JW subtitle extractor

Nduru tënë ti mbeti ti Genèse.
Moïse ahunzi sungo
mbeti ti Genèse
na benyama ti Sinaï
na ngu 1513 Kozoni na ngoi ti e.
A dü Moïse na ngu 1593
Kozoni na ngoi ti e,
lo yeke prophète,
mokonzi,
juge,
zo ti sungo mbaï
nga walekengo songo.
Lo la lo sû akozo buku oku ti Bible
so a iri ni Pentateuque,
lo sû nga mbeti ti Job,
Psaume 90
nga peut-être Psaume 91.
Iri Genèse aye ti tene
“tongo nda ti ye” wala “bango gigi”.
Mbeti ti Genèse afa
tongo nda ti dunia
nga tongana nyen la Nzapa
aleke sese ti tene azo aduti dä.
Mbaï ti Genèse afa tongana
nyen la mara ti Israël abâ gigi
nga tongana nyen la
ala ga gbani na Égypte
juska na kuâ ti Joseph
na 1657 Kozoni na ngoi ti e.
Genèse ayeke na achapitre 50.
Chapitre 1 na 2
afa tongana nyen la
na yâ ti angoi omene,
so a iri ni alango omene,
Nzapa aleke sese ndali ti azo
nga lo créé kozo koli na wali,
Adam na Ève.
A tene na ala ti “si ndö ti sese
na ala sara si sese ni
aga na gbe ti ala”,
nga ala yeke na beku lani
ti ngbâ na fini lakue lakue.
Na chapitre 3,
ngbo ahanda Ève
na lo ke yanga ti Nzapa.
Adam nga kue
ake yanga ti Nzapa,
ye ti peko ni ayeke so
azo kue so a dü ala na pekoni
aga awasiokpari
na nda ni ala kui.
Na chapitre 6,
a-ange amû terê ti zo,
ala sara mariage na awali
na ala dü ayongoro molenge
so a iri ala aNéphilim.
Sioni amû lani ndö ti sese,
na Nzapa amû desizion
ti ga na kota ngu
ti “hunzi ye kue so
ayeke na fini”.
Me, Noé anzere na lê ti Nzapa
na lo tene na Noé
ti leke mbeni arche
ti sö afami ti lo
nga na mara ti
anyama nde nde.
Na chapitre 10 na 11,
a fa so na peko ti kota ngu ni,
azo akomanse ti leke mbeni gbata
na mbeni yongoro tour
ti bungbi azo kue ndo oko;
ye so ague nde na ye so Nzapa aleke
ti tene azo asi ndö ti sese.
Me Nzapa asara si ala tene
ayanga ti kodro nde nde,
na yâ ti ala akangbi kirikiri.
Chapitre 11 ti si na 25
asara tënë na ndö ti Abraham
so ayeke na mabe.
Na chapitre 12,
Jéhovah atene na Abraham,
so kozo a iri lo Abram,
ti gue na sese so mbeni lâ
ahale ti lo ayeke ga
mbeni kota mara dä,
nga na lege ti ala
a yeke iri tënë nzoni
na ndö ti azo kue.
Na chapitre 15,
Jéhovah atene na Abram
ti yô lê ti lo na nduzu
na ti diko atongoro
tongana lo peut ti diko ni.
Nzapa atene:
“Hale ti mo ayeke ga
ande tongaso.”
Mo hinga?
Genèse ayeke mama-tene
ti Bible kue:
droit ti Jéhovah ti komande
dunia kue
nga gango tâ tënë ti
aye so lo leke na bê ti lo
ti sara ndali ti sese
nga na azo na
lege ti Royaume ti lo;
mbeni zo so a yeke dü lo ande la
ayeke ga gbia ti Royaume ni.
A sara tënë ti zo ni so
na ti kua ti lo kozo awe
na Genèse chaptire 3 versê 15.
Mbeti ti Apocalypse
afa tongana nyen la
lo yeke neka Satan,
“ngbo ti giriri”,
nga lo yeke ga
na aye ti nzoni so
a mû zendo ni na azo
kue so amä yanga.
Na chapitre 19,
Nzapa afuti Sodome na Gomorrhe
na agbata so ayeke na terê ni
ndali ti so azo ni
asara lango-sioni mingi.
Na chapitre 22,
Jéhovah atene na Abraham
ti mû molenge ti lo
Isaac na sandaga.
Me na ngoi so Abraham
aye ti mû lo na sandaga,
Nzapa akanga lege na lo,
na lo kiri encore na ndö
ti zendo so lo mû kozo
awe na Abraham na ndö ti hale ni.
Achapitre 24 ti si na 50
asara tënë mingi na ndö ti Isaac;
amolenge ti lo so ayeke angbo,
Jacob na Ésaü;
nga Joseph, molenge ti Jacob.
Isaac airi tënë nzoni
na ndö ti Jacob,
na pekoni lo gue na
Paddan-Aram
so lege ni ayo mingi.
Kâ, na lege ti Léa,
Rachel,
nga na azo ti kua ti ala,
Jacob aga babâ ti gbâ ti amolenge,
so na popo ni amolenge ti koli 11.
Na pekoni Jacob akiri na Canaan;
kâ,
Nzapa achangé iri ti lo aga Israël
na Rachel akiri adü mbeni
molenge ti koli na Jacob,
ala kue aga 12.
Achapitre 37 ti si na 41
afa tongana nyen la
amolenge ti Jacob
akä ita ti ala Joseph,
so ayeke na ngu 17,
na lo ga ngbâa ti Potiphar,
mbeni kota zo na
yangbo ti Pharaon.
Na pekoni,
wali ti Potiphar
ayeke gi ti zia nzara
ti lo na yâ ti Joseph
me lo sara gbä.
Lo bi tënë na li ti Joseph lo tene
Joseph aye ti lango na ni,
na a bi Joseph na da ti kanga.
Na ngoi so Joseph
ayeke na ngu 30
nga lo ngbâ na kanga,
lo fa peko ti abango li ti Pharaon
grâce na yingo vulu ti Nzapa.
Ye so asara si a zi lo na kanga
na a zia lo use zo na peko
ti Pharaon na Égypte.
Na chapitre 42 ti si na 47,
Joseph akiri awara afami ti lo
so asara kodro na Égypte
tongana awande.
Chapitre 49
asara tënë ti prophétie so
Jacob atene na ndö
ti amolenge ti lo
kozo si lo kui.
Hale so a mû zendo ti lo,
wala Shilo,
lo so “amara ayeke mä
ande yanga ti lo”
ayeke ga na lege ti hale ti Juda.
Na ngoi so mo yeke
diko mbeti ti Genèse,
bâ tongana nyen la afa
ndani so azo ayeke bâ pasi,
tongana nyen la abe-ta-zo ti giriri
anzere na lê ti Nzapa
nga lo iri tënë nzoni na ndö ti ala
nga tongana nyen la azendo
so Jéhovah amû na azo ti mabe so,
a yeke ga tâ tënë
na lege ti Jésus Christ,
Gbia ti Royaume ti Nzapa.