JW subtitle extractor

Omuaraa parau o te buka Genese.
Tei te medebara o Sinai Mose, a hope ai ia ’na te buka Genese i 1513 hou te Mesia.
Fanauhia i 1593 hou te Mesia,
ua riro Mose ei peropheta,
aratai,
haava,
taata tuatapapa
e arai.
Na ’na i papai na buka Bibilia matamua e pae,
oia atoa te buka Ioba,
te Salamo 90
e peneia‘e te Salamo 91.
E “tumu” aore ra “fanauraa” te auraa o te parau Genese.
Te faataa ra teie buka i to te Atua poieteraa i te ao nui
e i to ’na faaineineraa i te fenua no te taata.
Te faaite-atoa-hia ra te aamu o te ati Iseraela,
mai Aiphiti mai e tae atu i te poheraa o Iosepha i te matahiti 1657 hou te Mesia.
E 50 pene to te buka Genese.
Te faataa ra te pene 1 e 2
nafea te Atua i faaineine ai i te fenua no te taata
e i poiete ai i te tane e te vahine matamua,
Adamu e Eva.
Faaue atura Iehova ia raua ia ‘faaî i te fenua e ia haavi iho’
a ora noa ’i e a muri noa ’tu.
I te pene 3, ua turai te hoê ophi ia Eva ia faaroo ore i te Atua.
Ua pee atoa Adamu ia ’na.
Te faahopearaa, ua fa mai te hara e te pohe i roto i teie ao.
I te pene 6, ua rave te mau melahi ino i te tino taata
no te faaea e te mau vahine, e fanau atura i te tamarii afa taata e afa melahi parauhia aito.
Rahi roa ’tu ra te ino, faaoti a‘era te Atua e haamou i te taata na roto i te diluvi.
Ua mauruuru râ te Atua ia Noa,
ua faaue ia ’na ia hamani i te araka no te faaora i to ’na utuafare e te mau animara.
I te pene 10 e 11, i muri a‘e i te Diluvi,
haamata atura te taata i te patu i te hoê oire e te pare rahi no te ora i te hoe â vahi.
No te faatupu i ta ’na opuaraa, ua faahuru ê te Atua i te reo e purara ê atura te taata.
I te pene 11 tae atu 25, no nia ïa i te taata faaroo ra o Aberahama.
I te pene 12, ua faaue Iehova ia Aberahama, parauhia na mua ’tu Aberama,
ia haere i te fenua i reira to ’na huaai e riro ai ei nunaa rahi.
No ’na atoa te mau taata atoa e haamaitaihia ’i.
I te pene 15, ua ani Iehova ia Aberama ia taio i te mau fetia te tia ia ’na ia taio.
E na ô atura: “Oia atoa to oe na huaai.”
Ua ite anei oe?
O te buka Genese te puohu ra i te taatoaraa o te Bibilia
mai te haapapuraa o te tiaraa Arii hau ê o te Atua,
ta ’na opuaraa no te fenua maoti te Faatereraa arii
faaterehia e te huaai fanauhia i muri a‘e.
Te faahiti ra te Genese pene 3 irava 15 i tera huaai e te mea ta ’na e rave.
E te Apokalupo nafea ïa oia e taataahi ai i “te ophi i tahito ra,” Satani,
a hopoi mai ai i te mau haamaitairaa no te feia auraro.
I te pene 19,
ua haamou te Atua ia Sodoma, Gomora
e te mau oire tapiri no te rahi o te peu taotoraa tia ore.
I te pene 22, ua parau Iehova ia Aberahama ia pûpû i ta ’na tamaiti Isaaka ei tusia.
A na reira ai Aberahama,
tapea a‘era Iehova ia ’na e haapapu faahou atura i ta ’na i fafau
no nia i to Aberahama huaai.
I te pene 24 tae atu 50,
o te aamu ïa o Isaaka e ta ’na na maehaa Iakoba e Esau,
oia atoa ta Iakoba tamaiti o Iosepha.
Hou a haere ai Iakoba i Padana arama, ua haamaitai Isaaka ia ’na.
Ua fanau Lea, Rahela e ta raua na tavini vahine
e rave rahi tamarii na Iakoba, taiohia 11 tamaiti
e i to ’na ho‘iraa i Kanaana,
taui ihora te Atua i te i‘oa o Iakoba
o Iseraela ïa
e fanau faahou atura Rahela hoê tamaiti.
I te pene 37 tae atu 41,
e 17 matahiti noa to Iosepha i to ’na hooraahia e to ’na mau taeae,
e riro atura ei tîtî na Potiphara.
Faahinaaro a‘era te vahine a Potiphara ia Iosepha, aita râ i manuïa.
Pari haavare atura te vahine ia Iosepha i te maferaraa ia ’na e tapeahia ’tura oia.
I te 30raa o to ’na matahiti,
ua tatara Iosepha i te moemoeâ a Pharao
maoti te varua mo‘a.
E riro atura Iosepha ei faatere hau nui o Aiphiti.
I te pene 42 tae atu 47, ua tahoê faahou mai te utuafare o Iosepha i Aiphiti.
I te pene 49, ua tohu Iakoba no nia i ta ’na mau tamaiti hou a pohe ai.
Mea na roto ia Iuda te huaai fafauhia e haere mai ai, o Silo ïa,
o ’na ta te mau nunaa atoa e tia ia auraro.
A taio ai i te buka Genese,
a tapao na eaha te tumu te taata e mauiui ai,
no te aha e mea nafea te mau patereareha i haamaitaihia e te Atua
e nafea ta Iehova i fafau ia ratou e tupu ai na roto ia Iesu Mesia,
te arii o te Faatereraa arii a te Atua.