JW subtitle extractor

Long 1959, wan niu skul i stat
long South Lansing, Niu Yok,
mo i gat ol studen we oli kam
joen long skul ya.
Biaen, oli mekem skul ya long
olgeta ples long wol,
blong trenem ol elda mo man blong givhan
blong oli lukaot gud long
ol sipsip blong Jehova.
Skul ya i gohed yet tede.
Long sevis yia blong 2025,
oli mekem Kingdom Ministri Skul long fulwol.
Blong trenem mo leftemap tingting
blong plante taosen eria elda,
ol elda, mo ol man blong givhan.
?Oli oganaesem skul ya olsem wanem?
?Mo olsem wanem skul ya i
givhan long olgeta we oli joen?
Sevis Komiti blong Hed Kampani nao
i oganaesem Kingdom Ministri Skul.
Mo i stap oganaesem ol skul olsem
blong plante yia finis.
Skul ya i wan rod blong trenem ol brata
long fulwol we oli putumap olgeta.
Be skul ya we oli mekem
long 2025 i rili spesel.
I gat tri samting we i mekem se
skul blong 2025 i spesel.
Faswan, hemia faswan taem we oganaesesen
i pem rod blong ol memba blong Hed Kampani
mo ol helpa blong olgeta, blong go
long ol defren ples blong tij.
Nambatu samting, i gat ol klas we
i blong ol eria elda nomo,
we long 10 yia finis oli no bin mekem.
Nambatri spesel samting,
hemia faswan taem we ol waef
blong ol brata ya
oli save joenem ol hasban blong olgeta
blong lesin long tufala laswan tok.
Taem mifala i luk traehad blong ol eria elda,
ol elda, ol man blong givhan, mo ol
gudfala waef blong ogleta,
hemia i mekem mifala i glad tumas.
Taem mifala i luk smael blong olgeta,
mo harem ol gudfala komen we oli givim,
hemia i mekem mifala i tingbaot
from wanem Jehova i lavem olgeta,
mo mifala tu i lavem olgeta tumas.
Hemia faswan taem we evri eria elda
long branj teritori blong mifala
oli joen long sem Kingdom Ministri Skul.
Samting ya i neva hapen bifo.
Ol eria elda oli sapraes tumas,
hemia from we oli no ting se
wan memba blong Hed Kampani
bambae i stap wetem olgeta
long Kingdom Ministri Skul.
Hemia i soemaot se Jehova i kea
bigwan long ol man blong hem.
Mifala i glad blong luk olsem wanem
ol gudfala brata ya mo ol waef blong olgeta
oli wok had blong Jehova.
Mifala i rili lavem olgeta.
Wok we oli mekem i givhan long Hed Kampani
blong kasemsave long nid blong
ol brata sista raon long wol.
Mo antap long hemia,
mifala i gat gudtaem tugeta.
Mifala i mitim plante fren
mo mifala i lefleftemap tingting blong mifala.
Stampa tok blong skul ya i stanap
long Ol Sam 78:72.
“Hem i lukaot long olgeta
long fulhat blong hem,
mo i lidim olgeta long gudhan blong hem.”
Program ya i halpem ol brata
blong folemgud eksampol blong
Jehova mo Jisas.
Sam long ol lesen insaed i pulum
ol brata ya blong gat sore,
longfala tingting, mo soem gudfala eksampol.
Mi luksave se Jehova i rili kea long yumi.
Hemia i wan presen we i kam long Jehova.
Mo oganaesesen i stap kam gud moa.
Skul ya i tijim mifala se, mifala i
no stap mifala wan.
Jehova i halpem mifala mo tabu spirit tu.
Sam brata long Branj Komiti tu
oli go blong tij long skul ya.
Mo hemia i leftemap tingting blong
ol brata we oli joen long skul ya.
Taem mifala i joen tugeta wetem
ol narafala elda,
hemia i givim paoa long mifala.
Mifala i glad tumas blong luk traehad blong
ol eria elda, ol elda, mo ol man blong givhan.
I wan privilej blong tijim olgeta,
leftemap tingting blong olgeta,
blong talem tangkiu long olgeta,
mo talem se mifala i lavem
mo respektem olgeta.
I tru se i nidim plante mane
blong ol memba blong Hed Kampani
oli go long ol skul ya,
be ol tijing we ol brata oli lanem
long skul ya i sas moa.
Tangkiu tumas ol gudfala brata mo sista,
ol presen mane we yufala i stap givim
i mekem se mifala i save gat skul ya.
Kingdom Ministri Skul we oli
mekem long 2025,
i wan spesel samting we i hapen
long oganaesesen blong Jehova.
Mo hemia i pruvum long yumi se
Jehova i rili lavem ol man blong hem.

Ol Wok We Oganaesesen i Mekem—Kingdom Ministri Skul Blong 2025