JW subtitle extractor

Na 1959, un novu skóla kumesa ta fazedu
na South Lansing, Nova Iórki.
Dipôs kel skóla li bira ta fazedu na mundu interu,
pa djuda ansions i ajudantis di kongregason toma kónta di kongregason.
I inda el sta ta djuda kes irmon li.
Ka dura li, Skóla pa Trabadju di Reinu pa anu di sirvisu di 2025
trena un monti di enkaregadu di grupu di kongregason,
ansions i ajudantis di kongregason na mundu interu i da-s koraji.
Modi ki kel skóla li organizadu?
I modi ki el djuda kes ki sisti-l?
Kumison di sirvisu di Grupu Enkaregadu di Óbra
ten responsabilidadi di organiza Skóla pa Trabadju di Reinu
i dja ten txeu anu ki nu sta ta faze kel-li.
Kel skóla li é un di kes manera prinsipal
di trena ansions i ajudanti na mundu interu.
I skóla pa 2025 foi spesial!
Kel skóla li foi spesial pamodi três kuza.
Primeru, foi primeru bês ki uzadu kontribuison
pa kes irmon di Grupu Enkaregadu i ses ajudanti
bai pa otus país pa ser instrutor na es skóla.
Sugundu, dja tinha 10 anu ki ka tinha matéria
ki éra prinsipalmenti pa kes enkaregadu di grupu di kongregason.
I kel tirseru kuza bunitu é ki dipôs di txeu anu,
kel-li foi primeru bês ki irmans konvidadu,
pa obi kes últimu dôs diskursu djuntu ku ses maridu.
Odja lialdadi di kes enkaregadu di grupu di kongregason,
kes ansion, kes ajudanti di kongregason i ses mudjer
é un kuza ki mexe ku nos própi.
Odja ses sorizu i obi-s ta fla modi ki es gosta di kel skóla
lenbra-nu pamodi ki Jeová ta ama-s di korason
i pamodi ki nu ta ama-s tanbê.
Pa primeru bês, tudu enkaregadu di grupu di kongregason
di tiritóriu di nos filial sisti kel skóla
tudu djuntu na mésmu lugar.
Es fika dimiradu i kontenti
pamodi es ka staba ta spera ma un irmon
di Grupu Enkaregadu di Óbra
ta staba na ses turma di Skóla pa Trabadju di Reinu.
Kel-li mostra-m ma Jeová ta preokupa ku se povu di verdadi.
Nu prende txeu ku izénplu di sakrifisiu
i lialdadi di kes irmon ku ses mudjer.
Nu ta ama-s di korason.
Kes irmon ta djuda Grupu Enkaregadu sabe kuzê
ki nos irmons ku irmans na mundu interu meste.
Alén di kel-li, nu gosta txeu di sta djuntu ku es.
Nu faze novus amigu.
I nu da kunpanheru koraji.
Téma di kel skóla tradu di Salmu 78:72, ki ta fla:
“El pastora-s ku un korason lial, i el gia-s ku sabedoria.”
Prugrama di kel skóla djuda kes ki sisti
imita Jeová i Jizus más midjór,
i tanbê na faze pastoreiu, poi na lugar di otus,
mostra paxénxa i da un bon izénplu.
N prende ma Jeová ta ama-nu txeu.
É un prezenti di Jeová, i el ta djuda-nu
odja ma organizason sta ta midjora.
Kel skóla li sta djuda-nu odja ma nu ka sta nos sô,
Jeová sta djuda-nu i se spritu sta djuda-nu.
Alguns irmon di Kumison di Filial foi instrutor na kel skóla.
Es tanbê, es inkoraja kes irmon txeu.
Sô di sta djuntu ku otus ansion ta da-nu forsa.
Nu ta agradese pa kel trabadju duru
di kes enkaregadu di grupu di kongregason,
di kes ansion i di kes ajudanti di kongregason.
É un priviléjiu ser ses instrutor,
da-s koraji, agradese-s róstu ku róstu
i fla-s ma nu ta ama-s i nu ta ruspeta-s!
Enbóra gastadu ténpu i kontribuison,
kes bon rezultadu di kel skóla li ka ten présu.
Nu ta agradese nhos, irmons ku irmans ki nu krê txeu,
pa nhos kontribuison ki djuda pa kel skóla li fazedu.
Skóla pa Trabadju di Reinu pa anu di sirvisu di 2025
foi un kuza inportanti pa organizason.
I el mostra klaru ma Jeová ta ama se povu.

Kuzas ki nos organizason dja faze — Skóla pa Trabadju di Reinu di 2025