JW subtitle extractor

Yumi laef long wan taem we i had tumas.
Nating se teknoloji i stap kam antap,
be plante trabol i stap yet olsem wo,
kakae i sot, ol sik
mo ol defren kaen disasta.
Antap moa, yumi stap fesem
strong fasin agens we i kam
long olgeta we oli no save Jehova.
!Yes, yumi wantem fri long ol trabol ya!
Buk blong Revelesen i tokbaot filing blong samfala
we oli ded from bilif blong olgeta.
I olsem we oli se:
‘Hae Masta, yu yu tabu mo yu tru.
?Wetaem bambae yu jajem mo givim panis
long olgeta from blad blong mifala?’
Nating se ol gudfala man olsem oli mas wet smol,
be Jisas Kraes i talem nambawan tok ya
long Revelesen 10:6 se:
“Bambae hem i no moa save wet bakegen.”
!Hemia gud nius ya!
Fulwan buk blong Revelesen i gud nius
blong olgeta we oli lavem Jehova.
I tokbaot ol bigfala samting blong fiuja,
be yumi no nid blong fraet,
from bambae Jehova i lukaot long yumi.
Gud nius we Revelesen i tokbaot,
i soemaot se ol trabol blong yumi tede,
bae i finis no longtaem.
Mo evri promes bambae i kamtru from wan man,
Jisas Kraes.
Revelesen 1:1 i se:
“Hemia ol samting we God i givim long
Jisas Kraes blong hem i soemaot.”
Revelsesen i tokbaot ol samting we i hapen
long “dei blong Masta”,
we i minim wan period we i stat taem
Masta Jisas i kam king long 1914
mo i gohed kasem en blong Rul blong hem
blong Wan Taosen Yia.
Mo long Revelesen,
yumi ridim se Jisas
bambae i spolem ol enemi blong God,
i finisim fasin safa,
mo i mekem wol ya i kam wan paradaes.
Ol promes ya oli ol trufala promes.
Revelesen 1:1 i soem se:
“Ol samting ya bambae oli hapen i no longtaem.”
?Nao wanem samting bae i hapen i no longtaem?
?Bae Jisas i mekem wanem long taem ya?
?Mo bambae hemia i givhan long yumi olsem wanem?
I gud yumi tingbaot fastaem
samting we bae i hapen
long ol giaman skul raon long wol.
Bae yumi go long Revelesen japta 18.
Revelesen i tokbaot ol giaman skul
olsem wan prostitut
we nem blong hem, Bigfala Babilon.
Blong longtaem,
hem i stap spolem mo kilim ol man blong God.
Antap moa,
hem i stap pulum ol man wetem ol giaman tijing.
Hem i kontrolem plante man long wol.
Be i no longtaem, bambae i gat wan jenis.
Taem yumi ridim Revelesen 18:1,
makem samting we bae i hapen long Bigfala Babilon
mo from wanem.
Afta long samting ya,
mi luk wan narafala enjel
i aot long heven i kamdaon.
Hem i gat bigfala paoa,
mo glori blong hem i kasem wol. 
Mo hem i singaot bigwan, i se:
“!Woman ya i foldaon finis!
!Bigfala Babilon i foldaon finis!
!Hem i kam ples blong ol dimon
mo blong evri spirit we oli no klin,
mo ples blong haed blong ol pijin we oli no klin
mo we man i no laekem olgeta nating!
Hemia from we olgeta nesen
oli drong finis long waen blong hem,
we hemia enikaen doti fasin blong seks
we hem i wantem tumas blong mekem.
Mo ol king blong wol oli mekem enikaen
doti fasin blong seks wetem hem,
mo ol bisnesman blong wol
oli kam rij from ol sas samting
we woman ya i no sem blong hivimap.”
Mo mi harem wan narafala voes
i kamaot long heven, i se:
“Ol man blong mi,
yufala i mas kamaot long hem
sipos yufala i no wantem joen
wetem hem long sin blong hem,
mo sipos yufala i no wantem kasem ol trabol
we bambae hem i kasem. 
Ol sin blong hem oli hivap gogo kasem heven,
mo God i tingbaot ol rabis wok we hem i mekem.
Yufala i mas mekem long hem,
stret olsem we hem i mekem long ol narafala.
Yes, ol samting we hem i mekem,
yufala i mas givimbak tu taem long hem.
Yufala i mas fulumap kap blong hem long waen,
we paoa blong hem i dabolem paoa blong waen
we hem i givim long yufala.
From we woman ya i stap leftemap hem wan,
mo i stap harem gud long ol sas samting
we hem i no sem blong hivimap,
hem i mas harem nogud we i harem nogud
tumas long bodi blong hem
mo hem i mas sore gogo i krae,
from we long hat blong hem, hem i stap talem se:
‘Mi mi wan kwin we mi stap sidaon long
bigfala jea blong mi,
mo mi mi no wan wido,
mo bambae mi neva krae from we mi sore.’
Nao from samting ya,
long wan dei nomo
bambae olgeta trabol blong hem oli kam,
Babilon i luk hem wan olsem wan kwin
we paoa blong hem i neva save foldaon.
Hem i flas olsem,
from blong longtaem finis hem i gat paoa.
Be sore tumas,
wan trabol i stap kam mo bambae i kasem hem,
olsem se “long wan dei nomo.”
?Be Jisas i mekem wanem long taem ya?
Luk bakegen long vas 1 mo 2.
?Hu nao i singaot se:
“!Babilon i foldaon finis!”?
Hemia wan enjel we glori blong hem i kasem wol.
?Jehova i givim glori ya long hu?
Long Masta blong yumi, Jisas.
Stat long 1914,
Jisas i kasem paoa blong rul olsem king
mo jaj antap long wol ya.
!Taswe i stret nomo we hem nao
i singaot se Babilon i foldaon finis!
?So wanem woning blong yumi?
!“Kamaot long hem”!
Yumi neva wantem joen wetem wan oganaesesen
we bambae Jehova i spolem.
Jehova i no laekem nating Bigfala Babilon.
!So kamaot long hem!
Yumi luk se plante oli stap kasem mane
mo sapot long ol giaman skul.
Plante lida oli trastem Bigfala Babilon
blong i givhan long olgeta,
olsem long taem blong wo.
Plante oli mekem bisnes wetem hem.
?Be nao, wanem tingting blong olgeta taem
Bigfala Babilon i foldaon?
Bambae yumi faenemaot
long riding blong Revelesen 18:9.
“Mo ol king blong wol we oli mekem enikaen
doti fasin blong seks wetem hem,
mo oli harem gud wetem hem long ol sas
samting we hem i no sem blong hivimap,
bambae oli krae mo oli kilkilim jes blong olgeta
from we oli sore tumas long hem,
taem oli luk smok blong faea we i stap bonem hem.
Bambae oli stanap longwe long hem, from we oli
luk we hem i harem nogud tumas
nao oli fraet, mo oli talem se:
‘!O, sore we sore tumas long yu Babilon,
yu yu wan bigfala taon, mo yu yu wan strong taon,
be long wan aoa nomo jajmen blong yu i kamtru!’
“Mo ol bisnesman blong wol ya tu oli stap krae
mo oli sore tumas long hem,
from we i no moa gat man blong pem
evri kago blong olgeta,
hemia ful kago blong gol, silva, ol sas ston, ol perel,
ol gudfala kaliko ya linen,
ol klos we oli wokem long pepol kaliko
mo long kaliko we i laet red, mo kaliko ya silik.
Mo olgeta samting we oli wokem
long ol wud we oli gat gudfala smel,
mo evri samting we oli wokem long tut blong elefen,
mo long ol wud we oli sas,
mo long kopa, mo long aean,
mo long ston ya mabol,
mo sinamon,
mo ol lif blong India we oli gat gudfala tes,
mo ol insens mo ol oel we oli smel gud olsem senta,
mo frangkinsens, mo waen, mo olif oel,
mo gudfala flaoa, mo wit,
mo ol buluk, mo ol sipsip, mo ol hos,
mo ol kat, mo ol slef,
mo laef blong ol man.
Yes, ol gudfala frut we yu yu wantem tumas
oli gowe finis long yu,
mo olgeta gudgudfala kakae,
mo ol naesfala samting oli aot long yu finis,
oli lus mo neva yu save faenem olgeta bakegen.
“Ol bisnesman we oli salem olgeta samting ya,
mo we oli kam rij from hem,
bambae oli stanap longwe long hem
from we oli luk we hem i harem nogud tumas
nao oli fraet,
mo bambae oli krae mo oli sore, mo oli talem se:
‘!O, sore we sore tumas!
Bigfala taon ya i stap werem ol klos we oli
wokem long gudfala kaliko ya linen,
mo long kaliko ya we i pepol,
mo long kaliko ya we i laet red,
mo we i stap flasem hem long ol samting
we oli wokem long gol,
mo long ol sas ston, mo long ol perel.
!Be long wan aoa nomo, ol rij samting ya oli lus!’
“Mo olgeta kapten blong sip
wetem olgeta pasenja mo olgeta boskru
mo olgeta we oli stap kasem mane blong olgeta
from we oli wok long sip,
oli stap stanap longwe,
mo oli krae taem oli luk smok blong faea
we i stap bonem hem,
mo oli talem se:
‘?Wanem taon i olsem bigfala taon ya?’
Nao oli sakem das i go long hed blong olgeta
mo oli sore nao oli krae we oli krae bigwan,
oli talem se:
‘!O, sore we sore tumas!’”
Oli se: “!O, sore we sore tumas!”
?Be olsem wanem long ol man blong God?
?Bambae olgeta oli harem olsem wanem long taem ya?
Bae yumi ridim long vas 20,
mo bae yumi luk tingting
blong ol man blong God long heven
mo long wol,
taem Bigfala Babilon i foldaon.
Mo tu, makem from wanem ol giaman skul
oli mas kasem wan strong jajmen.
“!O heven, mo yufala ol tabu man wetem
ol aposol, mo ol profet,
yufala i mas glad long samting ya,
from we God i jajem hem finis from ol samting ya
we hem i mekem long yufala!”
Nao wan strong enjel i leftemap wan bigfala ston
olsem bigfala ston blong granem wit,
mo i slingim i go long solwota,
nao i talem se:
“Samting ya nao bambae oli mekem
long bigfala taon ya Babilon,
mo bambae oli neva faenem hem bakegen.
Mo long ples blong yu,
bambae oli neva harem bakegen noes blong
ol man we oli singsing mo oli plei long hap,
mo blong ol man we oli plei miusik,
mo blong ol man we oli blo long flut,
mo blong ol man we oli blo long trampet.
Mo bambae oli neva faenem wan man bakegen
we i gat gudhan blong mekem ol samting,
mo i mekem bisnes long olgeta.
Mo bambae oli neva harem bakegen noes blong
ston we i stap granem wit long ples blong yu,
mo bambae i neva gat laet i saen bakegen,
mo bambae oli neva harem bakegen voes blong
man mo woman we tufala i jes mared.
Ol samting ya oli hapen long yu from we yu yu
gat ol bisnesman we oli ol impoten man long wol,
mo from we yu stap mekem bisnes
blong posen mo kleva,
nao olgeta nesen oli go krangke finis.
Yes, long ples blong hem, oli faenem blad
blong ol profet mo blong ol tabu man,
mo blong olgeta man we ol man oli kilim
olgeta i ded long wol.”
Afta long samting ya, mi harem olsem voes
blong wan bigfala hip blong ol man long heven.
Oli talem se:
“!Yumi presem Jah!
Rod blong sevem man, glori, mo paoa i blong hem nomo, 
from we ol jajmen blong hem oli tru mo oli stret.
Hem i panisim bigfala prostitut ya
we i stap mekem wol i kam nogud long ol doti
fasin blong seks we hem i stap mekem.
Mo hem i panisim woman ya blong pembak blad
blong ol slef blong hem we i stap long han blong hem.”
Nao stret long taem ya,
olgeta oli singaot wan moa taem se:
“!Yumi presem Jah!
Mo smok blong faea we i stap bonem woman ya,
i stap go antap gogo i no save finis.”
Yes, “!Presem Jah!”
?From wanem?
Ol lida blong giaman skul nao oli gat fol
from oli kilim ol profet
mo Jisas Kraes i ded.
Biaen, disaepol Steven
i talem long ol lida blong skul se:
“Ol olfala blong yufala oli kilim i ded olgeta we oli
talemaot fastaem se stret man ya bambae i kam.
Stret man ya nao we yufala i putum hem
long han blong ol enemi,
mo yufala i kilim hem i ded.”
Yes, oli gat janis blong lesin long tok we Steven i talem,
be oli girap oli kilim hem i ded long sem dei.
Long ol yia afta long ded blong Steven,
ol giaman skul oli gohed blong kilim
ol man blong God
mo oli stap spolem wol ya wetem ol
doti fasin blong hem.
So yumi askem bakegen se,
?From wanem yumi “Presem Jah”?
Ol enjel oli ansa se:
“From we ol jajmen blong [God] oli tru mo oli stret.”
God blong yumi Jehova,
bae i meksua se ol giaman skul bae oli neva
save spolem bakegen
ol gudfala man blong hem.
En blong bigfala Babilon,
hem i stat blong period blong taem ya
we Jisas i singaot se
“bigfala trabol.”
?Wanem bambae i hapen afta we ol giaman skul oli lus?
Buk blong Esikel i soem se
ol nesen bambae oli atakem ol man blong Jehova,
olsem “wan bigfala kampani blong ol ami”
mo “olsem ol klaod we oli kavremap wan kantri.”
Be hemia i no faswan taem ya we ol man blong politik,
oli agensem Jehova.
Plante nesen oli agensem finis trufala wosip.
Oli putum tabu long ol miting mo wok blong prij.
Oli putum sam long yumi long kalabus
from we yumi gat wan Baebol
mo from we yumi stap tokbaot God blong yumi.
Samtaem oli spolem nogud ol brata mo sista
from bilif blong olgeta.
I tru, nating se Jehova i letem ol gavman long
wol blong oli rulum yumi,
be yumi respektem olgeta.
Mo i no evri gavman we oli agensem strong yumi.
Nating se i olsem,
be evri gavman
oli no respektem yet Jehova.
From we oli ting se oli save rul gud moa i bitim Jisas,
we hem i “King blong ol king
mo Masta blong ol masta.”
!Hemia i no stret nating!
From samting ya, taem olgeta politik paoa
oli agensem ol man blong God,
bambae Jisas i tekem aksen.
Long Revelesen japta 19,
makem aksen we Jisas bambae i tekem
agensem Wol Paoa blong Inglan mo Amerika,
we i olsem wan “giaman profet,”
mo agensem olgeta sistem blong politik
we i olsem “ol king blong wol” mo “wael animol.”
Bambae yumi ridim stat long Revelesen 19:11.
Nao mi luk heven i open, !mo luk!
i gat wan waet hos.
Mo man we i sidaon long hem, nem blong hem,
Man We Yu Save Trastem,
mo Man We i Talem Trutok.
Hem i jajem man long stret fasin,
mo faet we hem i stap mekem i stret. 
Ae blong hem i olsem faea we i laet,
mo long hed blong hem
i gat plante smol hat blong king.
Hem i gat wan nem we oli raetem long hem,
we hem nomo i save, be ol narafala nogat. 
Mo hem i werem wan klos we i gat blad long hem,
mo oli stap singaot hem long nem ya se,
Tok Blong God.
Ol ami long heven tu
oli stap folem hem long ol waet hos,
mo oli werem waet klos we oli wokem
long gudfala kaliko ya linen we i klin gud. 
Mo wan longfala naef blong faet we i sap i
kamaot long maot blong hem,
mo hem i yusum naef ya blong kilim
ol man blong ol nesen.
Mo bambae hem i olsem man blong lukaot long sipsip,
we i yusum wan stik we oli wokem long aean,
blong rul long olgeta.
Mo hem i stanstanap long ples blong mekem waen,
we hemia bigfala kros
blong God Ya We i Gat Olgeta Paoa.
Hem i gat wan nem
we oli raetem long klos blong hem,
stret long leg blong hem antap olgeta.
Nem ya i se King blong ol king,
mo Masta blong ol masta. 
Nao mi luk wan enjel i stap stanap long san.
Hem i singaot bigwan, i talem long ol pijin
we oli stap flae olbaot long skae se:
“Yufala i kam long ples ya,
yufala i kam wanples blong joen
long bigfala kakae blong God, 
nao yufala i save kakae mit blong bodi blong ol king,
mo blong ol komanda blong ami,
mo blong ol strong man,
mo blong ol hos,
mo blong ol man we oli sidaon long olgeta,
mo blong olgeta man,
hemia olgeta we oli fri mo olgeta we oli slef,
olgeta we oli haeman mo olgeta we oli no gat nem.”
Nao mi luk wael animol
mo ol king blong wol wetem ol ami blong olgeta,
oli kam wanples blong faet agensem man
we i stap sidaon long hos
mo ol ami blong hem.
Be hem i holem wael animol mo giaman profet ya.
Giaman profet ya nao i mekem ol bigfala saen
long fes blong wael animol ya,
blong lidim ol man
we oli kasem mak blong wael animol
mo olgeta we oli wosipim pija blong hem,
oli go krangke.
Nao man ya i slingim tufala we tufala i laef nomo,
i go long bigfala lek blong faea,
we salfa i stap laet long hem.
Be ol narafala,
longfala naef blong faet we i kamaot long maot
blong man ya we i sidaon long hos,
i kilim olgeta oli ded.
Nao ol pijin oli kakae mit blong bodi blong olgeta,
gogo oli fulap gud long hem.
I klia se Jisas Kraes nomo bae i lidim bigfala ami
blong hem long faet blong Amagedon.
Afta we olgeta giaman skul oli lus,
bae Jisas i tanraon long narafala haf
blong rabis wol blong Setan,
hemia ol sistem blong politik blong hem.
Bambae hem i spolemgud
mo i finisim gud evriwan
we oli stap agensem trufala wosip long wol.
Be ol enemi blong hem oli no finis yet.
?Weswan enemi ya?
?Mo wanem fiuja blong olgeta?
Bae yumi luk long Revelesen 20:1-3.
Nao mi luk wan enjel i aot long heven i kamdaon.
Long han blong hem,
hem i holem wan bigfala jen
mo ki blong abys.
Nao hem i holem bigfala algita ya we hem i
snek ya blong bifo,
mo we hem i Devel mo Setan,
mo i fasem hem long jen ya blong 1,000 yia. 
Mo hem i slingim bigfala algita ya
i go long abys mo i satem,
mo i putum mak long hem, blong man i no
openem gogo 1,000 yia i pas,
blong hem i no moa pulum olgeta nesen oli go krangke.
Afta long ol yia ya,
hem i mas fri bakegen,
be blong smoltaem nomo.
?Hu nao i holem “ki blong abys”?
Yes, hem i sem wan we Baebol i talem se
bae i smasem hed blong Setan,
Jisas Kraes.
Jisas nao, bambae i karemaot ol enemi blong God,
wetem lida blong olgeta, Setan.
Bae hem i go long bigfala hol.
Bae Jisas i fasem hem,
mo bambae i slingim hem i go.
!Yes, bae yumi glad tumas!
Afta we Amagedon i finis,
Kingdom blong God bambae i mekem wol ya
i kam olsem we Jehova i wantem long stat.
Olgeta we oli bin holemstrong long Jehova
bae oli kasem plante gudfala samting.
Bae yumi tokbaot wan long olgeta,
yumi ridim stat long Revelesen 20:12.
Nao mi luk ol dedman,
olgeta we oli haeman
wetem olgeta we oli no gat nem,
oli stap stanap long fored blong tron ya,
mo i gat ol skrol we oli open i stap.
Be wan narafala skrol i open i stap,
hemia skrol blong laef.
Nao ol dedman ya oli kasem jajmen folem ol
samting we oli raetem long ol skrol ya,
we i stret long samting we oli mekem.
Nao solwota i givimbak
ol dedman we oli stap long hem.
Ded mo Gref tu, tufala i givimbak
ol dedman we oli stap long tufala.
Nao oli kasem jajmen stret folem samting we
olgeta wanwan oli mekem. 
Nao hem i slingim ded mo Gref,
tufala i go long lek blong faea.
Lek blong faea ya i minim seken ded.
Mo hem i slingim olgeta ya tu we oli no raetem
nem blong olgeta long buk blong laef,
oli go long lek blong faea.
Vas 4 i talem se,
Jehova, bigfala jaj,
i givim “paoa blong jajem ol man”
long Jisas Kraes mo olgeta we oli rul wetem hem.
?Bambae oli jajem hu?
I no bigfala kampani ya nomo
we oli laef tru long Amagedon,
!be plante narafala man tu we bae oli
laef bakegen long ded!
Mo long en blong Wan Taosen Yia Rul blong Kraes,
bae ded i lus blong olwe.
Bae i lus olsem we yu sakem wan pis blong pepa
insaed long wan bigfala faea we i laet i stap.
?Mo laef bae i olsem wanem taem Kingdom i rul?
Yumi evriwan i laekem promes long Revelesen 21:4:
“Mo [God] bambae i ravemaot
wota blong ae blong olgeta,
mo bambae i no moa gat man i ded,
mo bambae man i no moa sore,
mo bambae i no moa gat man i krae,
mo bambae man i no moa harem nogud
long bodi blong hem.”
Traem pijarem yu wan long taem ya.
Olgeta we sora i fas,
bae oli save lesin long saon blong ren,
saon blong ol man taem oli glad,
saon blong ol pijin taem oli singsing
mo ol naesfala miusik.
Olgeta we oli blaen,
bambae oli save lukluk ol sta long skae
mo luk kala blong renbo.
Bambae oli save luk ol animol
mo ol pikinini oli pleplei.
Raon long fulwol,
ol man bambae oli no moa harem se oli sik.
Ol olfala mo olgeta we leg i nogud,
bambae oli wokbaot long fores,
bambae oli klaem ol bigfala hil,
mo bambae oli ron antap long sanbij.
Bambae kakae i plante,
ol sik bambae oli lus
mo stret fasin bambae i rul.
Bambae i no moa gat ol rabis man.
Evriwan bambae oli gat gudfala helt,
oli no moa fraet, oli sef mo oli glad olsem blong olwe.
Traem tingbaot ol promes ya.
Tingting dip long olgeta.
Bae yumi finisim wetem ol vas we oli stap
long laswan japta blong Revelesen,
japta 22,
we i tokbaot moa blesing we bae yumi kasem
taem ol gudfala king oli rulum yumi.
Nao enjel ya i soemaot wan reva long mi
we hem i wota blong laef.
Reva ya i saen olsem glas,
mo i stap kamaot long tron blong God
mo blong Smol Sipsip,
mo i pas long medel blong bigrod blong taon ya.
Mo long tufala saed blong hem,
i gat ol tri blong laef we oli stap karem frut
12 taem long wan yia,
wan taem long wan manis.
Mo lif blong ol tri ya oli blong hilim ol man
blong olgeta nesen. 
Mo God bambae i no moa singaot
trabol i kam long taon ya.
Be tron blong God mo blong Smol Sipsip
bambae i stap long taon ya,
mo ol slef blong hem bambae oli mekem
tabu wok blong hem, 
mo bambae oli luk fes blong hem,
mo nem blong hem bambae i stap
long fored blong olgeta.
Mo bambae i no moa gat naet,
mo bambae oli no moa nidim laet
mo laet blong san,
from we Jehova God bambae i saenem
laet i go long olgeta,
mo bambae oli king
mo oli rul gogo i no save finis. 
Nao hem i talem long mi se:
“Ol tok ya oli tru mo ol man oli save trastem.
Yes, Jehova God we i putum tok blong hem
long tingting blong ol profet,
i sanem enjel blong hem,
blong i soemaot long ol slef blong hem,
ol samting we bambae oli kamtru i no longtaem. 
!Yu luk! Bambae mi mi kam kwiktaem.
Man we i stap folem ol profet tok long skrol ya,
hem i glad.”
?Yu yu wantem
blong wosipim Jehova long gudfala helt,
aninit long wan gudfala rul,
insaed long wan niufala wol?
Jisas i wantem se i olsem.
Wan enjel i talem long Jon se,
“Bambae oli hapen i no longtaem.”
Mo enjel ya i talem long nem blong Jisas se:
“Bambae mi mi kam kwiktaem.”
Tede long wol, yumi fesem plante problem,
be Jisas bambae i finisim olgeta.
Hem i talemaot finis
se ol giaman skul bambae oli lus.
Bae hem i spolem rabis sistem blong wol ya
long faet blong Amagedon.
Bae hem i lokem rabis snek ya, Devel Setan,
mo biaen bambae hem i distroem hem.
Mo bambae hem i finisim
“laswan enemi ya, hemia ded.”
I no longtaem, bambae i kamtru.
Sipos yumi gat tu tingting long saed ya,
tingbaot tok blong enjel se:
“Ol tok ya oli tru mo ol man oli save trastem.”
!Hemia gud nius ya blong yumi ol sapota
blong King Jisas Kraes!
Taswe, olsem aposol Jon,
long vas 20 yumi talem se:
“!Amen! Masta Jisas, yu kam.”

“Bambae Hem i No Moa Save Wet Bakegen”
- 

“Bambae Hem i No Moa Save Wet Bakegen”

Yumi laef long wan taem we i had tumas. 
Nating se teknoloji i stap kam antap, 
be plante trabol i stap yet olsem wo, 
kakae i sot, ol sik 
mo ol defren kaen disasta. 
Antap moa, yumi stap fesem 
strong fasin agens we i kam
long olgeta we oli no save Jehova. 
!Yes, yumi wantem fri long ol trabol ya!
Buk blong Revelesen i tokbaot filing blong samfala
we oli ded from bilif blong olgeta.
I olsem we oli se: 
‘Hae Masta, yu yu tabu mo yu tru.
?Wetaem bambae yu jajem mo givim panis
long olgeta from blad blong mifala?’
Nating se ol gudfala man olsem oli mas wet smol, 
be Jisas Kraes i talem nambawan tok ya
long Revelesen 10:6 se:
“Bambae hem i no moa save wet bakegen.”
!Hemia gud nius ya! 
Fulwan buk blong Revelesen i gud nius
blong olgeta we oli lavem Jehova.
I tokbaot ol bigfala samting blong fiuja, 
be yumi no nid blong fraet, 
from bambae Jehova i lukaot long yumi.
Gud nius we Revelesen i tokbaot,
i soemaot se ol trabol blong yumi tede, 
bae i finis no longtaem.
Mo evri promes bambae i kamtru from wan man, 
Jisas Kraes. 
Revelesen 1:1 i se: 
“Hemia ol samting we God i givim long
Jisas Kraes blong hem i soemaot.” 
Revelsesen i tokbaot ol samting we i hapen
long “dei blong Masta”, 
we i minim wan period we i stat taem 
Masta Jisas i kam king long 1914 
mo i gohed kasem en blong Rul blong hem
blong Wan Taosen Yia. 
Mo long Revelesen,
yumi ridim se Jisas 
bambae i spolem ol enemi blong God, 
i finisim fasin safa, 
mo i mekem wol ya i kam wan paradaes. 
Ol promes ya oli ol trufala promes. 
Revelesen 1:1 i soem se:
“Ol samting ya bambae oli hapen i no longtaem.”
?Nao wanem samting bae i hapen i no longtaem? 
?Bae Jisas i mekem wanem long taem ya?
?Mo bambae hemia i givhan long yumi olsem wanem? 
I gud yumi tingbaot fastaem 
samting we bae i hapen
long ol giaman skul raon long wol. 
Bae yumi go long Revelesen japta 18.
Revelesen i tokbaot ol giaman skul
olsem wan prostitut 
we nem blong hem, Bigfala Babilon. 
Blong longtaem,
hem i stap spolem mo kilim ol man blong God. 
Antap moa, 
hem i stap pulum ol man wetem ol giaman tijing.
Hem i kontrolem plante man long wol. 
Be i no longtaem, bambae i gat wan jenis.
Taem yumi ridim Revelesen 18:1, 
makem samting we bae i hapen long Bigfala Babilon 
mo from wanem. 
Afta long samting ya, 
mi luk wan narafala enjel
i aot long heven i kamdaon. 
Hem i gat bigfala paoa,
mo glori blong hem i kasem wol. 
Mo hem i singaot bigwan, i se:
“!Woman ya i foldaon finis!
!Bigfala Babilon i foldaon finis! 
!Hem i kam ples blong ol dimon
mo blong evri spirit we oli no klin, 
mo ples blong haed blong ol pijin we oli no klin 
mo we man i no laekem olgeta nating! 
Hemia from we olgeta nesen 
oli drong finis long waen blong hem, 
we hemia enikaen doti fasin blong seks
we hem i wantem tumas blong mekem. 
Mo ol king blong wol oli mekem enikaen
doti fasin blong seks wetem hem, 
mo ol bisnesman blong wol 
oli kam rij from ol sas samting
we woman ya i no sem blong hivimap.”
Mo mi harem wan narafala voes 
i kamaot long heven, i se:
“Ol man blong mi, 
yufala i mas kamaot long hem
sipos yufala i no wantem joen 
wetem hem long sin blong hem, 
mo sipos yufala i no wantem kasem ol trabol
we bambae hem i kasem. 
Ol sin blong hem oli hivap gogo kasem heven, 
mo God i tingbaot ol rabis wok we hem i mekem.
Yufala i mas mekem long hem, 
stret olsem we hem i mekem long ol narafala.
Yes, ol samting we hem i mekem, 
yufala i mas givimbak tu taem long hem.
Yufala i mas fulumap kap blong hem long waen,
we paoa blong hem i dabolem paoa blong waen
we hem i givim long yufala.
From we woman ya i stap leftemap hem wan, 
mo i stap harem gud long ol sas samting
we hem i no sem blong hivimap,
hem i mas harem nogud we i harem nogud
tumas long bodi blong hem
mo hem i mas sore gogo i krae, 
from we long hat blong hem, hem i stap talem se:
‘Mi mi wan kwin we mi stap sidaon long
bigfala jea blong mi,
mo mi mi no wan wido, 
mo bambae mi neva krae from we mi sore.’
Nao from samting ya, 
long wan dei nomo 
bambae olgeta trabol blong hem oli kam, 
Babilon i luk hem wan olsem wan kwin
we paoa blong hem i neva save foldaon. 
Hem i flas olsem,
from blong longtaem finis hem i gat paoa.
Be sore tumas, 
wan trabol i stap kam mo bambae i kasem hem, 
olsem se “long wan dei nomo.”
?Be Jisas i mekem wanem long taem ya? 
Luk bakegen long vas 1 mo 2. 
?Hu nao i singaot se:
“!Babilon i foldaon finis!”?
Hemia wan enjel we glori blong hem i kasem wol. 
?Jehova i givim glori ya long hu? 
Long Masta blong yumi, Jisas.
Stat long 1914, 
Jisas i kasem paoa blong rul olsem king
mo jaj antap long wol ya.
!Taswe i stret nomo we hem nao 
i singaot se Babilon i foldaon finis! 
?So wanem woning blong yumi? 
!“Kamaot long hem”! 
Yumi neva wantem joen wetem wan oganaesesen
we bambae Jehova i spolem. 
Jehova i no laekem nating Bigfala Babilon.
!So kamaot long hem!
Yumi luk se plante oli stap kasem mane
mo sapot long ol giaman skul.
Plante lida oli trastem Bigfala Babilon
blong i givhan long olgeta, 
olsem long taem blong wo. 
Plante oli mekem bisnes wetem hem. 
?Be nao, wanem tingting blong olgeta taem
Bigfala Babilon i foldaon?
Bambae yumi faenemaot
long riding blong Revelesen 18:9.
“Mo ol king blong wol we oli mekem enikaen
doti fasin blong seks wetem hem, 
mo oli harem gud wetem hem long ol sas
samting we hem i no sem blong hivimap, 
bambae oli krae mo oli kilkilim jes blong olgeta
from we oli sore tumas long hem, 
taem oli luk smok blong faea we i stap bonem hem. 
Bambae oli stanap longwe long hem, from we oli
luk we hem i harem nogud tumas
nao oli fraet, mo oli talem se: 
‘!O, sore we sore tumas long yu Babilon, 
yu yu wan bigfala taon, mo yu yu wan strong taon,
be long wan aoa nomo jajmen blong yu i kamtru!’
“Mo ol bisnesman blong wol ya tu oli stap krae
mo oli sore tumas long hem, 
from we i no moa gat man blong pem
evri kago blong olgeta, 
hemia ful kago blong gol, silva, ol sas ston, ol perel, 
ol gudfala kaliko ya linen,
ol klos we oli wokem long pepol kaliko
mo long kaliko we i laet red, mo kaliko ya silik. 
Mo olgeta samting we oli wokem
long ol wud we oli gat gudfala smel,
mo evri samting we oli wokem long tut blong elefen,
mo long ol wud we oli sas, 
mo long kopa, mo long aean,
mo long ston ya mabol,
mo sinamon, 
mo ol lif blong India we oli gat gudfala tes, 
mo ol insens mo ol oel we oli smel gud olsem senta, 
mo frangkinsens, mo waen, mo olif oel, 
mo gudfala flaoa, mo wit, 
mo ol buluk, mo ol sipsip, mo ol hos, 
mo ol kat, mo ol slef, 
mo laef blong ol man.
Yes, ol gudfala frut we yu yu wantem tumas 
oli gowe finis long yu, 
mo olgeta gudgudfala kakae,
mo ol naesfala samting oli aot long yu finis,
oli lus mo neva yu save faenem olgeta bakegen. 
“Ol bisnesman we oli salem olgeta samting ya, 
mo we oli kam rij from hem, 
bambae oli stanap longwe long hem 
from we oli luk we hem i harem nogud tumas
nao oli fraet, 
mo bambae oli krae mo oli sore, mo oli talem se: 
‘!O, sore we sore tumas! 
Bigfala taon ya i stap werem ol klos we oli
wokem long gudfala kaliko ya linen, 
mo long kaliko ya we i pepol, 
mo long kaliko ya we i laet red, 
mo we i stap flasem hem long ol samting
we oli wokem long gol, 
mo long ol sas ston, mo long ol perel. 
!Be long wan aoa nomo, ol rij samting ya oli lus!’
“Mo olgeta kapten blong sip 
wetem olgeta pasenja mo olgeta boskru 
mo olgeta we oli stap kasem mane blong olgeta
from we oli wok long sip, 
oli stap stanap longwe,
mo oli krae taem oli luk smok blong faea
we i stap bonem hem, 
mo oli talem se: 
‘?Wanem taon i olsem bigfala taon ya?’ 
Nao oli sakem das i go long hed blong olgeta 
mo oli sore nao oli krae we oli krae bigwan,
oli talem se: 
‘!O, sore we sore tumas!’”
Oli se: “!O, sore we sore tumas!” 
?Be olsem wanem long ol man blong God? 
?Bambae olgeta oli harem olsem wanem long taem ya? 
Bae yumi ridim long vas 20, 
mo bae yumi luk tingting 
blong ol man blong God long heven
mo long wol,
taem Bigfala Babilon i foldaon. 
Mo tu, makem from wanem ol giaman skul 
oli mas kasem wan strong jajmen.
“!O heven, mo yufala ol tabu man wetem
ol aposol, mo ol profet,
yufala i mas glad long samting ya, 
from we God i jajem hem finis from ol samting ya
we hem i mekem long yufala!”
Nao wan strong enjel i leftemap wan bigfala ston
olsem bigfala ston blong granem wit, 
mo i slingim i go long solwota,
nao i talem se:
“Samting ya nao bambae oli mekem 
long bigfala taon ya Babilon,
mo bambae oli neva faenem hem bakegen.
Mo long ples blong yu, 
bambae oli neva harem bakegen noes blong
ol man we oli singsing mo oli plei long hap, 
mo blong ol man we oli plei miusik, 
mo blong ol man we oli blo long flut,
mo blong ol man we oli blo long trampet.
Mo bambae oli neva faenem wan man bakegen
we i gat gudhan blong mekem ol samting,
mo i mekem bisnes long olgeta. 
Mo bambae oli neva harem bakegen noes blong
ston we i stap granem wit long ples blong yu,
mo bambae i neva gat laet i saen bakegen, 
mo bambae oli neva harem bakegen voes blong
man mo woman we tufala i jes mared. 
Ol samting ya oli hapen long yu from we yu yu
gat ol bisnesman we oli ol impoten man long wol, 
mo from we yu stap mekem bisnes
blong posen mo kleva, 
nao olgeta nesen oli go krangke finis.
Yes, long ples blong hem, oli faenem blad
blong ol profet mo blong ol tabu man, 
mo blong olgeta man we ol man oli kilim 
olgeta i ded long wol.”
Afta long samting ya, mi harem olsem voes
blong wan bigfala hip blong ol man long heven. 
Oli talem se:
“!Yumi presem Jah! 
Rod blong sevem man, glori, mo paoa i blong hem nomo, 
from we ol jajmen blong hem oli tru mo oli stret. 
Hem i panisim bigfala prostitut ya
we i stap mekem wol i kam nogud long ol doti
fasin blong seks we hem i stap mekem. 
Mo hem i panisim woman ya blong pembak blad
blong ol slef blong hem we i stap long han blong hem.”
Nao stret long taem ya,
olgeta oli singaot wan moa taem se:
“!Yumi presem Jah! 
Mo smok blong faea we i stap bonem woman ya, 
i stap go antap gogo i no save finis.”
Yes, “!Presem Jah!” 
?From wanem? 
Ol lida blong giaman skul nao oli gat fol 
from oli kilim ol profet
mo Jisas Kraes i ded. 
Biaen, disaepol Steven
i talem long  ol lida blong skul se: 
“Ol olfala blong yufala oli kilim i ded olgeta we oli
talemaot fastaem se stret man ya bambae i kam. 
Stret man ya nao we yufala i putum hem
long han blong ol enemi, 
mo yufala i kilim hem i ded.” 
Yes, oli gat janis blong lesin long  tok we Steven i talem, 
be oli girap oli kilim hem i ded long sem dei.
Long ol yia afta long ded blong Steven, 
ol giaman skul oli gohed blong kilim
ol man blong God 
mo oli stap spolem wol ya wetem ol 
doti fasin blong hem. 
So yumi askem bakegen se, 
?From wanem yumi “Presem Jah”? 
Ol enjel oli ansa se: 
“From we ol jajmen blong [God] oli tru mo oli stret.”
God blong yumi Jehova, 
bae i meksua se ol giaman skul bae oli neva
save spolem bakegen
ol gudfala man blong hem.
En blong bigfala Babilon,
hem i stat blong period blong taem ya 
we Jisas i singaot se 
“bigfala trabol.” 
?Wanem bambae i hapen afta we ol giaman skul oli lus? 
Buk blong Esikel i soem se 
ol nesen bambae oli atakem ol man blong Jehova, 
olsem “wan bigfala kampani blong ol ami” 
mo “olsem ol klaod we oli kavremap wan kantri.”
Be hemia i no faswan taem ya we ol man blong politik, 
oli agensem Jehova. 
Plante nesen oli agensem finis trufala wosip. 
Oli putum tabu long ol miting mo wok blong prij. 
Oli putum sam long yumi long kalabus 
from we yumi gat wan Baebol 
mo from we yumi stap tokbaot God blong yumi. 
Samtaem oli spolem nogud ol brata mo sista 
from bilif blong olgeta.
I tru, nating se Jehova i letem ol gavman long
wol blong oli rulum yumi, 
be yumi respektem olgeta. 
Mo i no evri gavman we oli agensem strong yumi. 
Nating se i olsem,
be evri gavman 
oli no respektem yet Jehova. 
From we oli ting se oli save rul gud moa i bitim Jisas,
we hem i “King blong ol king 
mo Masta blong ol masta.”
!Hemia i no stret nating! 
From samting ya, taem olgeta politik paoa
oli agensem ol man blong God, 
bambae Jisas i tekem aksen. 
Long Revelesen japta 19, 
makem aksen we Jisas bambae i tekem
agensem Wol Paoa blong Inglan mo Amerika, 
we i olsem wan “giaman profet,” 
mo agensem olgeta sistem blong politik 
we i olsem “ol king blong wol” mo “wael animol.” 
Bambae yumi ridim stat long Revelesen 19:11.
Nao mi luk heven i open, !mo luk! 
i gat wan waet hos. 
Mo man we i sidaon long hem, nem blong hem,
Man We Yu Save Trastem, 
mo Man We i Talem Trutok. 
Hem i jajem man long stret fasin, 
mo faet we hem i stap mekem i stret. 
Ae blong hem i olsem faea we i laet,
mo long hed blong hem
i gat plante smol hat blong king. 
Hem i gat wan nem we oli raetem long hem, 
we hem nomo i save, be ol narafala nogat. 
Mo hem i werem wan klos we i gat blad long hem,
mo oli stap singaot hem long nem ya se, 
Tok Blong God.
Ol ami long heven tu 
oli stap folem hem long ol waet hos, 
mo oli werem waet klos we oli wokem
long gudfala kaliko ya linen we i klin gud. 
Mo wan longfala naef blong faet we i sap i
kamaot long maot blong hem,
mo hem i yusum naef ya blong kilim 
ol man blong ol nesen.
Mo bambae hem i olsem man blong lukaot long sipsip, 
we i yusum wan stik we oli wokem long aean, 
blong rul long olgeta. 
Mo hem i stanstanap long ples blong mekem waen,
we hemia bigfala kros 
blong God Ya We i Gat Olgeta Paoa.
Hem i gat wan nem 
we oli raetem long klos blong hem,
stret long leg blong hem antap olgeta. 
Nem ya i se King blong ol king, 
mo Masta blong ol masta. 
Nao mi luk wan enjel i stap stanap long san. 
Hem i singaot bigwan, i talem long ol pijin 
we oli stap flae olbaot long skae se:
“Yufala i kam long ples ya, 
yufala i kam wanples blong joen
long bigfala kakae blong God, 
nao yufala i save kakae mit blong bodi blong ol king, 
mo blong ol komanda blong ami, 
mo blong ol strong man,
mo blong ol hos, 
mo blong ol man we oli sidaon long olgeta, 
mo blong olgeta man, 
hemia olgeta we oli fri mo olgeta we oli slef,
olgeta we oli haeman mo olgeta we oli no gat nem.”
Nao mi luk wael animol 
mo ol king blong wol wetem ol ami blong olgeta, 
oli kam wanples blong faet agensem man 
we i stap sidaon long hos
mo ol ami blong hem.
Be hem i holem wael animol mo giaman profet ya. 
Giaman profet ya nao i mekem ol bigfala saen
long fes blong wael animol ya,
blong lidim ol man 
we oli kasem mak blong wael animol 
mo olgeta we oli wosipim pija blong hem, 
oli go krangke.
Nao man ya i slingim tufala we tufala i laef nomo, 
i go long bigfala lek blong faea, 
we salfa i stap laet long hem.
Be ol narafala,
longfala naef blong faet we i kamaot long maot
blong man ya we i sidaon long hos, 
i kilim olgeta oli ded. 
Nao ol pijin oli kakae mit blong bodi blong olgeta,
gogo oli fulap gud long hem.
I klia se Jisas Kraes nomo bae i lidim bigfala ami
blong hem long faet blong Amagedon.
Afta we olgeta giaman skul oli lus,
bae Jisas i tanraon long narafala haf 
blong rabis wol blong Setan, 
hemia ol sistem blong politik blong hem.
Bambae hem i spolemgud 
mo i finisim gud evriwan
we oli stap agensem trufala wosip long wol. 
Be ol enemi blong hem oli no finis yet. 
?Weswan enemi ya? 
?Mo wanem fiuja blong olgeta? 
Bae yumi luk long Revelesen 20:1-3. 
Nao mi luk wan enjel i aot long heven i kamdaon. 
Long han blong hem,
hem i holem wan bigfala jen 
mo ki blong abys.
Nao hem i holem bigfala algita ya we hem i 
snek ya blong bifo, 
mo we hem i Devel mo Setan, 
mo i fasem hem long jen ya blong 1,000 yia. 
Mo hem i slingim bigfala algita ya 
i go long abys mo i satem, 
mo i putum mak long hem, blong man i no
openem gogo 1,000 yia i pas, 
blong hem i no moa pulum olgeta nesen oli go krangke.
Afta long ol yia ya, 
hem i mas fri bakegen, 
be blong smoltaem nomo.
?Hu nao i holem “ki blong abys”? 
Yes, hem i sem wan we Baebol i talem se 
bae i smasem hed blong Setan, 
Jisas Kraes. 
Jisas nao, bambae i karemaot ol enemi blong God,
wetem lida blong olgeta, Setan.
Bae hem i go long bigfala hol.
Bae Jisas i fasem hem,
mo bambae i slingim hem i go. 
!Yes, bae yumi glad tumas!
Afta we Amagedon i finis, 
Kingdom blong God bambae i mekem wol ya 
i kam olsem we Jehova i wantem long stat.
Olgeta we oli bin holemstrong long Jehova 
bae oli kasem plante gudfala samting. 
Bae yumi tokbaot wan long olgeta, 
yumi ridim stat long Revelesen 20:12.
Nao mi luk ol dedman, 
olgeta we oli haeman 
wetem olgeta we oli no gat nem, 
oli stap stanap long fored blong tron ya, 
mo i gat ol skrol we oli open i stap. 
Be wan narafala skrol i open i stap,
hemia skrol blong laef. 
Nao ol dedman ya oli kasem jajmen folem ol
samting we oli raetem long ol skrol ya, 
we i stret long samting we oli mekem.
Nao solwota i givimbak 
ol dedman we oli stap long hem. 
Ded mo Gref tu, tufala i givimbak 
ol dedman we oli stap long tufala. 
Nao oli kasem jajmen stret folem samting we
olgeta wanwan oli mekem. 
Nao hem i slingim ded mo Gref, 
tufala i go long lek blong faea.
Lek blong faea ya i minim seken ded.
Mo hem i slingim olgeta ya tu we oli no raetem
nem blong olgeta long buk blong laef,
oli go long lek blong faea.
Vas 4 i talem se, 
Jehova, bigfala jaj, 
i givim “paoa blong jajem ol man”
long Jisas Kraes mo olgeta we oli rul wetem hem.
?Bambae oli jajem hu? 
I no bigfala kampani ya nomo
we oli laef tru long Amagedon, 
!be plante narafala man tu we bae oli
laef bakegen long ded!
Mo long en blong Wan Taosen Yia Rul blong Kraes,
bae ded i lus blong olwe. 
Bae i lus olsem we yu sakem wan pis blong pepa
insaed long wan bigfala faea we i laet i stap.
?Mo laef bae i olsem wanem taem Kingdom i rul? 
Yumi evriwan i laekem promes long Revelesen 21:4:
“Mo [God] bambae i ravemaot 
wota blong ae blong olgeta,
mo bambae i no moa gat man i ded, 
mo bambae man i no moa sore, 
mo bambae i no moa gat man i krae, 
mo bambae man i no moa harem nogud
long bodi blong hem.”
Traem pijarem yu wan long taem ya.
Olgeta we sora i fas,
bae oli save lesin long saon blong ren, 
saon blong ol man taem oli glad, 
saon blong ol pijin taem oli singsing 
mo ol naesfala miusik.
Olgeta we oli blaen, 
bambae oli save lukluk ol sta long skae 
mo luk kala blong renbo. 
Bambae oli save luk ol animol 
mo ol pikinini oli pleplei.
Raon long fulwol, 
ol man bambae oli no moa harem se oli sik. 
Ol olfala mo olgeta we leg i nogud,
bambae oli wokbaot long fores,
bambae oli klaem ol bigfala hil, 
mo bambae oli ron antap long sanbij. 
Bambae kakae i plante, 
ol sik bambae oli lus 
mo stret fasin bambae i rul. 
Bambae i no moa gat ol rabis man. 
Evriwan bambae oli gat gudfala helt, 
oli no moa fraet, oli sef mo oli glad olsem blong olwe. 
Traem tingbaot ol promes ya. 
Tingting dip long olgeta.
Bae yumi finisim wetem ol vas we oli stap 
long laswan japta blong Revelesen, 
japta 22, 
we i tokbaot moa blesing we bae yumi kasem
taem ol gudfala king oli rulum yumi.
Nao enjel ya i soemaot wan reva long mi
we hem i wota blong laef. 
Reva ya i saen olsem glas,
mo i stap kamaot long tron blong God 
mo blong Smol Sipsip,
mo i pas long medel blong bigrod blong taon ya. 
Mo long tufala saed blong hem, 
i gat ol tri blong laef we oli stap karem frut 
12 taem long wan yia, 
wan taem long wan manis. 
Mo lif blong ol tri ya oli blong hilim ol man
blong olgeta nesen. 
Mo God bambae i no moa singaot
trabol i kam long taon ya.
Be tron blong God mo blong Smol Sipsip 
bambae i stap long taon ya, 
mo ol slef blong hem bambae oli mekem
tabu wok blong hem, 
mo bambae oli luk fes blong hem,
mo nem blong hem bambae i stap
long fored blong olgeta.
Mo bambae i no moa gat naet, 
mo bambae oli no moa nidim laet 
mo laet blong san, 
from we Jehova God bambae i saenem
laet i go long olgeta,
mo bambae oli king 
mo oli rul gogo i no save finis. 
Nao hem i talem long mi se:
“Ol tok ya oli tru mo ol man oli save trastem. 
Yes, Jehova God we i putum tok blong hem
long tingting blong ol profet, 
i sanem enjel blong hem, 
blong i soemaot long ol slef blong hem,
ol samting we bambae oli kamtru i no longtaem. 
!Yu luk! Bambae mi mi kam kwiktaem.
Man we i stap folem ol profet tok long skrol ya, 
hem i glad.”
?Yu yu wantem 
blong wosipim Jehova long gudfala helt, 
aninit long wan gudfala rul, 
insaed long wan niufala wol? 
Jisas i wantem se i olsem. 
Wan enjel i talem long Jon se, 
“Bambae oli hapen i no longtaem.” 
Mo enjel ya i talem long nem blong Jisas se: 
“Bambae mi mi kam kwiktaem.”
Tede long wol, yumi fesem plante problem, 
be Jisas bambae i finisim olgeta. 
Hem i talemaot finis 
se ol giaman skul bambae oli lus. 
Bae hem i spolem rabis sistem blong wol ya
long faet blong Amagedon. 
Bae hem i lokem rabis snek ya, Devel Setan,
mo biaen bambae hem i distroem hem. 
Mo bambae hem i finisim
“laswan enemi ya, hemia ded.”
I no longtaem, bambae i kamtru. 
Sipos yumi gat tu tingting long saed ya,
tingbaot tok blong enjel se: 
“Ol tok ya oli tru mo ol man oli save trastem.” 
!Hemia gud nius ya blong yumi ol sapota
blong King Jisas Kraes! 
Taswe, olsem aposol Jon, 
long vas 20 yumi talem se: 
“!Amen! Masta Jisas, yu kam.”


-