JW subtitle extractor

Buk ya !Enjoem Laef Olwe!
i kamaot long 2021.
Plante milian man oli stadi long buk ya.
Mo buk ya i givhan long bitim 1 milian man
blong oli baptaes.
Bambae yumi luk olsem wanem
buk ya i givhan long yumi,
blong mekem ol Baebol stadi
long fasin we i isi.
Fastaem, bae yumi tokbaot
faswan haf blong ol lesen.
Haf ya i tokbaot ol stamba trutok blong Baebol
we lesen ya i stanap long hem.
Leftemap tingting blong stadi,
blong i ridim ol haf ya hem wan fastaem.
Olsem nao bae yutufala i no nid blong ridim
haf ya long taem blong stadi.
No spenem tumas taem long haf ya,
from we nekis haf bae i
tokbaot moa ol poen ya.
Askem nomo ol kwestin we i stap long blak raeting
mo ridim ol vas we oli putum se “Ridim.”
Olsem nao bae yu gat moa taem
blong mekem ol nekis haf.
Naoia bae yumi muv i go long haf ya
“Digim Moa.”
Haf ya i blong givhan long yu
blong kasem hat blong stadi blong yu.
I gat ol kwestin,
ol impoten vas,
ol pija,
mo ol video.
Tingbaot se mak blong yu i blong pulum stadi
blong hem nao i toktok moa, be i no yu.
No spenem tumas taem long wanwan poen.
?Be olsem wanem long ol video?
I gud yu wajem ol video bifo
long taem blong stadi.
Sipos yu luk se wan video i no stret
long nid blong stadi blong yu,
i no nid blong wajem.
Mo sipos yutufala i no naf
blong wajem ol video
no wari, yutufala i save gotru nomo
long ol haf we i stap long buk,
mo gat wan gudfala stadi.
Naoia bae yumi tokbaot ol nekis haf.
Ol laswan haf we i stap long wan lesen,
i blong givhan long wan stadi
blong i tingbaot ol poen
mo i folem ol samting we hem i lanem.
Ridim “Samari,”
askem ol kwestin blong “Tingtingbak,”
mo tokbaot “Nekis Step”
we stadi blong yu i wantem kasem.
?Olsem wanem long haf ya “Faenemaot”?
Haf ya i blong ansarem ol kwestin
blong stadi blong yu,
mo givhan long hem blong i
folem ol samting we hem i lanem.
Be i no nid blong gotru long haf ya
long taem blong stadi.
Stadi blong yu i save gotru long haf ya
hem wan sipos hem i wantem.
Be yu save jusum blong tokbaot wan o tu poen long haf ya,
sipos yu luk se i stret long wan
kwestin o nid blong hem.
Olsem we yumi jes luk, oli wokem buk ya
blong yumi save finisim wan lesen
evri taem we yumi stadi wetem wan man.
Be wanwan Baebol stadi i defren.
Mo sam lesen oli longfala moa.
Taswe i gud yu no toktok tumas
o spenem tumas taem long ol poen
we oli no impoten long lesen ya,
mo ol topik we stadi i kasemsave
finis long hem.
Mo tu, folem nid blong stadi blong yu,
yu save go stret long wan narafala lesen
we yu luk se bambae i givhan moa long hem.
Mo sipos yu luk se wan lesen
i no stret long hem,
yutufala i no nid blong stadi long hem.
Eksampol, maet yu luk se wan lesen i no stret
long ples we yufala i laef long hem,
o kalja blong stadi blong yu.
?Be olsem wanem sipos stadi blong yu
i askem sam kwestin we i no
stap long lesen ya?
Fastaem, traem luksave sipos hem i nid blong
save ansa blong kwestin ya naoia.
?Hem i nid blong save ansa blong kwestin ya
blong hem i gohed gud?
Sipos hem i wantem save nomo,
yu save soem long hem
olsem wanem hem i save
faenem ansa hem wan,
o hem i save raetem kwestin blong hem
long haf ya “Tingtingbak”
we i stap long en blong wanwan seksen.
?Olsem wanem sipos stadi blong yu i baptaes
bifo we hem i finisim ol lesen blong buk ya?
Afta we hem i baptaes i gud yutufala i gohed
blong stadi kasem we hem i finisim buk ya.
Yes buk ya i givhan long yumi blong mekem
ol gudfala Baebol stadi long fasin we i isi.
Wetem help blong Jehova,
yumi wantem halpem plante moa man
blong oli lanem trutok
we i lidim olgeta blong kasem laef olwe.

Rod Blong Yusum Buk Ya !Enjoem Laef Olwe!