JW subtitle extractor

Nan ane 1959,
yo te fè yon nouvo lekòl
nan South Lansing,
Nouyòk, Etazini.
Lekòl sa a te vin tounen
yon pwogram fòmasyon
sou tout kò tè a
pou ede ansyen ak sèvitè
ministeryèl yo
pran swen pèp Jewova a.
Lekòl sa a kontinye jodi a.
Sa pa gen twò lontan,
yo te fè Lekòl ministè Wayòm
pou ane sèvis 2025 lan
ki te fòme epi ankouraje plizyè
milye siveyan sikonskripsyon,
ansyen ak sèvitè ministeryèl
toupatou sou tè a.
Ki jan yo te òganize lekòl sa a
e ki byenfè moun ki te
patisipe yo te jwenn?
Se Komite pou sèvis Kolèj
santral la ki responsab
Lekòl ministè Wayòm nan
e sa fè anpil ane depi l ap
òganize klas sa yo.
Lekòl sa a se youn nan
mwayen prensipal
nou fòme frè ki nome
toupatou sou tè a,
e lekòl ane 2025 lan te
vrèman estrawòdinè!
Gen twa bagay ki fè
lekòl ane 2025 lan
te diferan.
Pa egzanp,
se premye fwa
òganizasyon an te peye
pou manm Kolèj santral yo
ak frè k ap ede yo
vwayaje pou y al anseye
nan lekòl sa yo.
Yon dezyèm bagay,
te gen klas pou siveyan
sikonskripsyon yo sèlman,
sa ki pa t fèt pandan dis
dènye ane yo.
Yon lòt bèl bagay ki te fèt ankò,
se premye fwa nan listwa,
madanm frè yo te ka asiste
de dènye diskou yo
ansanm ak mari yo.
Sa fè nou kontan lè n ap
gade oditwa a
pou nou wè siveyan sikonskripsyon,
ansyen, sèvitè ministeryèl ak
madanm yo k ap soutni yo,
sa vrèman touche kè nou.
Lè n ap gade yo k ap souri,
nou tande yo k ap di jan
yo renmen lekòl la,
sa fè nou sonje jis nan ki pwen
Jewova renmen yo
e jis nan ki pwen nou
renmen yo anpil.
Se premye fwa,
tout siveyan sikonskripsyon
nan tèritwa filyal nou an
te rankontre menm kote pou
Lekòl ministè Wayòm nan.
Sa pa t janm rive anvan sa.
Siveyan sikonskripsyon yo
te sezi paske yo pa t atann
t ap gen yon manm
Kolèj santral la
ki nan menm lekòl
ansanm avèk yo.
Sa montre nou toutbon
nan ki pwen Jewova vrèman
gen sousi pou pèp li a.
Nou te aprann anpil
nan bèl egzanp gason
ak medam fidèl sa yo.
Nou renmen yo anpil.
Yo jwe yon gwo wòl nan
ede Kolèl santral la
konprann bezwen frè ak sè yo
toupatou sou tè a.
E mete sou sa, nou te pase
anpil bèl moman.
Nou gen anpil nouvo zanmi.
Nou youn te jwenn ankourajman
nan men lòt.
Tèm lekòl la te baze
sou Sòm 78:72.
Li di:
“David te pran swen yo
avèk fidelite e ak tout kè l.
Li te dirije yo avèk anpil ladrès.”
Pwogram nan te ede moun
ki te asiste yo
pou yo pi byen imite
Jewova ak Jezi.
Leson sou fason pou n
pran swen twoupo a
te ankouraje n pou n mete n
nan plas lòt moun,
demontre pasyans,
epi bay egzanp.
Lekòl la te ede m wè Jewova
renmen nou anpil.
Se yon bèl kado Jewova ban nou.
Òganizasyon an kontinye ap vanse.
Fòmasyon sa yo ede n wè
nou kapab jwenn èd.
Jewova ap ede nou,
lespri l ap ede nou.
Gen kèk nan manm Komite
filyal yo ki te enstriktè.
Yo menm tou, yo te bay
frè yo ankourajman.
Waw! Se pa ti fòs ak
ankourajman nou jwenn
paske nou ansanm ak
lòt ansyen parèy nou.
Epitou, nou rekonesan
pou travay di
siveyan sikonskripsyon yo,
ansyen yo ak sèvitè
ministeryèl yo ap fè.
Nou te kontan ba yo fòmasyon,
ankouraje yo,
di yo mèsi pèsonèlman,
epi di yo nan ki pwen
nou renmen yo
e nou gen respè pou yo.
Se vre, nou te bezwen
fè kèk depans.
Men, byenfè espirityèl
nou te jwenn yo
pi enpòtan lontan pase
kèlkeswa depans lan.
Nou vle di nou mèsi
frè ak sè nou yo
pou ofrann nou te fè ki te
pèmèt lekòl sa a posib.
Lekòl ministè Wayòm
pou ane 2025 lan
te yon evènman enpòtan,
yon evènman ki montre nou
jis nan ki pwen Jewova
renmen pèp li a.

Sa òganizasyon akonpli — Lekòl ministè Wayòm pou ane 2025 lan