JW subtitle extractor

災難通常都係突然發生㗎
不過上帝嘅子民一直有服從指引
做好準備
好多弟兄姊妹因為噉
而保全咗佢哋嘅生命
而家我哋一齊睇吓其中幾位嘅經歷吖
第一個經歷係嚟自剛果民主共和國
幾十年嚟嗰度嘅弟兄姊妹
都要面對政治動盪同武裝衝突
我哋已經喺難民營住咗3年半
後嚟政府叫我哋離開嗰度
因為就快打仗喇
我哋真係好擔心
唔知道要去邊
亦都唔知道之後嘅生活會係點
會眾嘅長老幫助我明白
當時嘅情況係好嚴重㗎
我認真考慮唔同嘅因素
特別係點樣做對屋企人最好
禱告咗好多次之後
我哋成家人決定離開嗰個難民營
爸爸媽媽教我哋執逃生包
叫我哋執啲重要同需要嘅嘢
有咗逃生包對我哋有好大幫助
例如我哋離開嗰陣
手機都有足夠嘅電
而且有其他人嘅電話號碼
噉樣我哋路上
就可以隨時聯絡佢哋
話俾佢哋聽我哋去到邊度
我哋走咗冇幾耐
嗰一帶嘅情況就急轉直下
好多人死咗
無論遇到嘅災難係打仗、火災
抑或其他突發嘅事
只要我哋聽從耶和華組織嘅指引
我哋就可以保全生命
其他地方嘅弟兄姊妹唔係面對武裝衝突
而係自然災害
佢哋同樣要做好準備
我哋睇吓2024年颶風海倫妮
點樣影響美國嘅弟兄姊妹吖
當你住嘅地方好少遇到自然災害
你就會有種錯覺
以為呢度好安全
我哋住喺山上面
從來都冇諗過
颶風會對我哋有咁大嘅影響
不過我哋噉諗真係大錯特錯呀
呢個颶風影響咗好多地方
佢嘅破壞力真係好大
係我從來都冇經歷過㗎
所以我哋嗰時好驚呀
因為我哋唔單止要照顧自己
仲要顧及我哋媽咪嘅安全
耶和華經常通過組織
聚會嘅資料弟兄姊妹嘅經歷
提醒我哋要隨時做好準備
所以我哋啱啱搬嚟
好多嘢都仲喺啲箱度
不過我哋都會確保個逃生包
係隨時都可以攞到嘅
當時我哋想出去搵更安全嘅地方
但係見到周圍都立立亂
好在逃生包有晒我哋需要嘅嘢
所以我哋可以返屋企避難
諗返轉頭
有幾樣嘢我哋可以做得好啲㗎
例如我嘅逃生包有好多電筒
不過我好耐冇檢查吓啲電池
點知全部都冇晒電
有電筒都冇用喇
我都估到有啲嘢唔妥㗎喇
當佢打開個逃生包
攞啲電筒出嚟嘅時候
佢突然間靜晒
跟住我就問佢「咩事呀？」
呢個絕對係一個好好嘅教訓呀
耶和華一直提醒我哋
要為呢啲災難做準備
所以如果我哋愛家人嘅話
就會聽耶和華嘅指引
喺能力範圍內
做足準備去應付呢啲突然出現嘅災難
喺馬太福音11:19
耶穌話「一個人係咪有智慧
睇佢嘅結果就知道嘞」
呢兩家人做好準備有好好嘅結果
我哋可以點樣效法佢哋呢？
1 準備好逃生包
2 制定逃生方案
同埋將最新嘅聯絡方式話俾長老知
3 留意警報
4 信賴耶和華聽從組織嘅指引
你哋為突發嘅災難做好準備
耶和華一定會賜福俾你哋㗎

為災難做好準備，以防萬一