JW subtitle extractor

Mi stap wokem wan naesfala samting,
we sam fren blong Jehova nomo oli gat.
Hemia ol enjel.
Yumi no save luk olgeta,
be Elisa i luk olgeta.
!Yu kam bae yumi luk stori blong hem!
Elaeja i stap tijim Elisa blong plante yia.
Be wan dei. . .
Wan bigfala win i tekemaot Elaeja,
blong i go mekem wok blong profet
long wan narafala ples.
Naoia Elisa i kam profet blong Jehova.
Hem i mekem plante merikel olsem
taem ya we. . .
hem i mekem wan yangfala boe
i laef bakegen.
Elisa i protektem ol ami blong Isrel tu.
Hem i sanem wan man blong talem long olgeta
se ol ami blong Siria oli stap haed,
blong faet agensem olgeta.
!King blong Siria i kros tumas!
Ale, hem i sanem wan ami blong go
holemtaet Elisa.
Naoia Elisa mo man blong wok blong hem
i stap long bigfala trabol.
Mo i no gat man blong i givhan long tufala.
?Be wanem i hapen?
Man blong wok blong Elisa i fraet we i fraet.
Be Elisa i luk wan samting we man ya i no luk.
Hem i se: ‘Yu no fraet,
ol man we oli stap long saed blong yumi
oli plante moa i winim ol man
long saed blong olgeta.’
Biaen Elisa i prea. !Mo wantaem nomo!
Man blong wok blong hem,
i luk wan bigfala grup blong ol ami blong Jehova.
Hemia ol enjel, we oli stap ron
long ol jariot blong faet,
we i gat faea long hem.
Olgeta oli rere blong halpem Elisa.
Ol man blong Jehova oli save se oltaem
ol enjel oli stap blong givhan long olgeta.
?Wanem i hapen long Elisa,
mo man blong wok blong hem?
?Tufala i ronwe long ol ami blong Siria?
Ridim stori blong Elisa,
mo pijarem se yu tu yu stap.
Tekem taem evri dei,
blong lanem samting long
ol fren blong Jehova.
?Wanem tingting blong yu?
?Olsem wanem Elisa i soemaot se hem
i fren blong Jehova?
?Wetaem yu harem se yu fraet olsem
man blong wok blong Elisa?
?Yu save mekem wanem blong yu
no fraet olsem Elisa?

Lanem Samting Long Ol Fren Blong Jehova—Elisa