JW subtitle extractor

灾难通常都系突然发生㗎
不过上帝嘅子民一直有服从指引
做好准备
好多弟兄姊妹因为噉
而保全咗佢哋嘅生命
而家我哋一齐睇吓其中几位嘅经历吖
第一个经历系嚟自刚果民主共和国
几十年嚟嗰度嘅弟兄姊妹
都要面对政治动荡同武装冲突
我哋已经喺难民营住咗3年半
后嚟政府叫我哋离开嗰度
因为就快打仗喇
我哋真系好担心
唔知道要去边
亦都唔知道之后嘅生活会系点
会众嘅长老帮助我明白
当时嘅情况系好严重㗎
我认真考虑唔同嘅因素
特别系点样做对屋企人最好
祷告咗好多次之后
我哋成家人决定离开嗰个难民营
爸爸妈妈教我哋执逃生包
叫我哋执啲重要同需要嘅嘢
有咗逃生包对我哋有好大帮助
例如我哋离开嗰阵
手机都有足够嘅电
而且有其他人嘅电话号码
噉样我哋路上
就可以随时联络佢哋
话俾佢哋听我哋去到边度
我哋走咗冇几耐
嗰一带嘅情况就急转直下
好多人死咗
无论遇到嘅灾难系打仗、火灾
抑或其他突发嘅事
只要我哋听从耶和华组织嘅指引
我哋就可以保全生命
其他地方嘅弟兄姊妹唔系面对武装冲突
而系自然灾害
佢哋同样要做好准备
我哋睇吓2024年飓风海伦妮
点样影响美国嘅弟兄姊妹吖
当你住嘅地方好少遇到自然灾害
你就会有种错觉
以为呢度好安全
我哋住喺山上面
从来都冇谂过
飓风会对我哋有咁大嘅影响
不过我哋噉谂真系大错特错呀
呢个飓风影响咗好多地方
佢嘅破坏力真系好大
系我从来都冇经历过㗎
所以我哋嗰时好惊呀
因为我哋唔单止要照顾自己
仲要顾及我哋妈咪嘅安全
耶和华经常通过组织
聚会嘅资料弟兄姊妹嘅经历
提醒我哋要随时做好准备
所以我哋啱啱搬嚟
好多嘢都仲喺啲箱度
不过我哋都会确保个逃生包
系随时都可以攞到嘅
当时我哋想出去揾更安全嘅地方
但系见到周围都立立乱
好在逃生包有晒我哋需要嘅嘢
所以我哋可以返屋企避难
谂返转头
有几样嘢我哋可以做得好啲㗎
例如我嘅逃生包有好多电筒
不过我好耐冇检查吓啲电池
点知全部都冇晒电
有电筒都冇用喇
我都估到有啲嘢唔妥㗎喇
当佢打开个逃生包
攞啲电筒出嚟嘅时候
佢突然间静晒
跟住我就问佢“咩事呀？”
呢个绝对系一个好好嘅教训呀
耶和华一直提醒我哋
要为呢啲灾难做准备
所以如果我哋爱家人嘅话
就会听耶和华嘅指引
喺能力范围内
做足准备去应付呢啲突然出现嘅灾难
喺马太福音11:19
耶稣话“一个人系咪有智慧
睇佢嘅结果就知道嘞”
呢两家人做好准备有好好嘅结果
我哋可以点样效法佢哋呢？
1 准备好逃生包
2 制定逃生方案
同埋将最新嘅联络方式话俾长老知
3 留意警报
4 信赖耶和华听从组织嘅指引
你哋为突发嘅灾难做好准备
耶和华一定会赐福俾你哋㗎

为灾难做好准备，以防万一