JW subtitle extractor

!Eh, hemia blong mi ya!
Hemia i no stret nating.
!Oh! Hemia i mekem mi tingbaot fren
blong Jehova, Mefiboset.
Hem tu oli bin spolem hem.
?Be hem i mekem wanem?
!Yu kam!
Bae yumi luk stori blong hem.
Mefiboset i kamaot long laen blong King
blong Isrel.
Be taem hem i gat faef yia nomo,
Papa mo bubu man blong hem i ded.
Mo hem tu i foldaon, nao hem i no
moa save wokbaot.
Nating se i olsem. Mefiboset i glad nomo.
Taem hem i kam bigwan,
King Deved i singaotem hem blong i kam
kakae long haos blong hem.
Deved i lukaot gud long hem
mo i givim plante gudfala samting long hem.
Mefiboset i glad tumas long ol samting ya.
Biaen taem laef blong Deved i stap long denja,
mo hem i mas ronwe,
wan man i kam i talem ol giaman tok
long saed blong Mefiboset.
Mo Deved i bilivim hem.
From samting ya, Mefiboset i lusum olgeta
samting we hem i kasem.
!Fasin ya i no stret nating!
?Be Mefiboset i mekem wanem?
Hem i no harem nogud from ol samting ya.
Be hem i glad nomo taem Deved,
fren blong Jehova, i kambak hom
we i sef nomo.
Mefiboset i glad nomo long wanem
we hem i gat.
Mo hem i no wari long ol samting we
hem i lusum.
Ol fren blong Jehova oli glad long
wanem we oli gat.
Nating se ol man oli spolem olgeta.
?Be wanem narafala samting we
i hapen long hem?
?Hem i kasembak ol ting blong hem?
Ridim stori blong hem
mo pijarem se yu tu yu stap.
Mo tekem taem evri dei blong lanem samting
long ol fren blong Jehova
?Wanem tingting blong yu?
?Mefiboset i mekem wanem blong soemaot
se hem i fren blong Jehova?
?Yu save mekem wanem blong stap glad
nating se ol man oli spolem yu?
?Wanem samting we yu gat we yu save
glad long hem?
Mefibofeth, Michaelfeth, Mofaeboseth
Me. . .Me. . . Mekiboset
?I gat wan i glad blong givhan long mi?

Lanem Samting Long Ol Fren Blong Jehova—Mefiboset