JW subtitle extractor

Atata’a kalate Metata’a
Moïse a nga mane tili kalate Metata’a nkôte si ya Sinaï mbu 1513 Ô.É.J.
émien a nga bialé mbu 1593;
Moïse a mbe nkulu mej‏ô,
ntebe ôsu, ntyi’i mejô,
nkañete nlañe ya émo, a ntebe zañ.
A nga tili bekalate betane b’ôsu ya Bible,
mbe ba loone na Pentateuque,
a nga tili kalate Job, Sam 90,
ékoziñ nnye fe a nga tili Sam 91.
Éfia Metata’a ja tinane na “ôsusua,” nge ke “abialé.”
Kalate ate a kat aval émo minlañ é nga tééban,
a avale Zambe a nga mane kôme si asu na bone be bôt be nyiñ été.
A kañete fe aval ayoñ Israël e nga taté,
a aval e nga fôé Égypte akekui mbu 1657 Ô.É.J,
mbu Joseph a nga wu.
Kalate Metata’a a bili bekabetôlô 50.
Kabetôlô ôsu a nyi baa,
ba kañete aval Zambe a nga kômesane si asu môt,
a nga bo de tañ abim éyoñ bi ne kabe ngap ésaman,
Bible a loone ngap ése na môs;
a nga té fe Adam ba Ève, bôte b’ôsu.
A nga jô be na be “yiane si, a jôô je,”
be mbe be yiane nyiñe nnôm éto.
Kabetôlô 3 a kañete ane nyo é nga du’u Éve,
ane a nga bo Zambe melo.
Adam fe a nga tôñe nye égana’a éte,
nde be nga kôé bone bap bese nsem a awu.
Kabetôlô 6 a kañete avale mbia beéngele be nga veñesane bôt, a lu’u binga,
be nga biaé bizilingane bi bon: Benephilim.
Njet a évô bi nga jaé si ne lut.
Nde Zambe a nga tyi’i na a zu jiane “minsône mise” a zene ya ndône mendim.
Ve Noé, a mbe zôsôô mise me Zambe,
nde a nga jô nye na a lôñe arche aye nyii nda bôte jé a abime betit éziñ.
Bekabetôlô 10 a 11 ba kañete na mvuse ndône mendim,
bôt be nga taté na ba lôñe ôzômezôme nda
asu na bese be nyiñe vôma wua.
Nalé a mbe a wosa’ane nsôñane Zambe.
Nde a nga zametane minkobô miap,
ane be nga mane mialane si ése.
Bekabetôlô 11 akekui 25 ba dañe kobô ajô beta mbunan Abraham.
E kabetôlô 12, Yéhôva a jô Abraham (éyoñ éte a too jôé na Abram)
na a ke si mvoñe bôte jé ja ye nyoñ a bo beta ayôñ,
a jô fe nye na a zene jé, bôte ya meyoñe bese ba ye bi ébotan.
E kabetôlô 15, Yéhôva a jô Abram na a fombô ateté ya yôp, a ve’ele lañe de.
Nde a bo nye ngaka’a na, “Nalé mvoñe bôte jôé j’aye bo.”
Ye wo too ô yeme’e na,
Kalate Metata’a a kate bia nlô ajô ya Bible?
ô ne na:
“Aval Éjôé Zambe ja ye liti na Yéhôva nnye a yiane jôé,
a avale A ye tôé nsôñane wé a lat a bone be bôt a zene ya Éjôé jé;
njôô ya Éjôé éte a ye so mvoñe minga.”
Metata’a 3:15 a bili nkulan ajô a lat a mvoñ éte a ésaé ja ye bo.
Kalate Nlitan a kate bia avale mvoñ minga
ja ye fite nlô “nnôme nyo,” nnye a ne Satan,
a botane bone be bôte bese ba bo Zambe mewôk.
Kabetôlô 19 a kañete avale Zambe a nga tyame Sodom,
Gomorrhe a bitisone ya mefefel amu mvine mame ya bisôk é mbe é boba’ane wôé.
E Kabetôlô 22, Yéhôva a jô Abraham na a ve nye Isaac mone wé metuna’a.
Ve éyoñ Abraham a ntoo bebé ya wôé Isaac, nde Yéhôva a telé nye,
ane a ba’alane nye ngaka’a a nga taté bo nye a lat a mvoñe bôte jé.
Bekabetôlô 24 akekui 50 ba dañe kobô ajô Isaac;
mimbiase mié: Jacob ba Ésaü;
a Joseph mone Jacob.
Isaac a botane Jacob, mvuse ya valé, Jacob a ke Paddan-aram.
A zene ya a binga bé Léa ba Rachel
a bebo bisaé be binga bé bebaé, Jacob a nga biaé abui bone Paddan-aram,
été, bobefam 11
Mvus ya valé, Jacob a nga bulane Canaan,
e wôé nye Zambe a nga yôlé nye na Israël,
e wôé nnye fe Rachel a nga biaé Benjamin,
monafam awôm a baa Jacob.
Bekabetôlô 37 akekui 41 ba kañete na
bobenyañe be Joseph be nga kuane nye a bili mimbu 17,
ane a nga ke bo ôlo nda Potiphar, évete bezimba be Pharaon.
Nde minga Potiphar a nga bo nye ayas, ve Joseph a nga ben.
Ane a nga bôte nye ajô na a te kômbô jô’ôbô nye a ngul,
masa wé ve wua nye nda mimbôk.
Joseph a nga bi mimbu 30 a too nda mimbôk.
Éyoñ a nga timine biyeyeme bi Pharaon a ngule ya mbamba nsisim,
Pharaon a nga vaa nye mimbôk, a telé nye môte baa ya Égypte.
Bekabetôlô 42 akekui 47
ba kañete bia ane Joseph a nga beta lat a nda bôte jé,
nde be nga bo mintabe si ya Égypte.
Kabetôlô 49 a kañete na ôsusua na a wu,
Jacob a nga bo minkulane mejô mia ye tôébane be bone bé.
Na mvoñe bôte Juda ja ye biaé Shilo,
nnye ‘meyoñe me bôt m’aye bo mewôk.’
Ane wo ke ôsu a lañe kalate Metata’a,
yene’ ane a kate bia
jé é nga soo bone be bôt minju’u mise ba tôbane mie den,
ane bezôsô be bôte ya melu mvus be nga ve Zambe nleme mvaé
nde a nga botane be,
a ane Yésus Krist,
Njôô ya Éjôé Zambe a ye tôé mengaka’a me Yéhôva mese.