JW subtitle extractor

N sta ta faze un kuza interesanti.
Spera i bu ta odja.
É un kuza ki alguns amigu di Jeová ten.
Nu ka ta pode odja kes amigu li.
Má Elizeu odja-s.
Nhos ben!
I odja kuzê ki kontise ku Elizeu.
Elizeu pasa txeu anu ta
prende ku se instrutor Elias.
Má un dia,
Elias lebadu na un tenporal
pa el ser proféta na un otu lugar.
Elizeu bira kel novu proféta di Jeová.
Elizeu faze txeu milagri,
ti mésmu el resusita un mininu.
Tanbê, el proteje kes trópa di Israel.
Sénpri ki trópas di Síria krê
atakaba povu di Deus,
Elizeu ta mandaba un mensajeru pa avizaba es.
Rei di Síria fika xatiadu
i el manda trópas pa prende Elizeu.
Elizeu i se ajudanti staba
na un situason konplikadu!
Ta parse ma ka tinha ningen pa djudaba es.
Má éra simé?
Ajudanti di Elizeu staba xeiu di medu,
má Elizeu staba ta odja un
kuza ki inda el ka odjaba.
Elizeu fla-l: “Ka bu xinti medu!
Pamodi kes ki sta ku nos
é más txeu di ki kes ki sta ku es.”
Elizeu faze orason, i di un óra pa kel otu
se ajudanti odja kel ki sénpri staba la,
el odja un izérsitu di anju di Jeová
na karu di géra di lumi!
Es staba prontu pa proteje Elizeu.
Kes amigu di Jeová sabe ma ses anju
poderozu sta sénpri la pa djuda-nu.
Nton, kuzê ki kontise ku Elizeu i se ajudanti?
Es konsigi skapa di kes trópa di Síria?
Lé stória di Elizeu i imajina ma bu sta la.
Tra ténpu tudu dia pa bu
prende ku kes amigu di Jeová.
Kuzê ki bu ta atxa?
Modi ki Elizeu mostra ma el éra amigu di Jeová?
Dja bu kustuma xinti medu sima ajudanti di Elizeu?
Sima Elizeu, modi ki bu pode
ten serteza ma Jeová ta djuda-u?

Prende ku kes amigu di Jeová — Elizeu