JW subtitle extractor

2 Царей тхылъым ущызыгъэгъуазэ.
КъызэралъытэмкІэ, 2 Царей тхылъыр зытхар Иеремиещ.
2 Царей тхылъым 1 Царей тхылъым итым пещэ.
Абы къиІуэтэжым илъэс 340 къызэщІеубыдэ.
Ди эрэм ипэ хуэгъэфэщауэ 920 гъэм щыщІэдзауэ,
580 гъэм нэс тхылъыр ятхын щаухам ирихьэлІэу.
Ар топсэлъыхьыж Израилымрэ Иудэмрэ Алыхьым и лъабжьэ зэрыщІэкІам икІи икІэм-икІэжым а тІур гъэрыпІэм зэрихуам.
2 псалъащхьэм жьым Иляс уафэм дрехьей.
Абы и пІэ и унэІут Елисей йоувэ.
4, 5 псалъащхьэхэм Шунем щыщ цІыхубзым и къуэр Елисей къегъэхъуж.
Иджыри Елисей телъыджэ щІыкІэкІэ щІакхъуэ 20-кІэрэ гуэдз къэпкІэрэ цІыхуищэ егъашхэ.
Абы нэмыщІ Сирием и дзэ пашэ Нееман и уэшын узыр игъэхъужащ.
6 псалъащхьэм Сирием и зауэлІхэм Елисей къалъыхъуэ.
Абыхэм Елисейрэ абы и унэІутымрэ къыздэувыІа Дотан къахъуреихь.
Иеговэ унэІут гужьеям и нэр къегъаплъэри, Елисей къэзыухъуреихь мафІэ къызыпих шыгухэр ирегъэлъагъу.
9 псалъащхьэм Ииуй Израилым и пащтыхьу трагъэувэ.
Иеговэ абы и пщэ делъхьэ Ахав и лъэпкъыр зэрыщыту зэтриукІэну,
фызабэу къэна Ахав и щхьэгъусэ Иезавели абы хэту.
11 псалъащхьэм Ахав и пхъу Аталие Иудэм тепщэныгъэр къыщеубыдри, пащтыхь лъэпкъыр игъэкІуэдыну иужь йохьэ.
Ауэ дин пашэшхуэ Иодайрэ абы и щхьэгъусэмрэ сабий цІынэ Иоас кърагъэл.
Иоас илъэсибл щыхъум пащтыхьу трагъэувэ, Аталие яукІ.
15 псалъащхьэм Ассирием и пащтыхь Тиглатпаласар lll жыхуаІэр ищхърэ пащтыхьыгъуэм тоуэри, куэдыр гъэру ешэ.
17 псалъащхьэм Ассирием и пащтыхь Салманасари Израилым тоуэри, къэнэжа цІыхухэр гъэру ешэ.
ФщІэуэ пІэрэ фэ? ЦІыхухэм зыкъамыІэтын щхьэкІэ Ассирием и пащтыхьхэм къазэуа лъэпкъхэр нэгъуэщІ щІыналъэм ягъакІуэт,
абыхэм я щІыпІэм нэгъуэщІ лъэпкъхэр кърагъэтІысхьэт.
Самарие ягъэІэпхъуахэм самарие цІыхукІэ еджэу хъуащ.
18 псалъащхьэм Иудэм и пащтыхьу Езекие тоувэ. Ар Иеговэ хуэжыІэдаІуэщ.
Ар пащтыхьу зэрытеувэрэ илъэс 14 щыхъум, Ассирием и пащтыхь Сеннахирим Иудэм тоуэ, Иерусалимыр къизэуну и мураду.
19 псалъащхьэм Иеговэ къалэр зэрихъумэнур бегъымбар Ешайа жреІэ.
Алыхьым къыбгъэдэкІ а хъыбарыр Ешайа Езекие жреІэ.
А жэщ дыдэм Иеговэ и мелыІычым Ассирием и зауэлІу мин 185 еукІ.
21 псалъащхьэм Езекие и къуэ Манасие илъэс 12 щыхъум пащтыхь ящІ.
Абы Иеговэ ифІэмыфІ Іуэху куэд ещІэ икІи и къуэ нэгъунэ мафІэкІэ егъэс.
22 псалъащхьэм Манасии, абы и къуэ Амони лІа иужь, илъэсий хъу Иосие пащтыхьу трагъэувэ.
Абы Иеговэ ифІэфІыращ ищІэр.
Тхылъым и иужьрей псалъащхьищыр Иудэм и иужьрей пащтыхьхэм я тепщэгъуэр зэрекІуэкІам топсэлъыхь:
Иоахаз, Иоаким, Иехоние, Седекие сымэ.
Ахэр зыри Иеговэ едаІуэтэкъым.
24 псалъащхьэм Иехоние и мазищ тепщэгъуэм хуэзэу Бабилэным и пащтыхь Навуходоносор Ерусалим къеувыхь.
Иехоние зетри, пщыхэм, блыгущІэтхэм, пщылІхэм я гъусэу Бабилэн яшэ.
25 псалъащхьэм Седекие и тепщэгъуэу Навуходоносор Ерусалим етІуанэу тоуэ.
Бабилэн цІыхухэм Алыхьым и унэшхуэр ягъэс, къалэ блынхэр зэхакъутэ икІи Седекиерэ псэууэ къэна журтхэмрэ Бабилэным яшэ.
Абыхэм Иудэм къыщына цІыху тхьэмыщкІэ тІэкІум и тепщэу Гедалие трагъэувэ.
Ауэ ар яукІри, лъэпкъыр Мысырым щІопхъуэ.
2 Царей тхылъым фыщеджэкІэ гу лъыфтэ мыхъумыщІагъэ зылэжь пащтыхьхэм я лабжьэ щІэт цІыхухэм я зэран зэрекІым,
пащтыхь жыІэдаІуэхэм Иеговэ и нэфІ ящыхуэу зэрыщытам
икІи Алыхьым и Пащтыхьыгъуэм и Пащтыхьу щытынур къызытехъукІыну Даут и щІэблэр Иеговэ зэрихъумам.

Вторая Царей тхылъым ущызыгъэгъуазэ