JW subtitle extractor

Na 1959,
mbeni fini ekole abâ gigi na yâ ti mbeni kete klase
na South Lansing, na New York.
Na pekoni ekole ni so aga mbeni ekole so,
ayeke formé a-ancien nga na awakua ti mungo maboko,
ti dunia kue ti bâ lege ti awakua ti Jehovah.
Angbâ ti sara gï tongaso juska laso.
Ade ti ninga ape, na ngu 2025
a leke ekole ti kusala ti Royaume,
ti formé asurveillant ti circonscription,
a-ancien, awakua ti mungo maboko saki mingi na ndö ti sese kue.
Tongana nyen la a leke lani ekole ni?
Aye ti nzoni wa la a-élève ni awara na pekoni?
Komite ti kusala ti Bebungbi
la ayeke bâ lege
ti Ekole ti kusala ti Royaume
nga lo yeke leke akapa ti aklase ni teti angu mingi.
Ekole so ayeke mbeni oko ti akota ye so a sara ti formé aita-koli
so a soro ala ti sara akota kua na yâ ti dunia kue.
Ekole so a leke na 2025 ayeke tâ nde mingi!
Aye ota ayeke dä so asara si ekole so a leke so
ayeke tâ nde mingi.
Na tapande,
a yeke ti kozo ni so bungbi ti Jéhovah
apayé lege na amembre ti Bebungbi
nga na aita so amû maboko na ala
ti gue na ando so ekole ni ayeke dä ti fa ye.
Mbeni ye ni ayeke so
a leke mbeni klase ni gï ndali ti asurveillant
a sara ngu 10 awe la ala sara ni ape so.
Mbeni pendere ye ni ayeke so
ayeke ti kozoni na yâ ti mbaï ti e,
ti tisa awali ti a-élève ni ti ga ti mä
andangba diskur use na terê ti akoli ti ala.
Tongana e bâ azo so aga ti suivre ndangba programme ni,
asurveillant so ayeke be-ta-zo,
a-ancien, awakua ti mungo maboko,
nga na awali ti ala, a ndu bê ti e mingi.
Tongana e bâ yanga ti ala na ngia,
nga so ala tene merci ndali ti aprogramme ni,
a rappelé e na ndani so Jéhovah aye ala mingi,
nga ndani so e nga kue e ye ala mingi.
A yeke ti kozoni,
ti tene asurveillant kue ti territoire ti filiale ti e,
abungbi ndo oko ndali ti Ekole ti kusala ti Royaume.
A yeke ye so ade a sara ni lâ oko ape.
A nzere lani na asurveillant,
nga ahon gbungo li ti ala,
ti bâ mbeni membre ti Bebungbi
so amû mbage na kapa ti Ekole ti kusala ti Royaume ni.
Ye so afa na mbi so,
Jéhovah ayeke bâ vraiment lege ti awakua ti lo.
E manda ye mingi na lege ti tapande
ti sacrifice ti aita-koli be-ta-zo so nga na awali ti ala.
E ye ala mingi.
A-ancien na asurveillant
ayeke sara aye mingi ti aidé Bebungbi
ti hinga ye so aita na yâ ti dunia kue
ayeke na bezoin ni.
Na ndani, e passé pendere moment.
E wara gbâ ti akamarade.
So e duti na terê ti mba, a-encouragé e mingi.
Versê so ayeke mama-tene
ti ekole ni ayeke na Psaume 78:72 so atene:
“Lo bâ lege ti ala na bê ti lo kue,
lo fa lege na ala nzoni, tongana ti zo so ahinga kua ti lo.”
Programe ni a-aidé a-élève ni kue
ti mû tapande ti Jéhovah na Jésus nzoni ahon ti kozo.
Aye ti manda so aluti na ndö ti kua ti berger
a-aidé ala ti bâ mawa ti zo, ti kanga bê,
nga ti fa ye na lege ti tapande ti ala.
Ekole so afa na mbi so Jéhovah aye e mingi.
A yeke mbeni cadeau so alondo na Jéhovah,
a fa so bungbi ti lo angbâ ti gue na li ni.
Kapa so a-aidé e ti bâ so e yeke e oko ape.
Jéhovah a-aidé e; yingo ti lo a-aidé e.
Ambeni membre ti Komite ti filiale
amû nga mbage ti fa ye na ekole ni.
Ala nga kue a-encouragé lani a-élève ni mingi.
Gï ti duti ensemble na amba ti e a-ancien
akpengba e mingi.
E kiri nga merci ndali ti angangu kua ti ala
asurveillant ti e, a-ancien,
nga na awakua ti mungo maboko.
A yeke mbeni pasa ti fa ye na ala,
ti encouragé ala, ti tene merci droit na ala,
nga ti fa na ala so e ye ala mingi nga e ne ala mingi!
Atâa so ahunda ngoi
nga adépensé gbâ ti nginza ndali ti ekole so,
anzoni ye ti pekoni na lege ti yingo ayeke mingi.
E kiri merci na ala kue,
aita-koli na aita-wali,
so ndoye apusu ala ti mû a-offrande,
so a-aidé ti tene a leke ekole so.
Ekole ti kusala ti Royaume so a leke na 2025
ayeke gï mbeni senge ekole ape
ayeke mbeni kpengba ye na yâ ti bungbi ti e,
nga afa na e polele so
Jéhovah aye awakua ti lo kue mingi.

Ambeni kpengba kua so a sara—Ekole ti Kusala ti Royaume ti ngu 2025