JW subtitle extractor

弟兄姊妹
中央长老团真系好想多谢大家咁慷慨
支持上帝嘅组织
你哋嘅捐款可以荣耀耶和华
一定令佢好开心嘞
噉你捐款嗰阵
会唔会都谂过呢个问题呢？
就系组织会用呢啲钱嚟做乜嘢呢？
喺呢个影片
我哋会带大家去唔同地方
睇吓你哋嘅捐款
究竟成就咗乜嘢事
我哋亦都会访问一啲年轻人
听吓佢哋对捐款嘅睇法
第一站我哋会去到哥斯达黎加
2025年10月嘅捐款感谢信提到
而家有越嚟越多嘅弟兄姊妹
可以拥有自己母语嘅圣经喇
信入面特别讲到
喺莫桑比克讲茨瓦语嘅弟兄姊妹
收到佢哋自己母语嘅《新世界译本》之后
佢哋都好开心呀
我都觉得好感动
呢个帮我学到
就算我哋嘅捐款好少都好
耶和华都能够用呢啲钱
将好消息传播到世界嘅每一个角落
我真系好开心
我可以透过捐款
支持上帝嘅王国
其实只要你
每个月喺网上捐款之后
都会收到一封
嚟自组织嘅感谢信
好多人睇完之后都受到鼓励
有啲仲会喺家庭崇拜嘅时候
攞返出嚟一齐睇
呢啲信会帮我哋睇出
我哋嘅捐款可以点样帮助
世界各地嘅弟兄姊妹荣耀耶和华
下一站我哋去喀麦隆吖
我好爱耶和华同佢嘅组织
所以我好想捐款
支持组织嘅工作
虽然我仲好细个
但系我都好想为耶和华做啲嘢
爸爸妈妈俾零用钱我嘅时候
我都会攞一部分出嚟
摆入聚会所嘅捐款箱
支持全球嘅传道工作
有时亦都会摆落大会嘅捐款箱入面
当我去参观分部
见到新嘅展览嗰阵
我真系超级开心呀
因为有弟兄姊妹同埋我嘅捐款
先至可以有呢啲展览
原来我嘅捐款
系咁有意义㗎
呢啲新嘅展览帮我了解
我哋地区传道工作嘅发展历史
令我对耶和华更加有信心呀
无论你系几多岁
你都可以好似呢个小朋友咁开心
当你知道喺你嘅分部地区
组织完成咗啲事嗰阵
要记得呢啲都系全靠你嘅捐款
先至可以做到㗎
最后一站我哋会去泰国
当我睇到有篇文章讲
啲捐款点样用喺拍摄
《耶稣嘅一生》呢套影剧嗰阵
真系令我好感动
我知道要拍呢个影剧
一点都唔容易
需要付出好多时间
人力同埋钱
而啲弟兄喺背后
一定做咗好多准备功夫
先可以令大家好开心噉
做好呢项工作
我好多谢耶和华
将《耶稣嘅一生》呢套剧送俾我哋
呢个帮助我更加了解
耶和华同耶稣之间嘅感情有几深
最重要嘅系
亦都令我更加想亲近耶和华同耶稣
你系咪都好想快啲睇到
新一集嘅《耶稣嘅一生》呢？
有你嘅捐款
我哋先至可以继续拍呢啲咁好嘅影片
喺分部举办展览
翻译圣经
同埋完成其他工作
想唔想知道你嘅捐款
仲用咗喺边啲地方呢？
你可以上 jw.org
喺多媒体图书馆拣系列文章
跟住拣捐款嘅用途
你就会见到一系列嘅文章
帮你了解啲捐款
点样用喺世界各地唔同地方
可以通过捐款荣耀耶和华嘅名
真系我哋嘅荣幸呀
大卫王攞啲财物出嚟
资助圣殿工程嗰阵都有同样嘅感觉
喺历代志上29:14佢话
“我算系啲咩呢
我嘅人民又算系啲咩呢
竟然能够自愿献上呢啲礼物？
万物都系由你嗰度嚟㗎
我哋献俾你嘅
都系由你手嗰度得嚟嘅”
虽然所有嘢都系来自耶和华
佢咩嘢都有
但系佢就俾机会我哋
为佢嘅工作出一啲力
耶和华留意嘅唔系我哋捐咗几多
佢重视嘅系我哋嘅心意
佢知道我哋噉做
系因为好爱佢
好想崇拜佢
亦都好想荣耀佢
中央长老团好想再次
多谢大家慷慨捐献
同一时间我哋亦都要多谢耶和华
俾机会我哋用佢俾我哋嘅嘢
去回报佢

慷慨捐献，荣耀耶和华