JW subtitle extractor

弟兄姊妹
中央長老團真係好想多謝大家咁慷慨
支持上帝嘅組織
你哋嘅捐款可以榮耀耶和華
一定令佢好開心嘞
噉你捐款嗰陣
會唔會都諗過呢個問題呢？
就係組織會用呢啲錢嚟做乜嘢呢？
喺呢個影片
我哋會帶大家去唔同地方
睇吓你哋嘅捐款
究竟成就咗乜嘢事
我哋亦都會訪問一啲年輕人
聽吓佢哋對捐款嘅睇法
第一站我哋會去到哥斯達黎加
2025年10月嘅捐款感謝信提到
而家有越嚟越多嘅弟兄姊妹
可以擁有自己母語嘅聖經喇
信入面特別講到
喺莫桑比克講茨瓦語嘅弟兄姊妹
收到佢哋自己母語嘅《新世界譯本》之後
佢哋都好開心呀
我都覺得好感動
呢個幫我學到
就算我哋嘅捐款好少都好
耶和華都能夠用呢啲錢
將好消息傳播到世界嘅每一個角落
我真係好開心
我可以透過捐款
支持上帝嘅王國
其實只要你
每個月喺網上捐款之後
都會收到一封
嚟自組織嘅感謝信
好多人睇完之後都受到鼓勵
有啲仲會喺家庭崇拜嘅時候
攞返出嚟一齊睇
呢啲信會幫我哋睇出
我哋嘅捐款可以點樣幫助
世界各地嘅弟兄姊妹榮耀耶和華
下一站我哋去喀麥隆吖
我好愛耶和華同佢嘅組織
所以我好想捐款
支持組織嘅工作
雖然我仲好細個
但係我都好想為耶和華做啲嘢
爸爸媽媽俾零用錢我嘅時候
我都會攞一部分出嚟
擺入聚會所嘅捐款箱
支持全球嘅傳道工作
有時亦都會擺落大會嘅捐款箱入面
當我去參觀分部
見到新嘅展覽嗰陣
我真係超級開心呀
因為有弟兄姊妹同埋我嘅捐款
先至可以有呢啲展覽
原來我嘅捐款
係咁有意義㗎
呢啲新嘅展覽幫我了解
我哋地區傳道工作嘅發展歷史
令我對耶和華更加有信心呀
無論你係幾多歲
你都可以好似呢個小朋友咁開心
當你知道喺你嘅分部地區
組織完成咗啲事嗰陣
要記得呢啲都係全靠你嘅捐款
先至可以做到㗎
最後一站我哋會去泰國
當我睇到有篇文章講
啲捐款點樣用喺拍攝
《耶穌嘅一生》呢套影劇嗰陣
真係令我好感動
我知道要拍呢個影劇
一點都唔容易
需要付出好多時間
人力同埋錢
而啲弟兄喺背後
一定做咗好多準備功夫
先可以令大家好開心噉
做好呢項工作
我好多謝耶和華
將《耶穌嘅一生》呢套劇送俾我哋
呢個幫助我更加了解
耶和華同耶穌之間嘅感情有幾深
最重要嘅係
亦都令我更加想親近耶和華同耶穌
你係咪都好想快啲睇到
新一集嘅《耶穌嘅一生》呢？
有你嘅捐款
我哋先至可以繼續拍呢啲咁好嘅影片
喺分部舉辦展覽
翻譯聖經
同埋完成其他工作
想唔想知道你嘅捐款
仲用咗喺邊啲地方呢？
你可以上 jw.org
喺多媒體圖書館揀系列文章
跟住揀捐款嘅用途
你就會見到一系列嘅文章
幫你了解啲捐款
點樣用喺世界各地唔同地方
可以通過捐款榮耀耶和華嘅名
真係我哋嘅榮幸呀
大衛王攞啲財物出嚟
資助聖殿工程嗰陣都有同樣嘅感覺
喺歷代志上29:14佢話
「我算係啲咩呢
我嘅人民又算係啲咩呢
竟然能夠自願獻上呢啲禮物？
萬物都係由你嗰度嚟㗎
我哋獻俾你嘅
都係由你手嗰度得嚟嘅」
雖然所有嘢都係來自耶和華
佢咩嘢都有
但係佢就俾機會我哋
為佢嘅工作出一啲力
耶和華留意嘅唔係我哋捐咗幾多
佢重視嘅係我哋嘅心意
佢知道我哋噉做
係因為好愛佢
好想崇拜佢
亦都好想榮耀佢
中央長老團好想再次
多謝大家慷慨捐獻
同一時間我哋亦都要多謝耶和華
俾機會我哋用佢俾我哋嘅嘢
去回報佢

慷慨捐獻，榮耀耶和華