian̈a io?
Izio tanteraka tamy fitondrasan̈any Zan̈ahary.
Baiboly mivolan̈a fa
iro panjakany Israely taloha tan̈y,
nipetraka tamy sezy fiandrian̈any Jehovah.
Dikany zen̈y iro io
nisolo ten̈a Fanjakan̈any Zan̈ahary.
Fa kanefa,
ankamarozany panjaka ndreky olo nindesindro
tsy nan̈araka volan̈a Jehovah.
Ke nohony tsy fan̈arahandro volan̈a zen̈y,
nambelany Jehovah fo iro ho resiny Babylony,
ke niravan̈iny Babylonianin̈y
tanànany Jerosalema tamy 607 T.K.
Nanomboko tamy fotoan̈a zen̈y,
efa tsisy panjaka eky ta Jerosalema
nisolo ten̈a Jehovah.
Taon̈o 607 T.K. io,
taon̈o nanombohany fepotoan̈a fito io.
Ke tsisy eky panjaka nisolo ten̈a Zan̈ahary
tambony tany teto.
Fepotoan̈a fito io nahadin̈y
ziska Jehovah nanendry Jesosy,
natao Panjaka hisolo ten̈a izy,
fa tandan̈itry tan̈y fo izy nitondra.
Ombian̈a raha zen̈y niboaka?
Fahatantirahany faharoe amy faminanian̈a io,
fepotoan̈a fito koran̈iny io,
tsy fito taon̈o ankitikitin̈y.
Akory hahaizantsika zen̈y?
Fotony fito taon̈o tafarany nandravan̈ana Jerosalema,
tsisy raha ten̈a niavaka be nandalo
misy hifandraisany amy Fanjakan̈any Zan̈ahary.
Fan̈ampiny zen̈y koa,
hita tamy volan̈any Jesosy fa
mbala tsy endriky tapitry fepotoan̈a fito io tamy zen̈y.
Tamy Jesosy nikoran̈a faminanian̈a momba andra farany,
nikoran̈a izy fa “Jerosalema”,
na Fanjakan̈any Zan̈ahary io,
Mbala fepotoan̈a fito io fo tiany koran̈iny,
amy “fotoan̈a voatondro nindro firenena hafa aby io.”
Ombian̈a ma fepotoan̈a io tapitry?
Bokiny Apokalypsy zioty
mivolan̈a fa
fepotoan̈a telo andra
sy tapany zen̈y,
égal 1260 andra.
Ampitomboesin̈y aroe amy zay
fepotoan̈a telo andra sy tapany io,
safe man̈amia 2520 andra.
Fa faminanian̈any Baiboly,
andra araiky égal taon̈o araiky.
Karaha zen̈y koa faminanian̈a
momba fepotoan̈a fito io.
Izio 2520 taon̈o.
Izikoa atsika mikonty 2520 taon̈o io,
komansy amy 607 T.K.,
atsika avy amy taon̈o 1914.
Ke tamy taon̈o io tapitry fepotoan̈a fito io,
baka io Jesosy nanomboko nanjaka tandan̈itry tan̈y,
amy maha Panjakany Fanjakan̈any Zan̈ahary izy.
Nanomboko taminio
“andra farany” koran̈iny Baiboly zen̈y.
Efa tsy ho ela
ho tapitry fotoan̈a hamorian̈a iro tavela eto,
hiaraka hanjaka amy Jesosy Kristy andan̈itry an̈y.
Fanjakan̈any Zan̈ahary amy zay
han̈adoso problemo jiaby
mahazo atsika ndreky lafamintsika.
Miniminia hely baka fiain̈ana amy zen̈y,
Panjaka araiky ten̈a tia anao
sady von̈ono hikarakara anao mitondra!

Komansy Nitondra Fanjakan̈any Zan̈ahary Taminy 1914