JW subtitle extractor

Kèk bagay nou ka aprann
nan liv Estè a.
Estè se dezyèm liv nan de liv
nan Bib la ki pote non fi.
Istwa a pale anpil de Estè
ki te yon Juif.
Petèt, se gran kouzen Estè,
anpalan de Madoche,
ki te ekri pifò ladan l.
Lè Estè vin òfelen,
se Madoche ki te leve l.
Estè ak Madoche te vin ap viv
nan palè wa Asyeris la.
Palè wa a te nan vil Souz.
Vil Souz te nan mitan
anpi Pès la,
yon anpil ki te soti
End rive Etyopi.
Liv Estè a rapòte evènman
ki te kòmanse nan ane
493 anvan epòk nou an.
Yo te ekri l ozanviwon ane
475 anvan epòk nou an,
e yo te fin ekri l anvan yo te ekri
liv Esdras ak liv Neyemi an.
Nan epòk Estè a,
gen yon ti gwoup nan
Juif ki te rete yo
ki te gentan retounen pou yo
rekonstwi tanp lan nan Jerizalèm.
Men, gen anpil lòt ki te toujou
ap viv nan anpi Pès la.
Liv Estè a gen 10 chapit.
Chapit 1 ak chapit 2 rapòte
rechèch wa peyi Pès la te fè
nan tout anpi a pou l jwenn
yon lòt rèn.
Alafen, se Estè yo te chwazi.
Chapit 3 rive nan chapit 7
montre fason Aman,
yon ènmi pèp Bondye a,
te vin premye minis,
ak konplo l te fè
pou l elimine Juif yo.
Aman te itilize bag wa a te
konn itilize pou l poze so a
pou l poze so sou yon
dekrè ki bay lòd
pou yo touye tout Juif yo
san wete Madoche.
Si konplo Aman an te reyisi,
li t ap elimine liy fanmi kote
Mesi a t ap soti a.
Lè Estè aprann konplo a,
li te deside suiv konsèy
Madoche a
e l t al kot wa Asyeris.
Èske w te konn sa?
Yon moun k al devan wa a
san yo pa t envite l,
wa a te ka fè touye l.
Se sèlman si wa a te lonje
baton annò l la bay moun sa a,
yo t ap epaye l.
Avèk kouraj, Estè t al
kot wa a
e li te devwale konplo
malveyan sa a.
Lè wa a aprannn sa, li tèlman
fache, li fè touye Aman.
Chapit 8 rive nan chapit 10
rapòte fason Madoche te vin
premye minis nan plas Aman.
Estè ak Madoche te fè
yon nouvo dekrè.
Yo te poze so sou li ak bag
wa a konn poze so a,
e dekrè sa a te bay Juif yo
dwa pou yo defann tèt yo
lè yo atake yo.
Yo te voye dekrè a
toupatou nan anpi a.
Jewova te fè Juif yo
ranpòte yon gwo viktwa,
e li te pwoteje liy fanmi
kote Mesi a t ap soti a.
Pandan w ap li liv sa a,
note fason Madoche ak Estè
te sèvi ak lwa peyi Pès la avèk
ladrès pou yo pwoteje Juif yo,
fason Jewova kapab delivre
pèp li a nan nenpòt sitiyasyon
ak fason Estè ki te jèn te
riske lavi l avèk kouraj
pou l pwoteje pèp Bondye a
ansanm ak liy fanmi
ki mennen nan Mesi a.

Kèk bagay nou ka aprann sou liv Estè a