JW subtitle extractor

Yi naa bed’eabʉchuta Génesis ʉ̃rʉ.
Génesis librora Moisésba bʉsi Sinaíne
poaga 1513de,
tosida 1593de.
Moisésra propetabasi,
pʉwʉrʉ burubasi,
bʉbaribasi,
Jeowara iyideba bed’eabasi.
Moisésbara bʉsi Génesisdeba Deuteronomiobayeda
akʉza Jobta,
Salmo 90, 91’a bʉsibaibara.
Génesis trʉ̃bara jarakĩrãbʉ jʉ̃drʉita.
Génesis librobara jaraũrĩbibʉ naʉ̃ drʉa sãwʉ̃ã parãnata
akʉza Daizezeba sãwʉ̃ã parãsita naʉ̃ drʉara
ẽbẽrarã panamarẽã
akʉza jara ʉrĩbibʉ samaʉ̃ba zesidata
israelitarãra
akʉza sãwʉ̃ã eaba wãsidata Egiptode,
Jose beiyeda poaga 1657de, Kristo nãã.
Génesisbara 50 kapitulo erbʉ.
Kapitulo 1, 2de jarabʉ
Jeowaba sãwʉ̃ã parãsita naʉ̃ drʉara
ewari 6de,
ẽbẽrarã jõmaʉ̃ta mama panamarẽã,
maʉ̃ tẽã parãsi Adanta Evaʉ̃me,
Jeowabara parãsi mejãcha todamarẽã
akʉza trajadamarẽã,
ãyira ewari jõmaʉnẽ panaseabasi.
Kapitulo 3de damaba jarabʉ Eva’a
Daizeze bed’eata ũrĩ ẽ marẽã,
maʉ̃ daucha Adanbara ũrĩ ẽ Daizeze bed’eara
maʉ̃ k’area dayirãra beipanʉ akʉza kayirua erpanʉ.
Kapitulo 6dera angeles kayiruarata ʉ̃tʉba uda ze karãpe
wẽrãrata jidasida ãyi kima b’aita,
ãya erbʉ wũãwũãra kayiruata, ãyi trʉ̃ra Nepilim,
drʉade bʉ mejãcha kayiruata
maʉ̃ k’area Daizezebara krĩchabʉ jõma makenaita.
Kue zromaneba, mamina Daizezebara
akʉbʉ Noera ẽbẽra biata,
aramaʉ̃ta jarabʉ jãba zromata omarẽã,
mawʉ̃ã bed’ea b’aita iyita akʉza yi mebẽrãta
adewara nedʉwʉrʉ zakerata.
Kapitulo 10, 11de kue zroma berabarida tẽã
ẽbẽrarãbara opanʉ de ʉ̃tʉ drazoabʉta,
Daizezeba maʉ̃ta kãgabʉ ẽ baera
ẽbẽrarãra bed’ea awuara awuaraka bed’eabisi
maʉ̃ k’area ãyira drʉaza jʉ̃drʉsida.
Kapitulo 11-25 bayeda jarabʉ Abrahán ʉ̃rʉ̃,
iya ĩjãbasi Daizezera soiduba.
Kapitulo 12de jarabʉ, Jeowaba jarasi Abrahán’a
iyi pʉwʉrʉbai drʉa eda wãmarẽã.
Maʉ̃ pʉwʉrʉdeba ẽbẽra jõmaʉ̃ta nebia ũduibasita.
Kapitulo 15de Jeowaba jarasi Abrahán’a
chĩdauta juachamarẽã.
K’awuabayi jõma bʉ deba zebʉrʉra
Jeowaba mawũã jarasi.
¿K’awuabasika?
Génesisbara jara ũrĩbibʉ
k’ãrẽ ʉ̃rʉ bed’eabʉta jõma Daizeze Bed’eara,
Jeowa abapai ʉ̃rʉ zok’aseabʉ
akʉza iya kãgabʉta oyi naʉ̃ drʉaita
akʉza ẽbẽrarãita iyi Nok’odeba,
maʉ̃ Nok’o zok’aira tẽã zeyi.
Génesis 3:15de yi jaramabasi k’aita ʉra zeita
akʉza maʉ̃ba k’ãrẽ oita.
Apocalipsisba jara ũrĩbibʉ
yi ʉra zeiba sãwũã birachita dama kikibari
maʉ̃ra Ãtomia
akʉza ʉra zeibara weyi ẽbẽrarã nebia diaya adara.
Kapitulo 19de Daizezebara makena Sodomata Gomorrata
akʉza iyi audu pʉwʉrʉrapanʉta ẽbẽra kayirua baera.
Kapitulo 22de Jeowaba jarabʉ Abrahan’a
yi warra Isaacta beamarẽã,
mamina iya beaita akʉbʉde Jeowaba idu beabi ẽ basi
iya kĩrãbebibʉrʉ ʉrabʉrʉ zeira iyideba zeita.
Kapitulo 24-50 bayeda jarabʉ Isaac ʉ̃rʉ
yi warrara mĩguisu ʉ̃rʉ yi trʉ̃ Jacob akʉza Esaú ʉ̃rʉ
adewara Jose ʉ̃rʉ.
Isaacba nebia diabʉ Jacob’a
maʉ̃ tẽã iyira wãsi Padán-aram eda
maʉ̃ tẽã Jacob’ra wũãwũã 11 erbʉ,
Leaʉ̃meba, Raquelʉ̃meba akʉza iyi nezok’araʉ̃meba
maʉ̃ tẽã akʉza Canaánena zesi.
Mama Daizezeba trʉ̃ awara diasi Israel
mama Raquelba wũãwũã tẽãbemata tosi.
Kapitulo 37-41 bayeda
jarabʉ Jose 17 poaga baside yi mebẽrãba nẽdobʉesidata
Potifar nezok’abamarẽã.
Potifar kimabara iyita erkaĩkĩrãbasi
mamina Josebara iduaribi ẽ basi
maʉ̃ tẽã iya jarasi iyita wawa okĩrãbʉta
maʉ̃ k’area Josera karsel eda bʉesida
Jose poaga 30 bʉde
iyi wabida karselde bʉde
Paraon k’ãĩmok’ãrata jarasi Daizeze jaʉre zareadeba
maʉ̃ k’area karseldeba aĩbʉesida
mawũã nok’o Paraon karebabaribasi.
Kapitulo 42-47eda jarabʉ
Josera yi mebẽrãbawara ãbapanʉ
ãyira zesi baera Egipto eda mama panaita.
Kapitulo 49de jarabʉ Jacob beibodode jarabʉ
k’ãrẽta berabarita yi warrara ʉ̃rʉ
iya jarabʉ yi warra Judá
yi warrarãra nok’o b’aita Siló zei eda
maʉ̃ nok’ora jõmaʉ̃ba ũrĩnaña.
Génesis karta akʉbʉrude:
Akʉra k’ãrẽa ẽbẽrarã zʉbʉriapanʉta,
k’ãrẽa Daizezebara ẽbẽrarãra nebia diasita
akʉza k’ãgabasita ẽbẽrarã kẽrẽpa bʉrãra.
Akʉza Daizezeba nebia diai jaradata ẽbẽra biara
maʉ̃ra Daizeze Nok’odeba jõma aribaeyi.