JW subtitle extractor

!Saye i finis!
?Yu yu laekem pija ya?
Hmm . . .
mi wantem givim pija ya long wan fren,
from mi wantem mekem hem i glad,
sem mak olsem Rut.
?Yu yu tingbaot stori blong hem?
!Yu kam!
Bae yumi luk stori ya tugeta.
Mama blong man blong Rut,
nem blong hem Naomi.
Naomi i gat tu boe.
Wan i maredem Rut
mo narawan, Opa.
Olgeta evriwan oli laef long Moab.
Be biaen, tufala boe blong Naomi i ded,
mo oli harem nogud tumas.
Naomi i jusum blong gobak
long ples blong hem long Isrel,
from hem i wantem blong Jehova
i lukaot gud long hem.
Rut mo Opa i folem hem,
from oli wantem halpem hem.
Ale, oli go tugeta.
Be taem oli stap go,
Naomi i talem se sipos oli folem hem,
laef bambae i had.
Taswe i moa gud tufala i gobak long Moab,
mo mared bakegen.
Opa i lesin mo i gobak.
?Be olsem wanem long Rut?
Rut i no lego Naomi.
Rut i talem se: ‘Ples we bae yu go long hem,
mi tu bae mi go long hem.
Ol man ples blong yu,
bae oli man ples blong mi.
Mo God blong yu, bae i God blong mi.’
Rut i gohed blong givhan long Naomi,
taem tufala i stap laef tugeta long Isrel.
Yes, Rut i wan trufala fren.
Oltaem ol fren blong Jehova
oli givgivhan long olgeta.
?Be olsem wanem Jehova
i gohed blong givhan long Rut?
I gud yu ridim stori blong hem.
Be mi mas go nao
blong givim hemia long wan fren.
!Ei mi foget ya!
Tekem taem evri dei blong lanem
samting long ol fren blong Jehova.
?Wanem tingting blong yu?
?Rut i mekem wanem blong soemaot
se hem i wantem kam fren blong Jehova?
?Yu yu save wan we i stap harem nogud?
?Yu save mekem wanem blong halpem hem?

Lanem Samting Long Ol Fren Blong Jehova—Rut