JW subtitle extractor

Leke terê ti mo ndali ti akota kpale—Akpale so zo aku terê ti lo na ni ape

Video Other languages Share text Share link Show times

Mingi akota kpale apeut ti si
na ngoi so zo aku terê ti lo na ni ape.
Me awakua ti Jéhovah
ayeke leke ka terê ti ala kozo si akpale ti asi.
So ala mä yanga ala leke terê ti ala
asara si ala sö ti fini ti ala.
Zia e mä ye so ambeni zo so ahon na yâ ti akpale avivre ni.
E yeke komanse na République Démocratique ti Congo,
teti angu mingi aita ti e abâ pasi ndali ti aye ti poroso nga na sarango aye ti ngangu.
E sara lani ngu ota na ndambo na yâ ti camp ti aréfugié.
Akota zo ti kodro atene na e ti quitté camp ni
ndali ti so bira ayeke ga.
E gi lani bê ti e mingi.
E hunda terê ti e gigi ayeke duti ande tongana nyen
na fini ndo so e yeke gue dä so.
Wango so a-ancien amû na mbi
a-aidé mbi ti bâ so kpale so ayeke ga ayeke ngangu mingi.
Mbi gbu li lani mingi,
surtout na ndö ti ye so mbi doit ti sara ndali ti afami ti mbi.
Na peko ti so mbi sambela mingi
e mû decizion na sewa ti quitté camp ti aréfugié ni.
Aparent ti e afa na e ti leke abozo so e peut ti mû hio ti hon na ni.
Ala tene lani na e ti mû gï aye so e yeke na bezoin ni.
Oko ti anzoni ye so e wara ayeke so na temps so e quitté,
abatterie ti atéléphone ti e achargé
nga e yeke na numéro ti azo so e ye ti iri ala.
Ye so a-aidé e ti iri azo
nga ti fa na ala ndo e yeke dä na yâ ti tambala ni.
Kete na peko ti so e quitté,
ye ni akiri aga ngangu.
A fâ gbâ ti azo.
Kota kpale apeut ti duti bira, wâ so agbi ndo
nga na ambeni kpale nde.
Me tongana e sara ye alingbi na awango
so bungbi ti Jéhovah ayeke mû ayeke bata fini ti e.
Na yâ ti ambeni kodro
ye so aita ti e ayeke leke terê ti kpe ni
apeut ti duti bira ape me apeut ti duti
mbeni ngu so asuku amû ndo.
Bâ tongana nyen la kota pupu so ayä na 2024
asara ye mingi na ndö ti aita ti e ti États-Unis.
Tongana mo lango na mbeni ndo so akota kpale tongana
yengingo ti sese, ngu so asuku amû ndo
ayeke dä ape,
mo bâ so mo yeke na sécurité.
So e lango na ndo so ahoto ayeke dä
e pensé lâ oko ape so
ngu peut ti suku amû ndo ni.
Me ti vrai ni ye ni a yeke nde na ti so e pensé na ni.
Ngu ni asuku amû ndo kue
asara si gbâ ti aye abuba,
mara ti ye tongaso ade asi lâ oko ape.
Na temps so ye ni so asi na ni,
mbeto akomanse ti sara e ndali ti so,
e ye ti duti sûr so amama ti e
ayeke na sécurité.
Mingi ni Jéhovah ayeke rappelé e ti leke terê ti e.
Lo yeke sara ni na lege ti bungbi ti lo
nga na ambage ti bungbi so e yeke sara
na aye so asi na aita.
Atâa e si tongaso
akungba ti e angbâ na yâ ti carton,
asac ti e so e leke ayeke na terê ti e.
Na ngoi so e gi ti quitté da ti e
e bâ so tongana e hon e peut ti wara kpale,
ni la e décidé ti kiri na yanga-da ti e
ndali ti so e yeke na aye so e yeke na bezoin ni.
So e kiri e ga ti bâ so
e yeke na ambeni kete so e doit fade ti bâ ni nzoni.
Na tapande, e yeke na gbâ ti atorche
me mbi wara lege ti vérifié apile ni ape.
Apile ni kue abuba na peut ti sara kua ape.
Na temps so lo zi yanga ti sac
ti sigi na atorche ni,
lo duti kpô lo zi yanga ape
na mbi bâ so mbeni ye ava ape,
na mbi hunda lo mbi tene:
“Nyen la apassé nyen?”
Ge, e ngbâ biani e manda mbeni kpengba ye.
Jéhovah angbâ lakue ti rappelé e
ti leke terê ndali ti akota tongaso.
E yeke fa so e ye azo ti sewa ti e na ngoi so
e yeda na fango lege ti Jéhovah
nga e sara ye kue so e peut ti sara ti duti prêt ndali ti kota kpale.
Na Matthieu 11:19, Jésus atene:
“A yeke hinga so ndara ayeke mbilimbili na lege ti aye ti peko ni.”
Tongana ti aita ti e so,
e yeke fa so e yeke na ndara tongana:
(1) E leke kozo mbeni bozo so e peut ti mû ni hio,
(2) e hinga ye so e doit ti sara nga ndo so e doit ti gue dä,
e fa afini sango na ndö ti e na a-ancien,
(3) e mä awango so a yeke mû,
(4) e sara confiance na Jéhovah
nga e sara ye so bungbi ti lo ayeke fa na e.
Zia Jéhovah asara tufa na ndö ti a-effort so
mo yeke sara ti leke terê ti mo
ndali ti kpale so zo aku terê na ni ape.