JW subtitle extractor

1959年
喺纽约南兰辛一个细细嘅班房入面
举办咗个新嘅训练班
呢个训练班
后嚟成为咗一个全球嘅培训课程
帮助长老同助理仆人
更好噉照顾上帝嘅子民
呢个培训一直持续到今日
最近组织举办咗
2025工作年度嘅王国职务训练班
培训同鼓励咗世界各地受委任嘅弟兄
包括分区监督、长老同助理仆人
呢个训练班系点样举办嘅呢？
参加嘅弟兄又得到乜嘢益处？
王国职务训练班
系由中央长老团嘅传道委员会负责督导㗎
过去几十年呢个训练班已经举办咗好多次
呢个训练班系我哋
培训受委任嘅弟兄嘅一个重要方法
而2025工作年度举行嘅训练班系好特别㗎
点特别法呢？
有三个地方同以前唔同
首先组织第一次拨款俾中央长老团成员
同佢哋嘅助手
等佢哋可以去其他地方做KMS嘅导师
另外今次有专为分区监督而设嘅一个班
而上一次已经系十年前喇
第三样特别嘅系
喺咁多年嚟呢个系第一次
邀请弟兄嘅太太嚟一齐听
训练班最后两个演讲
喺训练班见到咁多忠心嘅分区监督
长老、助理仆人
仲有一直支持佢哋嘅太太
真系令我哋好感动呀
见到佢哋嘅笑容
听到佢哋话几咁钟意呢个课程
我哋就明白点解耶和华咁爱佢哋
而我哋亦都好爱佢哋
呢个系第一次喺我哋分部地区里面
所有分区监督都一齐参加王国职务训练班
呢个系以前从来都冇试过㗎
啲分区监督都好惊讶
竟然喺呢个训练班
见到中央长老团成员㖞
我感受到耶和华真系好爱佢嘅子民呀
见到呢啲弟兄同佢哋嘅太太
一直努力为耶和华同会众服务
我哋真系好爱佢哋呀
啲弟兄帮助中央长老团
更加了解弟兄姊妹嘅需要
喺训练班里面我哋仲识咗好多新朋友
大家有讲有笑互相鼓励
真系好开心呀
呢次训练班嘅主题经文系诗篇78:72
“大卫就按心里嘅忠义牧养佢哋
用高明嘅技巧领导佢哋”
呢个课程帮助学员
更好噉效法耶和华同耶稣
喺牧养嘅部分学员学到要有同情心
耐心仲要以身作则
我真系感觉到耶和华好爱我哋
课程帮我睇出组织不断进步
好多谢耶和华呀
我睇出耶和华同神圣力量会帮助我哋
所以我哋唔系孤军作战㗎
一啲分部委员会成员
都有份去做训练班导师㗎
佢哋嘅参与为啲弟兄带嚟好大嘅鼓励
可以同咁多长老弟兄一齐上堂
就已经俾到我好大力量
我哋好多谢分区监督、长老同助理仆人
佢哋一直以嚟付出嘅努力
好开心有机会做佢哋嘅导师
鼓励佢哋
亲自多谢佢哋
同埋话俾佢哋知我哋好爱好重视佢哋
虽然训练班系要花费时间同金钱
不过带嚟嘅益处系远远超过所付出㗎
我哋衷心多谢弟兄姊妹嘅慷慨捐献
令到今次王国职务训练班能够顺利举行
2025年嘅王国职务训练班
有好多特色同以前唔同
可以话系个重要嘅里程碑呀
俾我哋清楚睇出
耶和华真系好爱佢嘅子民

组织成就了什么事——2025王国职务训练班