JW subtitle extractor

1959年
喺紐約南蘭辛一個細細嘅班房入面
舉辦咗個新嘅訓練班
呢個訓練班
後嚟成為咗一個全球嘅培訓課程
幫助長老同助理僕人
更好噉照顧上帝嘅子民
呢個培訓一直持續到今日
最近組織舉辦咗
2025工作年度嘅王國職務訓練班
培訓同鼓勵咗世界各地受委任嘅弟兄
包括分區監督、長老同助理僕人
呢個訓練班係點樣舉辦嘅呢？
參加嘅弟兄又得到乜嘢益處？
王國職務訓練班
係由中央長老團嘅傳道委員會負責督導㗎
過去幾十年呢個訓練班已經舉辦咗好多次
呢個訓練班係我哋
培訓受委任嘅弟兄嘅一個重要方法
而2025工作年度舉行嘅訓練班係好特別㗎
點特別法呢？
有三個地方同以前唔同
首先組織第一次撥款俾中央長老團成員
同佢哋嘅助手
等佢哋可以去其他地方做KMS嘅導師
另外今次有專為分區監督而設嘅一個班
而上一次已經係十年前喇
第三樣特別嘅係
喺咁多年嚟呢個係第一次
邀請弟兄嘅太太嚟一齊聽
訓練班最後兩個演講
喺訓練班見到咁多忠心嘅分區監督
長老、助理僕人
仲有一直支持佢哋嘅太太
真係令我哋好感動呀
見到佢哋嘅笑容
聽到佢哋話幾咁鍾意呢個課程
我哋就明白點解耶和華咁愛佢哋
而我哋亦都好愛佢哋
呢個係第一次喺我哋分部地區裡面
所有分區監督都一齊參加王國職務訓練班
呢個係以前從來都冇試過㗎
啲分區監督都好驚訝
竟然喺呢個訓練班
見到中央長老團成員喎
我感受到耶和華真係好愛佢嘅子民呀
見到呢啲弟兄同佢哋嘅太太
一直努力為耶和華同會眾服務
我哋真係好愛佢哋呀
啲弟兄幫助中央長老團
更加了解弟兄姊妹嘅需要
喺訓練班裡面我哋仲識咗好多新朋友
大家有講有笑互相鼓勵
真係好開心呀
呢次訓練班嘅主題經文係詩篇78:72
「大衛就按心裡嘅忠義牧養佢哋
用高明嘅技巧領導佢哋」
呢個課程幫助學員
更好噉效法耶和華同耶穌
喺牧養嘅部分學員學到要有同情心
耐心仲要以身作則
我真係感覺到耶和華好愛我哋
課程幫我睇出組織不斷進步
好多謝耶和華呀
我睇出耶和華同神聖力量會幫助我哋
所以我哋唔係孤軍作戰㗎
一啲分部委員會成員
都有份去做訓練班導師㗎
佢哋嘅參與為啲弟兄帶嚟好大嘅鼓勵
可以同咁多長老弟兄一齊上堂
就已經俾到我好大力量
我哋好多謝分區監督、長老同助理僕人
佢哋一直以嚟付出嘅努力
好開心有機會做佢哋嘅導師
鼓勵佢哋
親自多謝佢哋
同埋話俾佢哋知我哋好愛好重視佢哋
雖然訓練班係要花費時間同金錢
不過帶嚟嘅益處係遠遠超過所付出㗎
我哋衷心多謝弟兄姊妹嘅慷慨捐獻
令到今次王國職務訓練班能夠順利舉行
2025年嘅王國職務訓練班
有好多特色同以前唔同
可以話係個重要嘅里程碑呀
俾我哋清楚睇出
耶和華真係好愛佢嘅子民

組織成就了什麼事——2025王國職務訓練班