JW subtitle extractor

Maro raha ataontsika isanandra.
Ankoatrany fanompoan̈a,
mbala io koa velonten̈a,
andraikitry amy fianakavian̈a,
ninolo sasany io koa aretin̈y.
Ke mety hampahinihiny fiain̈anantsika
fotony mandeha hoazy fo.
Mety tsy ho hitantsika raha
zen̈y amy voanalohany,
fotony maro raha ataontsika nohony
fivoarany teknolozy amy zioty.
Fa ino raha ten̈a mandany fotoan̈antsika?
Zahava video ty, ke diniha,
nan̈ino fiain̈any rahalahy araiky
ty loso mandeha hoazy fo?
Akory hevitrinao,
mandeha hoazy fo
ma fiain̈any rahalahy in̈y?
Misy raha atao fo izy isanandra,
kanefa lany amy fitaovan̈a
elektroniky fo fotoan̈anany.
Efa nisy fotoan̈a ma anao
varian̈a namaky email,
kanefa nisy olo tihikoran̈a raha taminao?
Diniha hely baka izikoa olo io
nan̈ontany raha anao,
fa tsy ren̈inao aby raha nivolan̈iny,
kanefa izy efa miambin̈y
valiny baka aminao.
Mampavotivoty raha zen̈y, tsy zen̈y?
Fa akory izikoa olo tihikoran̈a
raha aminao io Jehovah.
Marin̈y ndraiky fa mety tsisy
raha ratsy ataontsika,
kanefa mety ho rikian̈a mare aminy asa,
ndreky taba jiaby fataontsika
andavanandra atsika,
ke ndray fotoan̈a hitandrin̈esan̈a
volan̈a mankahery baka amy Jehovah,
tsy hisy eky.

Ino ma Raha Ten̈a Mandany Fotoan̈anao?